Jɛremaya 2:20 - EBƆRƐ BE KAWƆL

²⁰ Kumo be kaman nɛ Enyɛnpetale Ebɔrɛ naŋ kaŋɛ le: “Israɛlebi, dra na kikɛ nɛ men kini ma kebaawɔ wɔ menyi. Menyi alɛ kini fanɛ men maaŋ wora ma kasonu ŋko n shuŋ ma. Men daa shuŋ agbirana ashi abeebi so nɛ ndibigboŋ nɛ e kɔ afantaŋ ga be afito nna, a fɛ fanɛ amo e naa sa menyi mbia.

Jɛremaya 2:20 Iomraidhean Croise

1 Bewura 12:32

Ewura Jeroboam malɛ gba daŋ naŋ yili kumo nna fanɛ b baa ji kabɔrɛshuŋ be kachɛgboŋ na kufɔl burwasopo be kachɛ kuduanusopo kikɛ fanɛ kananɛ baa ji Juda peya na. E daŋ lara esarga n sa shuwa be egbolu fɔlbi be agbir na nna ashi Bɛtɛl be bɔrɛsure na so nseŋ lara bɔrɛmatapoana n chena Bɛtɛl nɛ baa keni kagbirshuŋ be mboŋ nɛ e pɔr n yili na so.

1 Bewura 14:23

B daŋ pɔr agbirlambuana nna nseŋ ta ajembu m pɔr eshabɔrɛ nɛ kegbirche Ashira be mpɔrduli n yili abee so nɛ ndibigboŋ nɛ a maaŋ gbaŋgbaŋ amo be afantaŋ be afito nsaa bunyaŋ amo.

Nshɛ 107:14

Tentembiri mina to nɛ e lara menyi nseŋ tuge menyi be ŋgbɛlɛbi nɛ men nya menyi be amu a ji.

Nshɛ 2:3

Le nɛ baa kaŋɛ: “Men shin nɛ an suge anyi be amu ashi bumo be enɔ to, nseŋ nya anyi be amu a ji.”

Nshɛ 78:58

B daŋ pɔr agbirana nna n yili agurɔŋgu so a shuŋ; n shin nɛ Ebɔrɛ be kukɔrkɔ koso nɛ e nya agbo ga.

Ɛksodɔs 19:8

Nɛ basa na kikɛ chɛ abar n shuli so ŋ kaŋɛ: “Anyeeŋ wora asheŋ nɛ Ebɔrɛ kaŋɛ na kikɛ.” Kumo be kaman nɛ Mosis ya kaŋɛ Enyɛnpe Ebɔrɛ kusɔ nɛ basa na malɛ kaŋɛ na.

Ɛksodɔs 24:3

Mosis ka shi kebee na so m ba nɛ e ba kaŋɛ basa na mmalga nɛ Enyɛnpe Ebɔrɛ malga kikɛ nɛ mbraana nɛ e nase kikɛ. Nɛ basa na kikɛ kpaŋɛ ŋ kaŋɛ le: “Mmalga nɛ Enyɛnpe Ebɔrɛ malga na kikɛ, anyeeŋ bɛ amo so.”

Ɛksodɔs 3:8

Ŋkpal loŋ so, nɛ ŋ gbelge m ba nɛ m ba mɔlga bumo ashi Ijiptebi na be enɔ to nseŋ lara bumo ashi Ijipt be kasawule so n yɛr bumo kasawule lela nɛ k shi so. Kasawule mo nɛ k kɔ kanya alegaiso nsaa wora ajibi nɛnɛ. Loŋ be kasawule na so nɛ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi tase so na.

Aizaaya 1:21

Menyi Jerusalɛmebi nɛ men daa ji kashenteŋ na, chɛrga nna a wora asheŋ fanɛ sakaleche. Basa nɛ b niŋi e daŋ bɔlɔ menyi be kadegboŋ to jemanɛ ko, ama naniere basa nɛ baa mɔ basa nawule e ka kumo to.

Aizaaya 10:27

Jemanɛ na kaŋ fo meeŋ shin nɛ men suge menyi be amu ashi Asiriya be eleŋgboŋ to nɛ b maaŋ naa ji menyi so kuwura a tɔrɔ menyi. Asheŋ beeŋ naŋ nyalɛ n sa menyi.”

