Jɛremaya 2:19 - EBƆRƐ BE KAWƆL

¹⁹ Menyi gbagba be asheŋ lubi e naŋ gberge menyi kusoe, nɛ menyi be kekini ma malɛ ji m bri menyi. Saŋɛ na so nɛ men pin fanɛ men be kekini kebaaji kashenteŋ a sa ma, Enyɛnpe menyi be Ebɔrɛ na bee besa nsaa maŋ walɛ. Ma Enyɛnpetale Ebɔrɛ e kaŋɛ na.”

Jɛremaya 2:19 Iomraidhean Croise

1 Bewura 18:18

Nɛ anebi Elaija malɛ kaŋɛ le: “M maŋ la esa nɛ mee ku asheŋ. Fo nɛ fo tuto e naa ku asheŋ, nseŋ kini kebaanu a sa Enyɛnpe Ebɔrɛ nsaa shuŋ Baal be kegbir na.

2 Kronikɛls 12:5

Anebi Shemaya daŋ yɔ ewura Rehoboam nɛ Juda be bejuŋkparpoana nɛ b shile n ya ŋana Shishak so ashi Jerusalɛm na kutɔ nna n ya kaŋɛ bumo le: “Enyɛnpe be kubɔya nɛ e kɔ a sa menyi nde. E yɛ: ‘Ŋkpal men ka kini ma so, ma alɛ gba yige menyi m bɔɔ Shishak enɔ.’ ”

2 Kronikɛls 21:10

Yili loŋ be saŋɛ na, nɛ Edɔmebi sɔ bumo be amu ashi Judaebi be enɔ to. Kumo be saŋɛ nɛ Libna be kade to ebi gba kini kebaanu a sa ewura Jehoram ŋkpal e ka kini kebaanu a sa Enyɛnpe Ebɔrɛ nɛ e la mo nananyɛnana be Ebɔrɛ na so.

2 Kronikɛls 25:16

Nɛ ewura Amaziya ku mbe kamalga na to ŋ kaŋɛ le: “Saŋɛ mo nɛ an ta fo ŋ ki ewura be asoetojipo? Lo fo kɔnɔ na pɔɛŋ nɛ n shin nɛ b ba mɔ fo ndoŋ!” Anebi na ka jo nɛ e malga n loge, nɛ mo alɛ kaŋɛ le: “Naniere nɛ m pin fanɛ Ebɔrɛ bee sha kemur fo nna ŋkpal fo ka kplaŋ ma kasotoji so nseŋ wora asheŋ ere kikɛ so.”

Nshɛ 36:1

Belubiworapo maa sa Ebɔrɛ bunyaŋ. Alubi nawule be asheŋ nɛ baa fɛ ashi bumo be ŋgbene to.

Ɛksodɔs 33:6

Amoso b ka baŋ lar Sainai be kebee na ase n yɔ anishito, Israɛlebi na maŋ naŋ wɔtɔ shuwa ŋko gbiti be abitasɔ.

Aŋasa 1:31

Amoso feeŋ ji kusɔ nɛ fo du na be asɔrso, nɛ fo gbagba be aworbi e kilgi a bishi fo.

Aŋasa 1:32

Ewulpo be kawuli e naa bar mo luwu, nɛ kekini kenyi be kekoya malɛ bee yɛr esa kemur to.

Aŋasa 5:22

Esa lubi be alubi du fanɛ kegba, nɛ mo gbagba bee kilgi a tɔr to nɛ k bee pɛ mo nna.

Aizaaya 3:9

Kananɛ bumo be anishiakpaana du na e naa ji shɛda a gbiti bumo. Baa wora alubi nna a maŋ naa ta amo a ŋana fanɛ kananɛ kade nɛ baa tre Sodɔm na be basa daa wora na nna. Asheŋ maaŋ nyalɛ n sa bumo. Bumo alɛ gbagba e bar kumu lubi gboŋgboŋi bumo be amu so.

