Jɛremaya 18:13 - EBƆRƐ BE KAWƆL

¹³ Kumo be kaman nɛ Enyɛnpe Ebɔrɛ naŋ kaŋɛ le: “Bishi efuli kama so be basa fanɛ le be kesheŋ daŋ wora ŋ ku so a? Israɛl be basa wora kesheŋ lubi lubi ko!

Jɛremaya 18:13 Iomraidhean Croise

Aizaaya 36:22

Kumo be kaman nɛ Eliakim nɛ Shɛbna nɛ Jowa ta kagbenejija ŋ kpɛa bumo be asɔbuuso to nseŋ ya bɔ kusɔ nɛ Asiriya be benapo be ejuŋkparpo kaŋɛ na be kubɔya n sa ewura Hɛzekaya.

Aizaaya 66:8

Wanɛ e daŋ nu ŋko n wu loŋ ŋ ku so? Kachɛ koŋwule nɛ efuli bee ta a ki efuli nɛ basa wɔ kumo to ŋko epul to nɛ loŋ bee wora? Ama Jerusalɛm bre du fanɛ eche nɛ kakurge ta mo nɛ e kurge kebia epul na to nna.

Jɛremaya 14:17

Kumo be kaman nɛ Enyɛnpe Ebɔrɛ na kaŋɛ ma kenishipereso fanɛ n ya kaŋɛ basa na kebɔltofinfin nɛ k wɔ ma to be asheŋ. Ndoŋ nna nɛ n ya kaŋɛ bumo le: “Kapa nɛ kanyɛ, ma anishi maa paŋ anishichubi ŋkpal ma basa be awurfoŋ damta nɛ baa ji na so.

Jɛremaya 18:14

Kenyɔlɔ nɛ k wɔ Lebanɔn be kebee so na maa ŋalga a loge kikɛ nɛ kumo so be mbombiana maa wɔlto kikɛ.

Jɛremaya 23:14

Kumo be kaman nɛ n naŋ wu anebiana nɛ b wɔ Jerusalɛm to na ka wora kulubi nɛ k chɔ kusɔ nɛ Samɛria to be anebiana na wora na. B daa shuŋ agbir nna nsaa ku efɛ a ti so. Bumo alɛ daa chɛ basa to nna nɛ baa wora asɔ nɛ e maŋ daga. Ŋkpal loŋ so ekama daa wɔ asheŋ lubi be kewora to nna. Ma ere kutɔ, bumo kikɛ lubi nna fanɛ nde anyɔ nɛ baa tre Sodɔm nɛ Gomɔra na be basa.

Jɛremaya 31:4

Ŋ kraa beeŋ lɔŋɛ menyi be efuli na m pɔr. Menyi alɛ kraa beeŋ ta menyi be echakachaka m boŋ nshɛ n cha kagbenefuliso

Jɛremaya 5:30

Kesheŋ lubi ko nɛ k bee jija kagbene nsaa mɔ kɔnɔ wora kasawule na so.

Nfabel 1:15

Enyɛnpe Ebɔrɛ na wora anyi eyur to nna m mushe anyi be benapo lempoana. E shin nɛ benapo ba nna m ba mur anyi be mbrantiɛfɔlbi, nseŋ chichi anyi be basa so fanɛ kananɛ baa chichi greep be asɔrso so a wora yabra na.

Hoziya 6:10

N wu asheŋ nɛ a maŋ walɛ kekeni ashi Israɛl be efuli so kikɛ. Ma basa ta bumo be amu n wɔtɔ eyurpi to ŋkpal b ka bee shuŋ agbir so.

Eemɔs 5:1

Israɛl be basa, men nu keeli nɛ mee shu ŋkpal menyi so ere.

Eemɔs 5:2

Ma eshapo lela Israɛl, tɔr a dese kasawule, a maŋ naŋ tiŋ nɛ e koso! Nɛ b kplaŋ mo so ashi mo gbagba be efuli so. Esa kama maŋ chɛ mo to nɛ e niŋito.

1 Kɔrintebi 5:1

Basa wɔtɔ nna a kaŋɛ fanɛ kesakalea be keji wɔ menyi to nna, kesakalea mo nɛ b maa ji bumo nɛ b maŋ nyi Ebɔrɛ gba to, kumo e la fanɛ menyi to be eko kɔ mo tuto be eche nna a sha.

1 Samuɛl 4:7

nɛ kufu pɛ bumo nɛ b kaŋɛ le: “Bumo be Ebɔrɛ ba bumo be keeyi na to! Amoso naniere bre an luri asheŋ to! Le be kesheŋ ere be kaduli maŋ naŋ tu anyi kikɛ!