Aizaaya 14:25

Meeŋ mur Asiriya be efuli so be basa ashi ma kasawule nɛ k la Israɛl be fuli na so nseŋ chichi bumo so ashi ma abee so. Ma alɛ beeŋ mɔlga ma basa ashi bumo be etɔrɔ kikɛ nɛ bumo be kebaala Asiriyaebi be anya to.

Aizaaya 9:4

Ŋkpal manɛ so, fo e pɔɔ basa nɛ b ta fo basa ŋ ki anya a kɔrfɛ bumo ŋkpal eleŋ nɛ b kɔ so na so. Fo e kɔ n sɔ bumo fanɛ kananɛ dra na fo mɔlga fo basa ashi Midian be efuli so be benapo be enɔ to na.

Jɛremaya 13:27

Ŋkpal manɛ so, e wu fo basa ka wora asheŋ nɛ e kishi nna. Kumo e la fanɛ e wu menyi nɛ menyee shuŋ nnyamase be agbirana ashi abee so nɛ adɔsawule to fanɛ kananɛ enyɛn ko bee yɛlga mo barkasa be eche nsaa shil a chɔ mo so na ŋko fanɛ kananɛ gbaŋɛ nyɛnso bee ju a bɛ gbaŋɛ cheso so na. Asheŋ maaŋ nyalɛ n sa menyi, Jerusalɛm to be basa ere! Jemanɛ mo nɛ menyeeŋ naŋ nyalɛ so a maaŋ naa kɔ eyurpi menyi so?

Jɛremaya 17:2

Menyi be basa yuu nnyamase be agbirsure nna a shuŋ kegbirche nɛ baa tre Ashira na ashi efuli na so be abeebi nɛ abeegboŋ nɛ ndibigboŋ nɛ e kɔ afantaŋ ga kikɛ be afito. Amoso meeŋ ta asɔ nɛ men kɔ kikɛ nɛ menyi be agbirsure n ti so n sa men doŋana.

Jɛremaya 2:31

Israɛl be basa, men nu kusɔ nɛ mee kaŋɛ ere. N daŋ kini menyi n lɛ ashi keshishɛrsawule so ŋko n shin nɛ men nite tentembiri to nna a? Nɛ mannɛ a ba nɛ menyee kaŋɛ fanɛ menyeeŋ baa wora menyi be kepar nsaa maaŋ naŋ bɛta m ba ma kutɔ?

Jɛremaya 3:13

Fo ere e shuli so fanɛ fo lar Enyɛnpe fo Ebɔrɛ na kaman nseŋ wora n jija. Shuli so nseŋ m bugi to ŋ kaŋɛ fanɛ fo ta fo kasha n sa agbirana nɛ e wɔ ndibigboŋ be afito nna nseŋ kini kewora ma mbraana kasonu.

Jɛremaya 30:8

Kumo be kaman nɛ Enyɛnpetale Ebɔrɛ na kaŋɛ le: “Jemanɛ na kaŋ fo, meeŋ buri kubɔ to be kebarga nɛ k deŋ menyi be abɔ so na to nseŋ tuge ŋgbɛlɛbi nɛ a chɛ men be mbre nɛ aya kikɛ na, saŋɛ na so menyi maaŋ naa la anya n sa efuli pɔtɛana so be basa.

Jɛremaya 5:5

To, meeŋ yɔ n ya malga bumo be benimuana kutɔ. Bumo ere nyi kusɔ nɛ bumo be Ebɔrɛ bee sha, ŋko kusɔ nɛ Enyɛnpe Ebɔrɛ na bee sha fanɛ b baa wora. Ama bumo kikɛ wora kɔnɔ nna ŋ kini kebaawora Enyɛnpe Ebɔrɛ na kasonu.

Ezikɛl 16:28

Ŋkpal benyɛn nɛ fo kɔ na ka maa kukwe fo so fo kra naŋ ya tu Asiriya be basa malɛ gba nna n ji kesakalea. Bumo alɛ gba maŋ kukwe fo.

Ezikɛl 16:31

Fo daŋ pɔr mboŋ nɛ feeŋ baa shuŋ agbirana nsaa ji kubojua n yili kubɔrbi kikɛ ase nna. Ama mannɛ amansherbi so nɛ fo daa wora loŋ, ŋkpal manɛ so fo daa maa sɔ amansherbi.

Ezikɛl 16:41

Meeŋ wora loŋ ashi beche damta be anishito nɛ fo kubojuaji e fo ekar nɛ fo jipoana maaŋ naaŋ nya ŋkɛ ashi fo kutɔ.

