Jɛremaya 17:8 - EBƆRƐ BE KAWƆL

⁸ Amodoŋwura beeŋ baa du fanɛ kedibi nɛ k yili m mata kabombi nna nsaa teŋi kumo be nliŋi a yɔ nchu na to nna. Kakpa baŋ bel edɛ gba k maa ŋana kufu, ŋkpal k ka kɔ afantaŋ bumbuŋ jemanɛ kikɛ so. Bɔrɛ maŋ ba gba k maa fɔŋ shɛŋ so, kumo ere bee sɔr kumo be asɔrso nna.

Jɛremaya 17:8 Iomraidhean Croise

Job be kawɔl 29:19

N daa kɔ eleŋ a yil to nna fanɛ kedibi nɛ k mur achin n yili m mata nchu nɛ bunyaŋ bee shi kumo be afantaŋ nɛ ayabi so a wurge kanyɛso nna.

Job be kawɔl 8:16

Basa lubi du fanɛ afitiri nɛ a bee nya epeŋi nɛ bɔrɛchu nɛnɛ nna; a bee daŋ nɛnɛ nna nɛ amo be nliŋi bee yɔ kufɔ n sɔ kudɔbi na kikɛ to.

Nshɛ 1:3

Loŋ be basa du fanɛ boŋkarase be ndibi nɛ a bee sɔr asɔrso saŋɛ nɛ k daga na nna. Amo be afantaŋ maa gbaŋgbaŋ kikɛ. Kusɔ kama nɛ baa wora bee nite nɛnɛ nna a sa bumo.

Aŋasa 11:28

Bekama nɛ b ta bumo be tama n deŋi bumo be kanya so beeŋ gbaŋgbaŋ n tɔr fanɛ ketarso be afantaŋ, ama basa cheembi bre beeŋ baa purge afantaŋ popɔr fanɛ kechaliso be ndibi nna saŋkama.

Aizaaya 58:11

Ma, Enyɛnpe Ebɔrɛ na malɛ beeŋ baa juŋkpar menyi nsaa sa menyi asɔ lela nɛ a beeŋ baa kukwe menyi jemanɛ kikɛ. Ma alɛ beeŋ baa sa menyi eleŋ nɛ alenfia a ti so. Menyi alɛ beeŋ baa du fanɛ kambɔl nɛ k bee nya nchu nɛnɛ ŋko kabombi nɛ k maa wɔlto kikɛ na nna.

Aizaaya 61:3

fɔŋfɔŋ bumo nɛ baa shu nli Jerusalɛm to na. E yɛ, n sa basa kagbenefuli nɛ kagbenewushi; mannɛ kagbenejija damta. E yɛ, n sa bumo kapandi be nshɛ, mannɛ kebɔltofinfin. Baaŋ baa du fanɛ ndibi nɛ Enyɛnpe Ebɔrɛ gbagba duu nna. Bumo kikɛ beeŋ baa wora kusɔ nɛ k daga, nseŋ kpaŋ Ebɔrɛ ŋkpal kusɔ nɛ e wora so.

Jɛremaya 39:18

Meeŋ mɔlga fo nɛ b sa maŋ mɔ fo. Feeŋ nya ekpa n shile m mɔlga fo kumu ŋkpal fo ka ta fo yirda n wɔtɔ ma to so. Ma, Enyɛnpe Ebɔrɛ e kaŋɛ na.”

Ezikɛl 31:3

Fo du fanɛ Lebanɔn be efuli so be kedibi nɛ baa tre sida; Nɛ k kɔ ayabi lela nɛ kiyoyul ga, nsaa wɔ nteŋ a sha kechute awɔlpa na nna.

Ezikɛl 47:12

Ndibi be yiri yiri beeŋ kɔr a yil kabombi na be kaba kama so a sa kusɔ jiso. Amo be afantaŋ maa ba nɛ aba bolo, amo alɛ maaŋ yige kebaasɔr kikɛ. Kufɔl kikɛ a beeŋ baa kɔ asɔrso popɔr, ŋkpal manɛ so a bee nya nchu nɛ a bee shi bɔrɛlambu na to nna. Ndibi na be asɔrso beeŋ baa la ajibi nɛ amo be afantaŋ malɛ e baa chɛ basa alɔ.” Kasawule na be Egbaŋ ana be asheŋ