Jɛremaya 18:16 - EBƆRƐ BE KAWƆL

¹⁶ B shin nɛ kasawule na ki kufugboŋ be kakpa nna nɛ ekama ta kumo fanɛ kusɔ fuloŋ a keni kumo jiga. Asɔ nɛ basa nɛ baa bɔla kumo so bee wu na bee chinchiŋ bumo nna nɛ baa fifi amu.

Jɛremaya 18:16 Iomraidhean Croise

1 Bewura 9:8

Bɔrɛlambu ere beeŋ ki ajembu n deŋi abar so. Kumo be loŋ kaŋ wora malɛ, k beeŋ chinchiŋ basa kama nɛ baa bɔla kumo ase a choŋ na, nɛ b baa bishi le: ‘Manɛ nna nɛ Enyɛnpe Ebɔrɛ wora mbe basa nɛ b wɔ mbe bɔrɛlambu to ere le?’

2 Kronikɛls 29:8

Ŋkpal le be asheŋ ere so, Enyɛnpe Ebɔrɛ daŋ nya agbo nna ga n wɔtɔ Juda nɛ Jerusalɛm ebi nseŋ wora bumo kusɔ nɛ k pɛ ekama kufu nseŋ mɔ ekama kɔnɔ. Men gbagba ere nyi le be kesheŋ ere nɛnɛ.

Nshɛ 109:25

Bedoŋ baŋ wu ma gba, baa mushe nna nsaa fifi amu.

Nshɛ 22:7

Ekama nɛ e wu ma bee wora ma shia nna. Baa fifi amu nna nsaa tege ma a kaŋɛ:

Nshɛ 44:14

Fo shin nɛ an ki basa musheso ashi efuliana so, nɛ baa wu anyi nsaa fifi amu nsaa wora anyi eyurto.

Aizaaya 37:22

nɛ Enyɛnpe Ebɔrɛ na malga a laŋɛ mbe kabɔrɛkule na be kaplɛa so. E yɛ: “Sennakerɛb, Jerusalɛm be basa bee mushe fo nna nsaa fɛl fo a keni fo jiga.

Aizaaya 6:11

Ndoŋ nna nɛ m bishi Enyɛnpe Ebɔrɛ na le: “Jemanɛ mo nɛ kede beeŋ fo ekar?” Nɛ e kaŋɛ ma le: “Jemanɛ nɛ ndegboŋana na beeŋ mur nɛ amo to be nwuana e ka a yil fuloŋ nɛ amo to be adɔsawule e dese jiga na nɛ k beeŋ fo ekar.

Jɛremaya 19:8

Meeŋ shin nɛ Jerusalɛm be kadegboŋ na e ki alambure a dese nɛ k chinchiŋ nseŋ ta kufu m pɛ bekama nɛ baaŋ baa bɔla ndoŋ a choŋ na.

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Jɛremaya 29:18

Meeŋ ta kena nɛ akoŋgboŋ nɛ alɔ m bɛ bumo so nɛ efuli pɔtɛana be basa e wu loŋ nɛ k chinchiŋ bumo n ta kufu n lɛ bumo so. Kusɔ nɛ k beeŋ nya bumo kaplɛkama nɛ meeŋ pesaŋ bumo to n yɔ na beeŋ chinchiŋ ndoŋebi n ta kufu n lɛ bumo so. Kumo be kaman basa beeŋ wora bumo eyurto nseŋ ta Juda nɛ Jerusalɛm be atre a shoduu basa.

Jɛremaya 42:18

Ade be kaman nɛ Enyɛnpetale, Israɛl be Ebɔrɛ na naŋ kaŋɛ le: ‘Nɛ men kaŋ kini n yɔ Ijipt, kananɛ n daŋ nya agbo ga n wɔtɔ Jerusalɛm be basa nseŋ gberge bumo kusoe na nɛ meeŋ nya agbo n wɔtɔ menyi alɛ gba nseŋ gberge menyi kusoe. Menyi be asheŋ beeŋ baa chinchiŋ basa nɛ b baa ta menyi kadegboŋ na be ketre a shoduu basa. Menyi alɛ maaŋ naŋ wu kakpa ere kenishiso kikɛ.’ ”

Jɛremaya 44:12

Juda be basa nɛ b ka efuli na so ndoŋ nseŋ yili kumo bumo be ŋgbene to fanɛ baaŋ yɔ Ijipt be efuli so na bre, meeŋ shin nɛ bumo kikɛ e mur. Bumo to be benimu nɛ mbia kikɛ beeŋ wu ashi Ijipt ashi kena to ŋko akoŋ beeŋ mɔ bumo. Bumo be asheŋ beeŋ baa chinchiŋ basa nɛ b baa wora bumo eyurto nsaa ta bumo be ketre a sho basa kɔnɔ.

Jɛremaya 48:27

Mowab be basa, men baa nyiŋi kananɛ men daŋ wora Israɛl be basa eyurto. Men daŋ wora bumo nna fanɛ b ka la beyu nɛ besugepo na.

Jɛremaya 49:13

Ŋ gbagba e bɔ ntaŋ fanɛ Bozra nɛ k la Edɔm be efuli so be kadegboŋ na beeŋ ki keshishɛrsawule nɛ basa e wu kumo nɛ k chinchiŋ bumo nseŋ keta bumo kufu. Basa beeŋ baa wora kumo eyurto nsaa ta kumo be ketre a shoduu basa. Ndekarso nɛ a kulti kumo na kikɛ beeŋ ki alambure a dese mbaanaayɔ. Ma, Enyɛnpe Ebɔrɛ e kaŋɛ na.”