Ezikɛl 20:28

Jemanɛ nɛ m bar men tutoana kasawule nɛ n nase kɔnɔ fanɛ meeŋ sa bumo na so n loge na, nɛ b baa wu agoŋgulombi nɛ ndibigboŋ nɛ a kɔ afantaŋ nseŋ ta amo ŋ ki bumo be agbirshuŋkpaana nsaa wɔtɔ a lara esarga amo ase a sa bumo be agbirana. B daa chɔɔ eduwu nna nsaa duga nsa a wurge agbirana na nɛ kumo be loŋ daa nu ma agbo nsaa kaa ma kagbene.

Ezikɛl 23:5

Ohola daŋ kra la ma eche nna nsaa ji kesakalea nsaa kɔ kayɛlga lubi n sa mo jipoana nɛ b shi Asiriya be efuli so na.

Hoziya 1:2

Enyɛnpe Ebɔrɛ ka daŋ fara nɛ e bɔla Hoziya so m malga n sa Israɛlebi na, le nɛ e daŋ kaŋɛ: “Ya ta sakaleche nɛ mo nɛ mbe mbia maaŋ baa ji kashenteŋ a sa fo. Kumo be loŋ e naaŋ ŋini kananɛ ma basa Israɛlebi kute n lar ma kaman.”

Hoziya 2:5

Men nio daa maa ji kashenteŋ nna, amoso nɛ e paŋ anishinyɔr a kaŋɛ le na: “Meeŋ shile m bɛ ŋjipoana so, ŋkpal manɛ so, ma kusɔ kama shi bumo kutɔ nna. Ma ajibi nɛ ma nchu nɛ ma ewajɛ nɛ ɔlif be ŋku nɛ ma asɔ nuuso kikɛ bee shi bumo kutɔ nna.

Hoziya 3:3

Nseŋ kaŋɛ mo fanɛ naniere bre fo ki meya, amoso yige kesakalea nsaa jo ma nɛ ma alɛ gba e baa ji kanyiti a jo mo.

Hoziya 4:13

Abeegboŋ be esoso nɛ baa yɔ n ya ka lara bumo be esarga nsaa chɔɔ eduwu malɛ abeebi so ashi ndibi tenteŋ nɛ a purge ga a kɔ kiyoyul na be afito. Ŋkpal loŋ so nɛ menyi be mbichesobi bee ji kesakalea na, nɛ men shacheana malɛ bee lar bumo kulana be mman a sha benyɛn pɔtɛ.

Hoziya 9:1

Israɛlebi, men yige kebaaji eyur fanɛ nnyamase na. Men shile menyi be Ebɔrɛ nsaa maŋ naa ji kashenteŋ a sa mo kuraa. Kaplɛkama malɛ nɛ baa bri ayu, ndoŋ nɛ menyee wora menyi be amu fanɛ esakale na a shuŋ kegbir nɛ baa tre Baal na ŋkpal kusɔ nɛ menyee nya so!

Levitikɔs 26:13

Ma Enyɛnpe menyi be Ebɔrɛ na e lara menyi ashi Ijipt be efuli so m ba saŋɛ na so menyi maaŋ naa la anya. Ma e kɔ m pɔɔ eleŋ kama nɛ k daa ji menyi so na so, saŋɛ na so, menyi maŋ naa fɔŋ shɛŋ so na.”

Nahum 1:13

Meeŋ shin nɛ Asiriyaebi be eleŋ nɛ baa ji menyi so na e ba ekar, nɛ n tuge ŋgbɛlɛbi nɛ b ta ŋ kre menyi na to.”

Ditɛronɔmi 12:2

Men ya jija abee jeŋgreŋ nɛ agoŋgulombi nɛ ndibigboŋ nɛ basa na ta ŋ ki bumo be agbirshuŋkpa na kikɛ.

Ditɛronɔmi 15:15

Men baa nyiŋi fanɛ menyi alɛ gba daa la anya nna ashi Ijipt be efuli so nɛ Enyɛnpe menyi be Ebɔrɛ na sɔ menyi n yige. Amoso nɛ mee ta mbra ere a sa menyi na.

Ditɛronɔmi 26:17

Kabre, men shuli so fanɛ Enyɛnpe na e la menyi be Ebɔrɛ. Menyi alɛ bee nase kɔnɔ nna fanɛ menyeeŋ wora mbe mbraana kikɛ kasonu nseŋ bɛ kusɔ kama nɛ e kaŋɛ menyi so.

