Jɛremaya 18:20 - EBƆRƐ BE KAWƆL

²⁰ N wora ania fanɛ meeŋ chɛ bumo to, ama baa kre keta kulubi nna ŋ ka ma kukɔ. K du fanɛ b kaa kur kemaŋ nna n nase nɛ n tɔr kumo to. Jemanɛ ko n daŋ kule fo fanɛ fo sa maŋ nya agbo ŋ gberge bumo kusoe.

Jɛremaya 18:20 Iomraidhean Croise

Job be kawɔl 6:27

Menyi ere beeŋ tiŋ m barga amunibi to n sa abar ŋko n fa men nekpaana gba n nya amansherbi!

Nshɛ 106:23

Ebɔrɛ daŋ nya agbo nna ŋ kaŋɛ fanɛ e beeŋ mur mbe basa na; ama Mosis nɛ e lara nɛ e baa la mbe kayɛrbi na, e mata mo nɛ e maŋ naŋ mur bumo.

Nshɛ 119:95

Kumukpakpasowuraana bee jo ma nna nɛ b mɔ ma, ama meeŋ wɔtɔ lakal fo mbraana to n wora amo kasonu.

Nshɛ 35:12

Baa ta alubi nna a ka ma alela be kukɔ; nɛ kenawule nɛ kebɔltofinfin tɔr ma so.

Nshɛ 35:7

M maŋ wora bumo shɛŋ nɛ b fe ma kejigbelɛ; nseŋ kur kemaŋ chiŋgeliŋ n nase fanɛ n tɔr to.

Nshɛ 38:20

Baa ta kulubi nna a ka ma kelela be kukɔ, nsaa malga a gbiti ma ŋkpal ŋ kaa bee wora alela so.

Nshɛ 57:6

Bedoŋ bee fe ma ajigbelɛ nna a da ma a lɛ. Baa kur amaŋ chiŋgeliŋ ma ekpa to nna, nsaa kilgi a tɔr amo to bumo gbagba.

Nshɛ 7:15

Ama bumo gbagba e naŋ kilgi n tɔr amaŋ chiŋgeliŋ nɛ b kur n nase beko na to.

Aŋasa 17:13

Fo baa ta kulubi a ka kelela be kukɔ, alubi maaŋ lar fo laŋ to kikɛ.

Aŋasa 26:27

Fo baa kur fo barkasa be kemaŋ, fo gbagba e naŋ kilgi n tɔr kumo to. Fo baa gbelti kejembu nɛ fo bɛa fo barkasa, k beeŋ kilgi m bɛa fo gbagba.

Kaŋinichiŋgeliŋ 10:8

Esa kama nɛ e kur kemaŋ n nase nsaa maŋ de so mo gbagba e naŋ tɔr kumo to. Esa kama malɛ nɛ e bure egbal dra n lɛ nsaa maa de so kana e naaŋ duŋ mo.

Jɛremaya 11:14

Jɛremaya, sa maŋ kule Ebɔrɛ n sa basa ere ŋko ŋ kule ma fanɛ m mɔlga bumo. Nɛ b kaa ji awurfoŋ nseŋ kule ma, m maaŋ nu bumo be kekule na.”

Jɛremaya 14:20

Enyɛnpe Ebɔrɛ, an wora alubi n da fo so. Anyi nɛ an nananyɛnana kikɛ wora n jija ŋkpal an ka kini fo nseŋ lar fo kaman so.

Jɛremaya 15:1

Ndoŋ nna nɛ Enyɛnpe Ebɔrɛ na kaŋɛ ma le: “Nɛ Mosis nɛ Samuɛl nɛ b daa la anebiana gba ti fo so nfe a kule ma fanɛ n wu basa ere kuwɔr, m maaŋ nu bumo be kekule nseŋ wu bumo kuwɔr. Amoso shin nɛ Juda be basa e lar ma anishi to a yɔ.”

Jɛremaya 17:18

Enyɛnpe Ebɔrɛ, shin nɛ basa nɛ baa kɔrfɛ ma na e ji anishinyɔr, ama baa kuŋ ma nɛ n sa maŋ ji nyɔmɔ. Kumo be kaman nɛ fo shin nɛ kufugboŋ e tɔr bumo so nseŋ naŋ shin nɛ b mur ga.

Jɛremaya 18:19

Ndoŋ nna nɛ Jɛremaya kule Ebɔrɛ ŋ kaŋɛ le: “Enyɛnpe Ebɔrɛ, nu kusɔ nɛ mee kaŋɛ fo ere nseŋ naŋ nu kusɔ nɛ ma doŋana bee malga a laŋɛ ma kaplɛa so.

Jɛremaya 18:22

Enyɛnpe Ebɔrɛ, basa ere kur amaŋ nna fanɛ n tɔr amo to nseŋ naŋ fe ajigbelɛ a jo ma. Jemanɛ nɛ bedoŋ be benapo beeŋ ba kɔ bumo kena ashi bumo be elaŋana to na, shin nɛ kufugboŋ e tɔr bumo so nɛ b baa shu a boŋ to.

Jɛremaya 27:18

Nɛ fanɛ ŋ gbagba e daŋ malga n sa anebiana ere, b daa beeŋ baa nyi kusɔ nɛ mee sha kewora na, nseŋ kule ma fanɛ n sa maŋ naŋ shin nɛ bedoŋ e ba ta shuwa nɛ gbiti be asɔ nɛ e ka bɔrɛlambu na to nɛ Juda be ewurkpa nɛ Jerusalɛm be mboŋ nɛ a ka na n yɔ Babilɔn be efuli so.”

Jɛremaya 5:26

Basa nɛ baa wora asheŋ lubi wɔ ma basa to nna a pɛ bumo anya fanɛ kananɛ basa bee sho ashewu a pɛ mbuibi na.

Jɛremaya 7:16

Ade be kaman, nɛ Enyɛnpe Ebɔrɛ na naŋ kaŋɛ le: “Jɛremaya, sa maŋ yili bumo be katelamu to n shu ŋko ŋ kule Ebɔrɛ n sa bumo. Fo alɛ e sa maŋ wushi ma kagbene, ŋkpal manɛ so, m maaŋ nu fo kekule na.

Nfabel 3:59

Enyɛnpe Ebɔrɛ, fo nyi kulubi nɛ b wora ma; amoso ji asheŋ na n chɛ ma to.

Baru lela nɛ Jɔn kute na 10:32

Nɛ Yesu bishi bumo le: “Asheŋ lela damta nɛ a shi Etuto na kutɔ nɛ n wora ŋ ŋini menyi. To, nɛ amo be kumo so nɛ menyee kpal a sha nɛ men kpa ma ajembu ere?”

Baru lela nɛ Jɔn kute na 15:25

Ama kumo alɛ du loŋ nna nɛ kusɔ nɛ k wɔ bumo be mbra na to na e bɔla. K yɛ: ‘B kishi ma nna kenyanyaŋɛso’.

1 Samuɛl 19:4

Ndoŋ nna nɛ Jonatan yɔ mo tuto Sɔɔl kutɔ n ya kpaŋ Deevid ŋ kaŋɛ le: “Jande, sa maŋ kaŋ wora fo kenya Deevid kulubi kikɛ, ŋkpal manɛ so, e maŋ naŋ wora fo kulubi kikɛ. Mo alɛ be kusɔ kama nɛ e wora n sa fo kikɛ la kechɛto nna.