Aizaaya 5:5

Kusɔ nɛ meeŋ wora ma ndibi sɔrso be kudɔ na e la fanɛ, meeŋ lara kunji nɛ k kulti kumo na nseŋ bure egbal nɛ k bee kuŋ kumo na nna, nɛ kupuŋ to be asɔbɔya e ba ji ndibi sɔrso na nseŋ chichi amo so m mata kasawule.

Aizaaya 50:1

Enyɛnpe Ebɔrɛ na yɛ: “Menyee fɛ fanɛ ŋ kini ma basa nna nseŋ ju bumo n lɛ fanɛ kananɛ enyɛn bee kini mbe eche nsaa ju mo a lɛ na. To, nnɛ nɛ kakilgboŋi be nwɔl na wɔ? Menyee fɛ nna fanɛ ma e fa menyi fanɛ anya ŋ ka kukɔ fanɛ kananɛ esa bee fa mbe mbia fanɛ anya a ka kukɔ na a? Ama mannɛ aloŋ nna, menyi be alubi so nɛ b pɛ menyi anya n yɔ. Menyi be aworandeso so nɛ b sulɔ menyi n yɔ efuli pɔtɛana so.

Jɛremaya 1:16

Meeŋ gberge ma basa kusoe ŋkpal b ka kini ma n lɛ nsaa shuŋ agbir a lara esarga a sa amo so.

Jɛremaya 13:22

Fo kaŋ bishi fo kumu fanɛ manɛ e ba nɛ b delge ma so nseŋ pur ma ere? Feeŋ pin fanɛ fo asheŋ lubi so nɛ loŋ wora.

Jɛremaya 2:17

Israɛl be basa, men gbagba e shin nɛ k ba loŋ. Men kini ma, Enyɛnpe menyi be Ebɔrɛ na, menyi maŋ naa shin nɛ mee juŋkpar menyi.

Jɛremaya 3:22

Menyi nɛ men shile Enyɛnpe Ebɔrɛ na e bɛta m ba nɛ e shin nɛ men naŋ nya kashenteŋji be kebaawɔtɔ. Le nɛ menyee kaŋɛ: “Mm, anyee ba Enyɛnpe Ebɔrɛ na kutɔ nna ŋkpal e ka la anyi be Ebɔrɛ so.

Jɛremaya 4:18

Menyi Juda be basa be kebaawɔtɔ nɛ men wɔ kumo to na e bar le menyi so na. Menyi be asheŋ lubi e shin nɛ menyee ji awurfoŋ na nɛ k wora fanɛ b ka ta kasaŋɛ n da menyi be ŋgbene to na.

Jɛremaya 5:22

ma e la Enyɛnpe Ebɔrɛ nɛ a daga fanɛ men baa ta kufu nɛ kechicha chicha a bunyaŋ ma? Ma e ta eshishɛr ŋ kuŋ teku nɛ k maŋ tiŋ n dii amo so. Teku so beeŋ tiŋ ŋ kaa ketili n wora awɔr ga, ama kumo alɛ maaŋ tiŋ n dii eshishɛr na so.

Jɛremaya 5:24

Men kini kekaŋɛ le: ‘Men shin nɛ an shuŋ Enyɛnpe Ebɔrɛ na! Mo e naa shin nɛ dɔchubɔrɛ so nɛ kpaŋchala so be bɔrɛ bee ba nɛ anyee nya a dɔ a teŋi kafɛ kikɛ na.’

Jɛremaya 5:6

Amoso bedoŋ beeŋ ba bumo so fanɛ kupo to be ebuluŋ, ŋko keshishɛrsawule so be ekuntuŋ m ba pɛ bumo ŋ kpɛa to n we, nɛ ekarmɛ e sɔ bumo be ndeana to be abɔrbi so a nite a kulti. Nɛ basa na kaŋ lar kowu asɔbɔya na beeŋ pɛ bumo n ji ŋkpal b ka wora alubi damta nseŋ lar Ebɔrɛ kaman na so.

Jɛremaya 7:19

Baa wɔtɔ ma agbo nna, ama bumo gbagba be amu nɛ baa tɔrɔ nsaa ŋaba na.