Ditɛronɔmi 4:20

Ama menyi ere la basa nɛ Enyɛnpe Ebɔrɛ na kɔ m mɔlga ashi Ijipt, kakpa nɛ kebaawɔtɔ daa du kpakpa ga n sa menyi na nna. E bar menyi nna nɛ men baa kaa la mo gbagba be basa, fanɛ kananɛ men tea la kabre ere.

Ditɛronɔmi 4:34

Kegbir ko malɛ daŋ ber kagbene fanɛ k beeŋ ya lara basa ko ashi efuli ko so m ba ki kumo gbagba be basa fanɛ kananɛ Enyɛnpe Ebɔrɛ na wora ashi Ijipt be efuli so na a? Menyi gbagba be anishito nɛ Enyɛnpe Ebɔrɛ na bɔla mbe yukugboŋ nɛ eleŋ so n shin nɛ alɔ mɔso nɛ kena nɛ emamachisheŋ be yiri yiri wora nseŋ naŋ shin nɛ asheŋ nɛ a bee keta kufu wora nɛ men wu amo.

Ditɛronɔmi 5:27

Amoso, Mosis, bɛta n yɔ n ya nu kusɔ kama nɛ Enyɛnpe, anyi be Ebɔrɛ na kaŋɛ nseŋ ba kaŋɛ anyi. Anyeeŋ nu nseŋ wora kusɔ kama nɛ e kaŋɛ.”

Joshuwa 1:16

Ndoŋ nna nɛ b shuli so ŋ kaŋɛ Joshuwa le: “Asɔ kama nɛ fo kaŋɛ anyi, anyeeŋ wora. Nɛ fo naŋ shuŋi anyi kaboŋ kama gba nna, anyeeŋ yɔ.

Joshuwa 24:24

Nɛ basa na malɛ kaŋɛ Joshuwa le: “Anyeeŋ shuŋ Enyɛnpe an be Ebɔrɛ na nseŋ wora mo kasonu.”

Joshuwa 24:26

Ndoŋ nna nɛ Joshuwa sibɛ mbra na n wɔtɔ Ebɔrɛ be mbra be kawɔl na to, nseŋ ta kejembu gboŋgboŋi ko n ya yuu Enyɛnpe Ebɔrɛ be kaboŋ cheembi na ashi kedibi gboŋgboŋi ko be kifito,

Kelaraŋŋini 17:1

Ndoŋ nna nɛ emalaika ashunu mo nɛ b daa kɔ ntishaŋ ashunu na be eko ba ŋ kutɔ m ba kaŋɛ ma: “Ba nɛ ŋ ŋini fo kananɛ baaŋ gberge sakalechegboŋ na kusoe. Mo e chena nchu damtaana so na.

Demujipoana 10:6

Nɛ Israɛlebi na naŋ wora alubi ŋ gbiti Enyɛnpe Ebɔrɛ na nseŋ daa shuŋ Baal nɛ kegbir cheso nɛ baa tre Ashtɔrɛf na nɛ Siriya be efuli so be agbir nɛ Sidɔn be efuli so be agbir nɛ Mowab be agbir nɛ Ammɔnebi be agbir nɛ Filistiebi be agbir. B daŋ kplaŋ Enyɛnpe Ebɔrɛ na so nna nseŋ yige kebaashuŋ mo.

Demujipoana 2:11

Ndoŋ nna nɛ Israɛlebi na ya kaa shuŋ agbir nɛ baa tre Baal nseŋ wora n da Enyɛnpe Ebɔrɛ na so.

Demujipoana 2:13

ŋkpal b ka daŋ yige mbe kebunyaŋ nseŋ ya kaa shuŋ agbir nɛ baa tre Baal nɛ kegbir cheso Ashtɔrɛf na so.

1 Samuɛl 12:10

Ndoŋ nna nɛ b naŋ shu n tre Enyɛnpe Ebɔrɛ ŋ kaŋɛ le: “An wora kulubi ŋkpal an ka kini keshuŋ fo Enyɛnpe Ebɔrɛ na nsaa shuŋ agbir nɛ baa tre Baal nɛ kegbirche Ashtɔrɛf na so so. Mɔlga anyi ashi an doŋana kutɔ saŋɛ na so anyeeŋ shuŋ fo!”