Jɛremaya 18:18 - EBƆRƐ BE KAWƆL

¹⁸ Ndoŋ nna nɛ basa na kaŋɛ abar le: “Men shin nɛ an to jina a laŋɛ kananɛ anyeeŋ nya Jɛremaya m mɔ be kaplɛa so. Bɔrɛmatapoana beeŋ baa wɔtɔ jemanɛ kikɛ a ŋini anyi asheŋ, nɛ benyiashempo e baa ji anyi asoe to nɛ anebiana malɛ e baa bɔ Ebɔrɛ be kubɔya na a sa anyi. Men shin nɛ an nya kulubi ko ŋ ku n deŋi mo. Saŋɛ na so anyeeŋ tiŋ a kini kebaanu kusɔ kama nɛ e bee kaŋɛ.”

Jɛremaya 18:18 Iomraidhean Croise

2 Samuɛl 15:31

B ka kaŋɛ Deevid fanɛ Ahitofɛl gba ti Absalɔm so nna, nɛ e kule Ebɔrɛ le: “Enyɛnpe Ebɔrɛ, jande shin nɛ Ahitofɛl be nfɛra nɛ e beeŋ sa Absalɔm na e ki nfɛra fuloŋ!”

2 Samuɛl 17:14

Ndoŋ nna nɛ Absalɔm nɛ mbe bebɛsopo na kaŋɛ le: “Hushai be kasotoji ere bɔ Ahitofɛl peya na, ŋkpal manɛ so, Enyɛnpe Ebɔrɛ na e yili kumo fanɛ b sa maŋ bɛ Ahitofɛl be kasotoji na so, saŋɛ na so Absalɔm beeŋ luri asheŋ to.

1 Bewura 22:24

Ndoŋ nna nɛ anebi Zɛdikaya yɔ anebi Mikaya kutɔ n ya kpa mo etaŋ anishito nseŋ bishi mo le: “Saŋɛ mo nɛ Enyɛnpe Ebɔrɛ yige ma nseŋ ya malga fo kutɔ?”

2 Kronikɛls 24:21

Ewura Jɔash daŋ teŋ kelela nɛ Zakareya mo tuto Jehowada daŋ wora mo na so nna nseŋ ti bejuŋkparpo na so nɛ b kre fanɛ b mɔ Zakareya. Ewura na e daŋ sa ekpa nɛ b kpa Zakareya ajembu m mɔ ashi Enyɛnpe Ebɔrɛ be bɔrɛlambu na be kelɔnɛ so. Zakareya ka bee wu nɛ e kaŋɛ le: “Enyɛnpe Ebɔrɛ wu kusɔ nɛ fee wora ere kikɛ. Mo alɛ beeŋ gberge fo kusoe n tal to!”

Nshɛ 21:11

Kanaŋkama so nɛ b kre fo ŋkre lubi gba; b maaŋ tiŋ m pɔɔ fo so kikɛ.

Nshɛ 52:2

Asheŋ lubi nɛ fee kre saŋkikɛ; fo kudonduloŋ fɛpo na bee ji fanɛ bɔrfɔ nna.

Nshɛ 57:4

N wɔ bedoŋ nɛ b du fanɛ ebuluŋ, nɛ baa kpɛa basa to na to nna. Bumo be anyii du fanɛ atanyembi nɛ akpa nna. Nɛ bumo be adonduloŋ bee ji fanɛ etokobi.

Nshɛ 64:3

Bumo be atuwebi bee besa nna fanɛ b ka ŋe esa kasaŋɛ na, nɛ bumo be mmalga du fanɛ b ka da esa ketanyembi na.

Aŋasa 18:21

Atugebi beeŋ tiŋ m mɔ esa, ŋko n sa mo ŋkpa; Esa kama malɛ beeŋ nya mbe m malga be kakɔka.

Aizaaya 32:7

Esa nɛ e maa ji kashenteŋ la esa lubi nna nsaa wora asheŋ lubi nawule. E bee kre kebɔla efɛ so nna m mur betirpo nseŋ kuŋ bumo ekpa nɛ b sa maŋ nya kusɔ nɛ k daga bumo.

Jɛremaya 11:19

N daa du fanɛ kpakpafɔlbi nɛ e du boeŋ nɛ b kɔ a yɔ nɛ b ya mɔ nna. N daa maŋ nyi fanɛ ma so nɛ b daa kre asheŋ lubi na. Le nɛ b daa kaŋɛ a laŋɛ ma kaplɛa so: “Men shin nɛ an mɔ mo nseŋ lara mo ashi basa keniso to, saŋɛ na so esa kikɛ maaŋ naa nyiŋi mbe asheŋ.”

Jɛremaya 18:11

Amoso kaŋɛ Juda nɛ Jerusalɛm be basa fanɛ n teŋ kre nseŋ wora shiriya nɛ ŋ gberge bumo kusoe. Kaŋɛ bumo b yige asheŋ lubi be kebaawɔtɔ na nseŋ fara a wora asheŋ niŋiso.

Jɛremaya 18:19

Ndoŋ nna nɛ Jɛremaya kule Ebɔrɛ ŋ kaŋɛ le: “Enyɛnpe Ebɔrɛ, nu kusɔ nɛ mee kaŋɛ fo ere nseŋ naŋ nu kusɔ nɛ ma doŋana bee malga a laŋɛ ma kaplɛa so.

Jɛremaya 2:8

Bɔrɛmatapoana na malɛ maŋ tiŋ m bishi: ‘Nnɛ nɛ Enyɛnpe Ebɔrɛ na wɔ?’ Ŋ gbagba be bɔrɛmatapoana nɛ baa ŋini ma mbraana maŋ nyi ma. Bejuŋkparpoana na kini ma nseŋ lar ma kaman; nɛ anebiana na malɛ bɔla Baal be kegbir be ketre so m malga nseŋ shuŋ agbirana nɛ e maŋ kɔ tɔnɔ n sa bumo.

