Jɛremaya 2:10 - EBƆRƐ BE KAWƆL

¹⁰ Men yɔ keplasawule nɛ baa tre Saiprus ashi epeŋitɔrkpa na so. Kumo be kaman nɛ men shuŋi esa ko nɛ e yɔ Kɛda be kasawule nɛ k wɔ epeŋilarkpa na. Menyeeŋ wu fanɛ le be kesheŋ maŋ naŋ wora ŋ ku so ashi men be basa be yiri kikɛ to.

Jɛremaya 2:10 Iomraidhean Croise

Jɛnesis 25:13

Ishmaɛl be bibinyɛn be atre nɛ kananɛ b daŋ bɛ abar so kenimuso nde. Nabaiɔt e daa la Ishmaɛl be wurkoŋnyɛn n ta Keedaa m bɛ so. Bumo nɛ b daŋ naŋ ti so e daa la Adbeel nɛ Mibsam nɛ

1 Bewura 9:9

Nɛ basa e kaŋɛ le: ‘Ŋkpal b ka kini Enyɛnpe bumo be Ebɔrɛ nɛ e lara bumo nanaana ashi Ijipt be kasawule so na, nseŋ ya kaa bunyaŋ efuli pɔtɛana so be agbir so nɛ Enyɛnpe Ebɔrɛ shin nɛ le be asheŋ ere ba bumo so na.’ ”

1 Kronikɛls 1:7

Jaavan malɛ be kaman to ebi e daa la Elaisha nɛ Taashish nɛ Kitebi nɛ Rodanebi.

1 Kronikɛls 23:1

Deevid ka bel, nɛ e ta mo pibinyɛn Sɔlɔmɔn ŋ ki Israɛl be ewura.

1 Kronikɛls 23:12

Kohaf daa kɔ mbinyɛnsobi ana nna. Bumo e daa la Amram nɛ Izha nɛ Hibrɔn nɛ Uziɛl.

Nshɛ 120:5

Ma kechena menyi to gba lubi nna, fanɛ ŋ ka chena Mɛshɛk be efuli so, kakpa wɔfɔ ŋko Kɛda be basa be ewajɛbu nɛ a maŋ taga to nfe na to.

Aizaaya 21:16

Kumo be kaman nɛ Enyɛnpe Ebɔrɛ na kaŋɛ ma le: “Ta a ba fanɛ kafɛ be jemanɛ to gbagba, eyiri yiri nɛ b shi Areebia be kebonfu nɛ baa tre Kɛda na be kemaŋkura kikɛ beeŋ ba ekar, fanɛ kananɛ paawura be kushuŋ bee loge a ba ekar na.

Aizaaya 23:1

Kubɔya nɛ k wɔtɔ a laŋɛ kadegboŋ nɛ baa tre Tayɛ na be kaplɛa so nde. Menyi nɛ menyee ta ekuloŋgboŋ a shuŋ nchu so e boŋ to awɔrso n shu ga! Ŋkpal manɛ so, kade nɛ menyee kaa ta menyi be ekuloŋ a gbuŋ kumo to nɛ baa tre Tayɛ na mur. Kumo to be nwu nɛ ekulonyilikpa kikɛ mur kuraa. Jemanɛ nɛ menyi be ekuloŋgboŋ shi kepla nɛ baa tre Saipres a ba na nɛ men nu ebaru na be asheŋ.

Aizaaya 23:12

Ade be kaman nɛ Enyɛnpe Ebɔrɛ na kaŋɛ Sidɔn be basa na le: “Menyi be kayurji na fo ekar. Menyi alɛ mur nna na. Hale nɛ men ŋana n shile n yɔ Saipres be kepla so gba, men kraa maaŋ nya kayurwushi ndoŋ.”

Jɛremaya 49:28

Kusɔ nɛ Enyɛnpe Ebɔrɛ na kaŋɛ a laŋɛ Kɛda be yiri nɛ keshishɛrsawule so be ndekarso na be kaplɛa so nde: “Men nu nfe, Kɛda be basa nɛ eyiriana nɛ a wɔ keshishɛrsawule nɛ k wɔ a laŋɛ epeŋilarkpa be kaba so na. Ŋ kaŋɛ Babilɔn be Ewura Nebukadneeza fanɛ e ba kɔ menyi kena m mur menyi.

Ezikɛl 16:16

Fo alɛ lɔŋɛ agbirshuŋkpa nseŋ ta fo asɔbuuso na be ako n lɔŋɛ ndoŋ nsaa keta fo benyɛn a yɔ ndoŋ n ya kaa ji kesakalea. Le be asheŋ daa maŋ daga fanɛ a wora kikɛ.

Ezikɛl 27:21

Nɛ Areebia be efuli so be basa nɛ Kɛda be efuli so be bewura gba ta mbolpɔfɔlbi nɛ mbolpɔ nɛ mboe m ba tɔ fo asɔ faso.

Ezikɛl 27:6

Kedibi gboŋgboŋi nɛ b ku ashi Bashan be efuli so n shɛl ebaŋɛ; Ndibi kpakpaso fanɛ chɛchɛdibi nɛ b ku ashi Saiprus be efuli so n wora fo kaseto Nseŋ baŋɛ ejebotenyi n fɛga n fɛga amo to nɛ a baa walɛ.

Ezikɛl 5:7

Amoso kusɔ nɛ Enyɛnpe Ebɔrɛ na bee kaŋɛ Jerusalɛm be basa e la fanɛ, men kini kenu m bɛ ma mbraana nɛ ma atande so nseŋ ya ka bɛ efuliana nɛ e kulti menyi na be mbraana so. Men be ŋgbene ki kpakpa a chɔ bumo gba!

Danɛl 11:18

Ade kikɛ be kaman, e beeŋ kɔ efuliana nɛ a chena teku ase na kena m pɔɔ amo be adamta so. Ama benapo be enimu ko beeŋ ba kɔ m pɔɔ mo so nɛ mbe ŋkpensheŋ na kikɛ e ba ekar. Kashenteŋto e beeŋ shin nɛ ewura na be ŋkpensheŋ e laŋɛ n ji mo.

Danɛl 11:30

Romebi na beeŋ ta bumo be ekuloŋgboŋana m ba kɔ mo nɛ kufu e pɛ mo. Ndoŋ nna nɛ e kaa agbo a fin kemur Ebɔrɛ be basa be kabɔrɛshuŋ. Basa nɛ b kini kabɔrɛshuŋ na nɛ e beeŋ baa wu kuwɔr.

Nɔmbɛs 24:24

Basa beeŋ ta nchu so be ekuloŋgboŋana n shi Saiprus m ba kɔ m pɔɔ Asiriya nɛ Heba so. Ama kumo be kaman Saiprus gba beeŋ mur cheche.”

1 Kɔrintebi 5:1

Basa wɔtɔ nna a kaŋɛ fanɛ kesakalea be keji wɔ menyi to nna, kesakalea mo nɛ b maa ji bumo nɛ b maŋ nyi Ebɔrɛ gba to, kumo e la fanɛ menyi to be eko kɔ mo tuto be eche nna a sha.

Demujipoana 19:30

Esa kama nɛ e wu kache na be eyur be kaba na kooba nna nseŋ kaŋɛ le: “Anyi maŋ naŋ wu ŋko n nu le be kesheŋ ere kikɛ! Yili kachɛ nɛ Israɛl be basa shi Ijipt be efuli so m ba nfe kikɛ, le be kesheŋ maŋ naŋ wora kikɛ! A daga fanɛ an fɛ kumo be asheŋ nseŋ wora kusɔ ko. Manɛ bre nɛ anyeeŋ wora?”