Jɛremaya 2:22 - EBƆRƐ BE KAWƆL

²² Nɛ men ta kɔya lela m bɛr ŋ gbiti menyi be eyur so nɛnɛ gba, ŋ kraa beeŋ wu alubi nɛ a shin nɛ men wora n jija ma anishito na ashi menyi so.

Jɛremaya 2:22 Iomraidhean Croise

2 Samuɛl 11:12

Nɛ Deevid kaŋɛ mo le: “Kumo ere fo naŋ dese kabre nɛ n shin nɛ fo bɛta a yɔ echefo.” Nɛ Yuriya naŋ laŋɛ n chena Jerusalɛm to kamɔnchɛ na nɛ kumo be ŋklade kikɛ.

Job be kawɔl 14:17

Feeŋ ta ma alubi m paŋ ma nseŋ kplaŋ amo so. Fo alɛ beeŋ kpra ma asheŋ lubi kikɛ n lɛ.

Nshɛ 130:3

Nɛ fo Enyɛnpe Ebɔrɛ na daa sibɛ alubi a nase nna, esa kikɛ daa maaŋ ji n lar fo demuji to.

Nshɛ 90:8

Fo alɛ nyi anyi be alubi kikɛ be asheŋ; hale amo nɛ an ŋana n wora ashiri to gba.

Jɛremaya 16:17

Mee wu kusɔ kama nɛ baa wora nɛ shɛŋ maŋ ŋana ma so. Bumo be alubi maa baŋ ma kenishi so.

Jɛremaya 17:1

Nɛ Enyɛnpe Ebɔrɛ na kaŋɛ: “Juda be basa, menyi be alubi maaŋ tiŋ ŋ kpra kikɛ; ŋkpal manɛ so, e sibɛ a deŋ menyi be ŋgbene so nna fanɛ b ka shɛl amo n deŋi kejembu so ŋko menyi be ebɔrɛsure be ekarso na nna.

Jɛremaya 4:14

Jerusalɛm to ebi, men lara asheŋ lubi men be ŋgbene to nseŋ yige nfɛra lubi be kebaafɛ, saŋɛ na so menyi beeŋ nya kumɔlga.

Ezikɛl 24:6

Kusɔ nɛ Enyɛnpetale Ebɔrɛ na bee kaŋɛ e la fanɛ asheŋ maaŋ nyalɛ n sa Jerusalɛm be kadegboŋ nɛ kumo to be basa bee mɔ basa ere! K du fanɛ kadaŋɛ kreŋ so nɛ b maŋ naŋ fɔr kumo na nna. Baa lara eblaŋ na kukoko to nna nɛ esa kikɛ be shɛŋ maŋ wɔ kusɔ nɛ k bee wora na to.

Hoziya 13:12

B sibɛ Israɛl be alubi nɛ kananɛ bumo be nfɛra ji m bri bumo kikɛ be asheŋ kikɛ n nase kanyiŋi be nwɔl to ŋ ŋana n yili nɛnɛ nna.

Eemɔs 8:7

Enyɛnpe nɛ e la Israɛl be Ebɔrɛ na bɔ ntaŋ ŋ kaŋɛ le: “M maaŋ teŋ bumo be asheŋ lubi nɛ b wora na kikɛ so.

Ditɛronɔmi 32:34

Enyɛnpe Ebɔrɛ na nyiŋi kusɔ nɛ bumo doŋana wora nsaa jo saŋɛ nɛ k daga fanɛ e gberge bumo kusoe.