Jɛremaya 20:10

Mee nu ekama ka bee kuli a kaŋɛ le: “Kufugboŋ e sɔ kaplɛkama! Amoso men shin nɛ an potii Jɛremaya n sa benimuana na!” N teri kpakpasoana gba bee jo nna nɛ n wora n da so. Kusɔ nɛ baa kaŋɛ e la fanɛ: “Ashere esa beeŋ tiŋ n fule Jɛremaya nɛ e wora n da so nɛ an nya mo m pɛ ŋ ka mo kukɔ.”

Jɛremaya 26:11

Kumo be kaman, nɛ bɔrɛmatapoana na nɛ anebiana na kaŋɛ bejuŋkparpoana na nɛ basa na kikɛ le: “Kanyɛn ere daga luwu nna ŋkpal e ka malga ŋ gbiti kadegboŋ na nseŋ kaŋɛ fanɛ k beeŋ mur so. Men gbagba nu kusɔ nɛ e kaŋɛ.”

Jɛremaya 37:13

Ama jemanɛ nɛ n ya fo Bɛnjamin be Kabunagboŋ na ase na, nɛ kanyɛn nɛ baa tre Irija nɛ e la Shelemaya pibinyɛn nsaa keni esoji nɛ b daa keni kabunagboŋ na so na pɛ ma nseŋ kuŋ ma ekpa. Kumo be kaman nɛ e kaŋɛ ma le: “Fee sha keshile n ya ti Babilɔnebi na so nna na!”

Jɛremaya 43:2

nɛ Hoshaya pibinyɛn, Azariya nɛ Kerii pibinyɛn, Johanan nɛ basa kpeŋso na be beko kaŋɛ ma le: “Efɛ nɛ fee ku! Enyɛnpe, anyi be Ebɔrɛ na maŋ shuŋi fo fanɛ fo ba kaŋɛ anyi fanɛ an sa maŋ ya chena Ijipt be efuli so.

Jɛremaya 44:16

“An kini kenu kusɔ nɛ fo kaŋɛ anyi ashi Enyɛnpe Ebɔrɛ na be ketre to nna.

Jɛremaya 44:17

Kusɔ kama nɛ an kaŋɛ fanɛ anyeeŋ wora na nɛ anyeeŋ wora. Anyeeŋ lara esarga n sa anyi be kegbirche nɛ e la ebɔrɛso be Ewurche na, nseŋ naŋ ta yabra n to nchu n sa mo, fanɛ kananɛ an nananyɛnana nɛ anyi be ewura nɛ bejuŋkparpoana na daŋ wora ashi Juda be ndeana to nɛ Jerusalɛm be agbembi so na. Kumo be kaman, an daa kɔ ajibi damta nseŋ daŋ dii dama nɛ etɔrɔbi kikɛ malɛ daa maŋ wɔ anyi to.

Jɛremaya 8:8

Nuso nɛ menyeeŋ tiŋ ŋ kaŋɛ fanɛ men nyi asheŋ nsaa nyi ma mbraana na? Mbraŋinipoana na chɛrga amo nna nɛ e ki efɛ men kutɔ.

Nfabel 3:62

Karechɛ kikɛ baa kuli ma nna a ji ma asheŋ nsaa kre ma nia lubi.

Ezikɛl 7:26

Aleblawu bee ba nɛ ebaru lubi be abɔya a sɔ kaplɛkama. Basa beeŋ baa kule anebiana fanɛ b nu Ebɔrɛ be ebɔl ŋ kaŋɛ bumo kusɔ ko, nɛ b maaŋ nya. B maaŋ naŋ nya mbraana nɛ bɔrɛmatapoana daa ŋini na nɛ kasotoji nɛ benimuana na daa sa bumo na kikɛ.

Levitikɔs 10:11

Menyi alɛ e ŋini Israɛlebi na mbraana nɛ m bɔla Mosis so n ta n sa menyi na kikɛ nyam.”

Maika 3:6

k beeŋ wora bumo kachako fanɛ kanyɛ ka biri nɛ b maŋ naa wu na. B maaŋ naaŋ tiŋ ŋ ku bɔrɛdare n fule ma basa kikɛ.

Maika 3:7

Bumo be bekama nɛ baa wu echefoso be asheŋ a kaŋɛ na beeŋ ŋaba, ŋkpal manɛ so kusɔ nɛ baaŋ kaŋɛ na maaŋ wora m bɔlɔ so. Baaŋ ji nyɔmɔ, ŋkpal manɛ so Ebɔrɛ maaŋ naaŋ tuge bumo.’ ”

Malakai 2:7

Menyi bɔrɛmatapoana e daga men ka bee malga Ebɔrɛ be asheŋ nɛ basa e baa ba men kutɔ nɛ men ŋini bumo Ebɔrɛ be asheŋ nɛ b pin mo nɛnɛ, ŋkpal manɛ so menyi so nɛ Enyɛnpetale bee bɔla a malga a sa basa.

Luuk 11:45

Ndoŋ nna nɛ mbraŋinipoana na be eko kaŋɛ mo: “Eŋinipo, kananɛ fee malga le ere, fee tege anyi alɛ gba nna na.”

Baru lela nɛ Jɔn kute na 9:40

Efarisiana ko daa yil ndoŋ nseŋ nu kusɔ nɛ e kaŋɛ na nseŋ bishi mo le: “Fee ŋini fanɛ anyi alɛ gba tan nna ŋko?”