Jɛremaya 2:21 - EBƆRƐ BE KAWƆL

²¹ N daŋ lara menyi nna nɛ men baa la ndibi sɔrso be kudɔ lela nɛ k beeŋ baa sɔr asɔrso lela nɛnɛ a sa ma, ama men keni basa men ki naniere! Men ki fanɛ ndibi sɔrso be kudɔ nɛ ekama maa keni so nɛ k ki kupuŋ nn, a maaŋ naŋ tiŋ a sɔr kusɔrso koŋwule gba.

Jɛremaya 2:21 Iomraidhean Croise

Jɛnesis 18:19

N lara mo nna, nɛ e shin nɛ mbe mbia nɛ basa nɛ b wɔ mbe laŋ to kikɛ e wora kasonu n sa ma nsaa wora kusɔ nɛ k niŋi nɛ kusɔ nɛ k daga. Nɛ b wora loŋ, ma alɛ beeŋ wora kusɔ kama nɛ n nase kɔnɔ fanɛ meeŋ wora n sa mo ere Eebraham na.”

Jɛnesis 32:28

Ndoŋ nna nɛ kanyɛn na kaŋɛ Jeekɔb le: “Yili kabre mbaanaayɔ fo ketre maaŋ naŋ ji Jeekɔb, k ki Israɛl, ŋkpal fo nɛ Ebɔrɛ nɛ edimɛdi ka kɔ nɛ fo pɔɔ so so.”

Nshɛ 44:2

kananɛ fo ta fo eleŋ n ju basa nɛ b daa wɔ efuli ere so dra dra na, nseŋ shin nɛ an nananyɛnana sɔ kasawule ere nɛ kananɛ fo shin nɛ asheŋ nite nɛnɛ n sa bumo.

Nshɛ 80:8

An du fanɛ asɔrso nɛ baa tre greeps na be kefeelebi nna, nɛ fo keta anyi n lar Ijipt be efuli so nseŋ ba ju efuli pɔtɛana so be basa n lɛ nseŋ ta anyi n fɛa bumo be kasawule so.

Nshɛ 80:9

Fo e lɔŋɛ kasawule na so, nɛ kefeelebi na e tiŋ n daŋ; nɛ kumo be nliŋi e nya n luri kasawule to nɛnɛ. Saŋɛ na so k beeŋ purge m buu kasawule na kikɛ so.

Ɛksodɔs 15:17

Fo e naaŋ yɛr fo basa n ya chena fo gbagba be kebee so, kaboŋ nɛ fo, Enyɛnpe lara fanɛ k baa la fo pe nsaa la ebu cheembi nɛ fo gbagba pɔr na.

Aizaaya 1:21

Menyi Jerusalɛmebi nɛ men daa ji kashenteŋ na, chɛrga nna a wora asheŋ fanɛ sakaleche. Basa nɛ b niŋi e daŋ bɔlɔ menyi be kadegboŋ to jemanɛ ko, ama naniere basa nɛ baa mɔ basa nawule e ka kumo to.

Aizaaya 27:2

Kachɛ na kaŋ fo, le nɛ Enyɛnpe Ebɔrɛ na beeŋ kaŋɛ a laŋɛ mbe ndibi sɔrso be kudɔ lela na be kaplɛa so:

Aizaaya 41:8

Israɛlebi, men la ma nyɛrbi nna. Ma e lara menyi. Menyi nɛ men la nteri Eebraham be kaman to ebi na nɛ n lara.

Aizaaya 5:4

Kusɔ ko daga fanɛ n wora kudɔ na to nɛ m maŋ wora kumo a? Nɛ manɛ e ba nɛ ndibi na bee sɔr asɔrso nyaŋnyaŋso? Mannɛ asɔrso lela nɛ mee sha a?

Aizaaya 60:21

Kumo be kaman nɛ menyi be basa kikɛ e chena kasawule na so nsaa wora kusɔ nɛ k niŋi mbaanaayɔ. B du fanɛ kedibi nɛ ŋ gbagba du ndoŋ nɛ n lara ma keshi ŋ ŋini ekama nna.

Aizaaya 61:3

fɔŋfɔŋ bumo nɛ baa shu nli Jerusalɛm to na. E yɛ, n sa basa kagbenefuli nɛ kagbenewushi; mannɛ kagbenejija damta. E yɛ, n sa bumo kapandi be nshɛ, mannɛ kebɔltofinfin. Baaŋ baa du fanɛ ndibi nɛ Enyɛnpe Ebɔrɛ gbagba duu nna. Bumo kikɛ beeŋ baa wora kusɔ nɛ k daga, nseŋ kpaŋ Ebɔrɛ ŋkpal kusɔ nɛ e wora so.

