Jɛremaya 2:26 - EBƆRƐ BE KAWƆL

²⁶ Ade be kaman nɛ Enyɛnpe Ebɔrɛ na kaŋɛ: “Kananɛ baa pɛ eyu nɛ nyɔmɔ bee pɛ mo na, nɛ nyɔmɔ beeŋ pɛ menyi Israɛlebi be bewuraana nɛ benimuana nɛ bɔrɛmatapoana nɛ anebiana na kikɛ.

Jɛremaya 2:26 Iomraidhean Croise

Ɛzra 9:7

Baŋ yili an nananyɛnana be jemanɛ so m ba fo kabre, anyi be alubi baa shi ga nna. Ŋkpal alubi na so, anyi nɛ anyi be bewura nɛ anyi be bɔrɛmatapoana kikɛ ki anya nna n sa efuli pɔtɛ so ebi nɛ baa mɔ anyi nsaa suge anyi be asɔ nseŋ naa pɛ anyi a yɔ kenyaya to. K shin nɛ an ji anishinyɔr ga nseŋ kra ji kumo kabre.

Nshɛ 97:7

Bekama nɛ baa shuŋ agbirana ŋko a puchi amo so na bee ŋaba nna; ŋkpal manɛ so, agbirana kikɛ maŋ la shɛŋ Ebɔrɛ be anishito.

Aizaaya 1:29

Saŋɛ na so nɛ nyɔmɔ e pɛ menyi nɛ men be ŋgbene e jija menyi ŋkpal men ka daŋ shuŋ ndibi nseŋ lɔŋɛ mboŋ ko a shuŋ agbir ndoŋ so.

Aizaaya 44:11

Esa kama nɛ e bee shuŋ kegbir nɛ basa nɛ baa lɔŋɛ agbirana na kikɛ la edimɛdi nna. Bumo alɛ kikɛ be lalaloge la ŋaba nna. Shin nɛ b ba yili ma anishi to nɛ n ji bumo demu nɛ fo keni. Baaŋ baa chicha nseŋ ji anishinyɔr.

Aizaaya 44:9

Bekama nɛ b lɔŋɛ agbirana maŋ la shɛŋ. Agbirana nɛ baa lɔŋɛ a fa yawu kpakpaso na maŋ kɔ tɔnɔ kikɛ. Basa nɛ baa shuŋ agbirana ere du fanɛ etanpo nɛ basa nɛ b maŋ kɔ kanyiasheŋ nna. Bumo alɛ beeŋ ji anishinyɔr ŋkpal loŋ so.

Jɛremaya 2:36

Men paŋ anishinyɔr nseŋ ya kaa shuŋ efuli pɔtɛana so be agbirana. Kananɛ Asiriya be efuli so be agbirana maŋ tiŋ n chɛ menyi to na, aloŋ nɛ Ijipt be efuli be agbirana gba maaŋ tiŋ n chɛ menyi to.

Jɛremaya 22:22

Naniere menyeeŋ ji anishinyɔr ŋkpal menyi be alubi so. K beeŋ wora menyi fanɛ afu ka ber menyi be bejuŋkparpoana n yɔ, nɛ bedoŋ ba pɛ efuli pɔtɛana nɛ men daŋ yirda na be basa n yɔ efuli pɔtɛ wɔfɔ so nna.

Jɛremaya 32:32

ŋkpal asheŋ lubi nɛ Juda nɛ Jerusalɛm to be basa nɛ bumo be bewuraana nɛ bejuŋkparpoana nɛ bɔrɛmatapoana nɛ anebiana na wora na kikɛ so.

Jɛremaya 4:9

Kede be kaman, nɛ Enyɛnpe Ebɔrɛ na naŋ kaŋɛ le: “Loŋ be kachɛ na kaŋ fo, kɔnɔ beeŋ mɔ bewuraana nɛ benimuana na nɛ bɔrɛmatapoana na nɛ anebiana na nɛ kufu e pɛ bumo nɛ b baa chicha.”

Jɛremaya 48:27

Mowab be basa, men baa nyiŋi kananɛ men daŋ wora Israɛl be basa eyurto. Men daŋ wora bumo nna fanɛ b ka la beyu nɛ besugepo na.

Ezikɛl 16:54

saŋɛ na so nyɔmɔ beeŋ pɛ fo basa ŋkpal bumo be asheŋ wora so ka shin nɛ Sodɔm nɛ Samɛria kikɛ to be basa duli basa lela a chɔ bumo so.

Ezikɛl 22:26

Israɛl be bɔrɛmatapoana bee gal ma mbraana nna a nase nsaa keni ma asɔ cheembi jiga. B maa barga asɔ nɛ a du cheembi nɛ amo nɛ a maŋ du cheembi to. Bumo alɛ maa ŋini basa kananɛ asɔ nɛ a walɛ so nɛ amo nɛ a maŋ walɛ so kɔr abar to. Ade kikɛ be kaman, b maa bɛ ma kewushiachɛ na so. Israɛl be basa maa sa ma bunyaŋ.

Zakareya 5:4

Enyɛnpetale Ebɔrɛ na yɛ e beeŋ shin nɛ kɔnɔsho ere e luri eyu nɛ ekama nɛ e bee bɔ ntaŋ a ku efɛ kikɛ be elaŋana to nseŋ shir elaŋ na so hale nɛ a ya mur cheche.”

Romebi 6:21

Men ka daa wora asheŋ nɛ amo be asheŋ bee pɛ menyi anishinyɔr ere, manɛ be tɔnɔ nɛ men daŋ nya amo to? Loŋ be asheŋ na be tɔnɔ e la luwu.