Jɛremaya 49:17

Kede be kaman, nɛ Enyɛnpe Ebɔrɛ na naŋ kaŋɛ le: “Kemur nɛ k beeŋ ba Edɔm be efuli so na be asheŋ beeŋ baa keta kufu. Ekama nɛ e beeŋ bɔla ndoŋ a choŋ nseŋ wu kumo, kufu beeŋ pɛ mo nɛ e baa chicha.

Jɛremaya 50:13

Ma agbo beeŋ mur Babilɔn nɛ esa kama maaŋ naa wɔ kumo so. Kufu beeŋ pɛ esa kama nɛ e beeŋ bɔla ndoŋ a choŋ n wu kusɔ nɛ k wora na, nɛ e baa chicha.

Jɛremaya 51:37

Babilɔn be efuli na beeŋ bure a dese, nseŋ ki kupuŋ to be asɔbɔya fanɛ ejiŋkaamu be kakpa. Basa beeŋ baa mushe kumo. Ama bumo alɛ beeŋ baa ŋana kebɔla alambure na to n choŋ.

Jɛremaya 51:43

Kemur nɛ k bee keta kufu beeŋ ba ndeana nɛ e taga to kadegboŋ na so. Kasawule na beeŋ ki keshishɛrsawule fuloŋ, kakpa nɛ esa kama maaŋ tiŋ n chena ŋko m bɔla kumo so n choŋ gba.

Jɛremaya 9:11

Kumo be kaman nɛ Enyɛnpe Ebɔrɛ na kaŋɛ le: “Meeŋ shin nɛ Jerusalɛm e ki kelambure a dese, a la kakpa nɛ ejiŋkaamu beeŋ baa wɔ; nɛ Juda be efuli so be ndegboŋ e ki keshishɛrsawule, a la kakpa nɛ esa kama maaŋ naa wɔ.”

Nfabel 1:12

Esa kama nɛ e bɔla ndoŋ a choŋ baaŋ kaŋɛ mo le: “Keni, chɛ anyi to! Esa kikɛ maŋ naŋ ji awurfoŋ nɛ k fo awurfoŋ nɛ anyee ji ere so. Enyɛnpe Ebɔrɛ na e nya agbo n shin k ba anyi so.

Ezikɛl 12:19

Kaŋɛ Israɛl be basa na fanɛ kusɔ nɛ Enyɛnpetale Ebɔrɛ na bee kaŋɛ a sa Jerusalɛm to be basa nɛ b kra wɔ Israɛl be efuli so na e la fanɛ, baaŋ baa ji bumo be ajibi nɛ kafɔŋ nna nsaa nuu bumo nchu malɛ kufuso, ŋkpal manɛ so, bumo be efuli na nɛ kumo so be asɔ kikɛ beeŋ mur n dese fuloŋ ŋkpal bumo be amu kpakpaso nɛ asheŋ lubi so.

Ezikɛl 27:36

Durnya to be eyawujipo maŋ tiŋ nɛ b yirda kusɔ nɛ k wora fo ere. Fo luwu na bee keta kufu gboŋgboŋi nna, ŋkpal manɛ so, fo baŋ choŋ nna na nɛ esa maaŋ naŋ wu fo kikɛ.”

Ezikɛl 36:3

Amoso bɔ kubɔya nɛ ma Enyɛnpetale Ebɔrɛ na bee kaŋɛ ere. Jemanɛ nɛ efuli nɛ a chena ŋ kulti Israɛl na kɔ n suge Israɛl be abee na, ekama na daŋ wora Israɛl eyurto nna.

Ezikɛl 6:14

Kashenteŋto, meeŋ yili Keshishɛrsawule nɛ k wɔ kelargato be kaseto na m ba choŋ kade nɛ baa tre Dibla nɛ k wɔ kelargato be esoso be kaba so na m mur efuli na kikɛ,. Meeŋ mur kaplɛkama nɛ Israɛl be basa tase. Ndoŋ nɛ baaŋ pin fanɛ ma e la Enyɛnpe Ebɔrɛ na.”

Levitikɔs 26:32

Meeŋ mur kusɔ kama menyi be kasawule na so nɛ kechinchiŋ men doŋana nɛ b wɔ ndoŋ na gba.

Levitikɔs 26:43

Ama, pɔɛŋ nɛ loŋ e wora, a daga fanɛ kasawule na e dese jiga n wushi nɛnɛ, nɛ bumo alɛ e ka bumo kekini ma mbraana nɛ atandeana na be kukɔ kikɛ.

Maika 6:16

Le be asheŋ ere beeŋ ba menyi so nna ŋkpal men ka bɛ ewura Omri nɛ mo pibinyɛn, ewura Ehab be asheŋ lubi so so. Bumo be edaŋkare to nɛ men bee kute to. Amoso meeŋ shin nɛ men mur cheche nɛ ekama e baa tege nsaa mushe menyi fanɛ asɔ jiga na.”

Matiu 27:39

Basa nɛ b daa choŋ gba daa maŋ bumo be amu so nna a tege mo a kaŋɛ:

Maak 15:29

Basa nɛ b daa choŋ gba daa maŋ bumo be amu so nna a tege Yesu a kaŋɛ: “Aha, fo yɛ feeŋ bure bɔrɛlambu na nseŋ pɔr kumo nchɛ asa be kefɛato.

Ditɛronɔmi 28:59

kumo ere e beeŋ shin nɛ alɔ nɛ e maŋ kɔ kechɛ nɛ alɔ lubi nɛ a bee suse manaŋ manaŋ na e ba menyi nɛ men be kaman to ebi so.

Ditɛronɔmi 29:23

Menyi be kasawule na beeŋ ki fanɛ Sodɔm nɛ Gomɔra nɛ Adma nɛ Zeboyim nɛ Enyɛnpe Ebɔrɛ na daŋ nya agbo ga nseŋ mur amo jemanɛ ko na.