Jɛremaya 11:16

Jemanɛ ko n daŋ ta bumo nna fanɛ kedibi nɛ baa tre ɔlif nɛ k kɔ asɔrso lela ga na, ama naniere meeŋ shin nɛ kakpa a gbri fanɛ bɔrɛ ka ponte na nɛ afantaŋ na e suse so nɛ ayabi na malɛ e buri n tɔr.

Jɛremaya 11:17

Ma, Enyɛnpetale Ebɔrɛ na e duu Israɛl nɛ Juda be basa fanɛ kedibi, ama naniere meeŋ shin nɛ kemur gboŋgboŋi e ba bumo so. Bumo gbagba e bar kumo be loŋ ŋkpal b ka wora kulubi so. B lara esarga nna n sa kegbir nɛ baa tre Baal na n shin nɛ ma kagbene kaa bumo so.”

Jɛremaya 5:10

Meeŋ shin nɛ bedoŋ e ba ku ma basa be ndibi sɔrso n lɛ, ama b maaŋ mur ndibi sɔrso be adɔ na bre cheche. Meeŋ kaŋɛ bumo fanɛ b kpele ayabiana na n lɛ; ŋkpal manɛ so, loŋ be basa na maa sha kebaanyi ma.

Nfabel 4:1

Anyi be shuwa nɛ k bee nyɛkpɛ ga na kreŋ so nɛ ajembu nɛ b ta m pɔr bɔrɛlambu na pesaŋ to a dese agbembi so.

Ezikɛl 15:2

“Dimɛdi pibi, Ezikɛl, nuso nɛ baa ta kefeelebi a ber kedibi? Kefeelebi be keyabi nɛ kupuŋ to be kedibi be keyabi be kumo e kɔ tɔnɔ?

Matiu 21:33

Nɛ Yesu kaŋɛ basa na: “Men naŋ nu keŋasa ko: Kowurnyɛn ko e daa wɔtɔ n dɔ ndibi sɔrso be kudɔ n fɛa asɔ ŋ kulti kumo nseŋ kur asɔrso na be kemaŋ nɛ b baa nyaŋ amo ndoŋ. Kumo be kaman nɛ e yuu kejaŋ jeŋgreŋ ko malɛ. E ka loge ade kikɛ nɛ e ta kudɔ na m bɔɔ paawuraana enɔ fanɛ b baa keni so nseŋ yɔ efuli pɔtɛ ko so.

Maak 12:1

Ade be kaman nɛ Yesu naŋ bɔ bumo aŋasa a kaŋɛ: “Kanyɛn ko e daŋ dɔ ndibi sɔrso be kudɔ n fɛa asɔ ŋ kulti kumo nseŋ kur asɔrso na be kemaŋ nɛ b baa nyaŋ amo ndoŋ. Kumo be kaman nɛ e yuu kejaŋ jeŋgreŋ ko malɛ. E ka loge ade kikɛ nɛ e ta kudɔ na m bɔɔ paawuraana enɔ fanɛ b baa keni so nseŋ yɔ efuli pɔtɛ ko so.

Luuk 20:9

Ade be kaman nɛ Yesu naŋ fara a bɔ keŋasa ere a sa basa na. E yɛ: “Kanyɛn ko e daŋ dɔ ndibi sɔrso be kudɔ nseŋ ta kumo m bɔɔ paawuraana enɔ fanɛ b baa keni so nseŋ yɔ efuli pɔtɛ ko so nɛ e ya wora nchɛnnyɔ.

Baru lela nɛ Jɔn kute na 15:1

Yesu yɛ: “N du fanɛ kedibi sɔrso gbagba nna nɛ n Tuto malɛ la ndibi sɔrso na be ekenipo.

Ditɛronɔmi 32:32

Bumo doŋana nɛ b lubi fanɛ Sodɔm nɛ Gomɔra ebi na, du fanɛ afeelebi nɛ a bee sɔr asɔrso kekra nɛ kɔrtɔ wɔ amo to nna,

Ditɛronɔmi 4:37

Kasha nɛ Enyɛnpe Ebɔrɛ na kɔ n sa men nananyɛnana na so nɛ e lara menyi nɛ men baa la mo gbagba be basa nseŋ bɔla mbe yukugboŋ so n lara menyi ashi Ijipt be efuli so m ba.

Joshuwa 24:31

Joshuwa ka daa wɔ ŋkpa to na, Israɛlebi na daa shuŋ Enyɛnpe Ebɔrɛ nna. E ka naŋ wu malɛ gba b daŋ kraa shuŋ mo nna saŋɛ nɛ benimu nɛ b wu kusɔ nɛ Enyɛnpe Ebɔrɛ wora n sa bumo na kraa wɔ ŋkpa to na.