Jɛremaya 8:5

Ma basa, manɛ e baa nɛ men lar ma kaman nsaa maŋ naa sha kebɛta m ba ma kutɔ? Men far n chɛ menyi be agbirana nna nsaa maŋ naa sha kebɛta m ba ma kutɔ.

Ezikɛl 23:30

e bar le be asheŋ ere fo so na. Fo daa la sakaleche nna n sa efuli pɔtɛ so be basa nseŋ daa shuŋ bumo be agbirana n jija fo kumu.

Ezikɛl 39:24

Kusɔ nɛ k daga bumo nɛ n shin nɛ b nya na. Bumo be asheŋ lubi nɛ amu kpakpaso so nɛ n daŋ pal kaman n sa bumo na.”

Hoziya 11:7

Ma basa baŋ yili kumo nna fanɛ baaŋ kini ma, nseŋ ya kaa bɛ agbir nɛ e maaŋ tiŋ n chɛ bumo to so.

Hoziya 13:9

Ŋkpal menyi Israɛl be basa ka bee kɔ ma, nɛ n la men be echɛtopo na so nɛ men mur na.

Hoziya 14:1

Israɛl be basa, men bɛta m ba men Nyɛnpe nɛ men be Ebɔrɛ kutɔ. Men be kulubi e shin nɛ men fiti n tɔr na.

Hoziya 4:16

Israɛlebi ki basa kpeŋso nna fanɛ ekurmanyɛn. Nuso gba nɛ meeŋ wora ŋ keta bumo n yɔ keji to ashi kupuŋ to fanɛ mbolpɔbi?

Hoziya 5:5

Israɛl be basa na be kamoowu e shin nɛ bumo gbagba be ŋgbene bee ji a bri bumo. Bumo be alubi malɛ so so nɛ baa fiti a tɔr nɛ Juda malɛ gba be basa ti bumo so a tɔr na.

Hoziya 7:2

B maŋ nyi fanɛ meeŋ nyiŋi bumo be alubi nɛ baa wora na. Ma alɛ bee wu alubi nɛ a kulti bumo n wɔtɔ na kikɛ.

Hoziya 9:1

Israɛlebi, men yige kebaaji eyur fanɛ nnyamase na. Men shile menyi be Ebɔrɛ nsaa maŋ naa ji kashenteŋ a sa mo kuraa. Kaplɛkama malɛ nɛ baa bri ayu, ndoŋ nɛ menyee wora menyi be amu fanɛ esakale na a shuŋ kegbir nɛ baa tre Baal na ŋkpal kusɔ nɛ menyee nya so!

Eemɔs 8:10

Meeŋ shin nɛ men be kejigboŋana e ki nli be kebaa shu nɛ menyi be kagbenefuli malɛ be nshɛ e ki kagbenejijaso be kushu. Meeŋ shin nɛ men she men be emin nseŋ buu kagbenejijaso be asɔbuuso a du fanɛ esa nɛ mbe kebia koŋwule nɛ e kɔ wu ŋ ka mo na. Loŋ be kachɛ na beeŋ baa la kachɛ lubi ga.

Maika 1:5

Asheŋ ere kikɛ beeŋ wora nna ŋkpal Israɛlebi na ka wora kulubi ŋ gbiti Ebɔrɛ so. To, wanɛ nɛ baaŋ ta Israɛlebi be kekini Ebɔrɛ nseŋ lar mo kaman ere be asheŋ n sulɔ? Samɛria nɛ k la efuli na be kadegboŋ na be basa nɛ baaŋ ta kumo n sulɔ a! Nɛ wanɛ malɛ e tɔr Judaebi be kagbirshuŋ ere be ntaŋ? Mannɛ Jerusalɛm gbagba a?

Zakareya 7:11

Ama ma basa ta ŋkpensheŋ nna m pal kaman n sa ma nseŋ ti bumo be asoe ŋ kini kenu n sa ma. B daŋ kplaŋ ma so nna

Romebi 3:18

Bumo alɛ maŋ naa kɔ kabɔrɛŋana.”

Demujipoana 10:13

Ama men kraŋ yige ma nseŋ ya kaa shuŋ agbir. Ŋkpal loŋ so, m maaŋ naŋ mɔlga menyi.