Jɛremaya 17:9 - EBƆRƐ BE KAWƆL

⁹ Menyi Juda be basa la basa nɛ baa fule nna pasaa. Men fule men gbagba be amu, menyi alɛ maaŋ tiŋ n chɛrga kumo to.

Jɛremaya 17:9 Iomraidhean Croise

Jɛnesis 6:5

Kumo be jemanɛ na so nɛ Enyɛnpetale Ebɔrɛ wu fanɛ basa be alubi bee wora keshi durnya to a ti so nɛ bumo be ŋgbene to be nfɛra fɛso kikɛ la asheŋ lubi.

Jɛnesis 8:21

Enyɛnpe na ka nu sarga na be efɛa belbelso na nɛ e kaŋɛ mbe kumu le: “N nyi fanɛ dimɛdi be kebia to kikɛ mbe nfɛra fɛso lubi, ama m maaŋ naŋ kpal dimɛdi so n sho kasawule ere kɔnɔ kikɛ. Ma alɛ maaŋ naŋ mur asɔ futeso fanɛ kananɛ n wora ere kikɛ.

2 Samuɛl 11:15

Le nɛ e daŋ sibɛ kumo: “Shin nɛ Yuriya e juŋkpar kakpa nɛ kena na bee kɔ ga na nseŋ shin nɛ benapo nɛ b wɔ mo kutɔ na e ba tu a lar kaman nɛ b nya mo m mɔ.”

Nshɛ 51:5

Kachɛ nɛ b kurge ma na kikɛ nɛ n la alubiworapo.

Nshɛ 64:7

Ama Ebɔrɛ gbagba beeŋ to bumo atanyembi n doro bumo.

Aŋasa 28:26

Esa kama nɛ e ta mbe yirda n deŋi mo gbagba be kumu so la ewulpo nna, ama ekama nɛ e bee sɔ benyiashempo be mmalga, beeŋ nya kekuŋ.

Kaŋinichiŋgeliŋ 9:3

Kulubi nɛ k wɔ asheŋ kama nɛ e bee wora durnya to na e la fanɛ, kelamba koŋwule e dese n sa ekama. Asheŋ lubi nɛ ebonsheŋ e baŋ bɔlɔ edimɛdi be ŋgbene nɛ nfɛra to; amo alɛ kikɛ be kaman baa wu a yɔ bubuni to nna.

Aizaaya 1:5

Manɛ nna nɛ menyi kraa maa sa mo kashuli? Menyee sha kasogberge nna n ti so a? Israɛl be basa, k du fanɛ menyi be amu so kikɛ du fanɛ a ka wora achuu nna nɛ kulɔ malɛ wɔ menyi be ŋgbene kikɛ to nɛ nfɛra kikɛ to.

Aizaaya 1:6

K du fanɛ yili menyi be amu so m ba fo aya so, menyi be eyurana be kaplɛkama kɔ alɔ nna. Men pɛge so nna n wora achuu ama menyi alɛ maa sha esa kikɛ malɛ ka fɔr amo nseŋ wɔtɔ amo kudur ŋko ŋ kre amo so.

Aizaaya 6:10

Kumo be kaman nɛ e naŋ kaŋɛ ma le: “Shin nɛ basa ere be nfɛra e mel to nɛ bumo be asoe e ti nɛ bumo be anishi e tan, saŋɛ na so b maaŋ baa wu ŋko a nu ŋko a pin asheŋ to. Nɛ mannɛ aloŋ, baaŋ baa wu ŋko a nu ŋko a pin asheŋ to nseŋ bɛta m ba ma kutɔ m ba nya kechɛ.”

Jɛremaya 16:12

Ama menyi ere wora asheŋ lubi nɛ a chɔ men nananyɛnana peya. Menyi kikɛ be ŋgbene du kpakpa nna nseŋ lubi. Menyi alɛ maa nu a sa ma.

Jɛremaya 7:24

Ama b daa maŋ nu n sa ma. Kusɔ nɛ bumo be ŋgbene kpakpaso kaŋɛ bumo nɛ b daa wora, nɛ kumo be loŋ shin nɛ bumo be kebaawɔtɔ jija n ti so.

Matiu 13:15

Ŋkpal bumo be ŋgbene ka du kpakpa so, b ti bumo be asoe so nseŋ buu bumo be anishi so. Nɛ mannɛ aloŋ, bumo be anishi beeŋ bugi asheŋ be kewuto nɛ bumo be asoe e bugi asheŋ be kenuto nɛ bumo be ŋgbene e bugi asheŋ be kepinto. Ebɔrɛ yɛ: Loŋ na, baaŋ ba ma kutɔ nɛ n lara bumo ashi bumo be kebaawɔtɔ dra to n sa bumo kebaawɔtɔ popɔr.’

Matiu 15:19

Ŋkpal manɛ so, esa be kagbene to nɛ nfɛra lubi nɛ a bee shin nɛ e bee mɔ, a ji kubojua nsaa wora kusɔ jigayaso be kanyɛnsha nɛ kachesha bee shi a lar. Ndoŋ nɛ kayu nɛ kafule nɛ basa be atre be kejija bee shi.

Maak 2:17

Yesu ka nu kusɔ nɛ b kaŋɛ na nɛ e kaŋɛ bumo: “Basa nɛ b kɔ alenfia maa fin echɛpo, she basa nɛ baa lɔ. M maŋ ba nna nɛ m ba tre basa nɛ baa tre bumo be amu basa lela, alubiworapo nɛ m ba nɛ m ba tre.”

Romebi 1:21

B nyi Ebɔrɛ be asheŋ, ama bumo alɛ maa ta mo fanɛ Ebɔrɛ a bunyaŋ mo ŋko a chɔrɔ mo. Ama b shin nɛ bumo be nfɛra ki nfɛra fuloŋ nna nɛ bumo be kawuliso be ŋgbene malɛ ki m biri to.

Romebi 7:11

Ŋkpal manɛ so, ntaŋ na so nɛ alubi nya ekpa n fule ma. Amoso, ntaŋ na so nɛ alubi bɔla m mɔ ma.

Ɛfesesebi 4:22

Amoso, men lara men be kapɔr dra nɛ k daa wɔ men be kebaawɔtɔ to n jija ŋkpal efɛ be ayɛlgasɔ na so ashi to.

Hibruwebi 3:12

Ŋ kurgepoana, men baa da so nɛ menyi to be ekama e sa maa kɔ kagbene mo nɛ k lubi nɛ kumo nɛ k maŋ yirda nɛ e sa maŋ shin nɛ amodoŋwura e foe Ebɔrɛ nɛ e wɔ ŋkpa to na be ekpa na so.