Jɛremaya 17:6 - EBƆRƐ BE KAWƆL

⁶ Baaŋ baa du fanɛ keshishɛrsawule so be afitiri nɛ e kɔr kasawule jiga nɛ k maŋ kɔ kayul nsaa kɔ nfɔl nɛ shɛŋ shɛŋ maa tiŋ a kɔr kumo so na nna. Bɔrɛ ba kumo so gba, k maa sɔ nchu a wora kayul.

Jɛremaya 17:6 Iomraidhean Croise

2 Bewura 7:2

Ndoŋ nna nɛ ewura na be benapo be enimu nɛ e bee fute a yigeso na kaŋɛ anebi Elaisha le: “Loŋ maaŋ tiŋ n wora. Hale Enyɛnpe Ebɔrɛ shin nɛ bɔrɛ ba ga nɛ ayu wora ga gba, amo be yawu maaŋ baa du loŋ.” Nɛ Elaisha kaŋɛ: “Fo anishi nɛ feeŋ ta n wu amo ama fo maaŋ ji amo be ajibi.”

Job be kawɔl 20:17

B maaŋ naŋ nya ekpa n ji asɔ lela nɛ e beeŋ chase; fanɛ ɔlif be ŋku nɛ kenyipochu nɛ mushoŋchu nɛ a sɔ kaplɛkama a shile fanɛ lɔr na.

Job be kawɔl 39:6

Ma, Enyɛnpe Ebɔrɛ na nawule e naa chɛ emo to nɛ a bee tiŋ a wɔ keshishɛrsawule nɛ nfɔl wɔ kumo be shishɛr to na.

Nshɛ 1:4

Ama mannɛ loŋ nɛ k du n sa alubiworapoana bre. Bumo ere du fanɛ asɔ be afɔfɔ nɛ afu bee foŋ n ya kaa lɛ nna.

Nshɛ 107:34

nɛ adɔsawule lela ki nsawule wuso a dese, ŋkpal basa nɛ b wɔ ndoŋ be amu kpakpaso so.

Nshɛ 92:7

kumukpakpasowura beeŋ tiŋ m purge fanɛ afitiri, nɛ belubiworapoana e nya asɔ nseŋ dii dama. E maŋ nyi fanɛ bumo kikɛ beeŋ mur cheche mbaanaayɔ.

Aizaaya 1:30

Menyi alɛ beeŋ ki fanɛ kedibigboŋ nɛ kumo be afantaŋ bee gbaŋgbaŋ a tɔr ŋkpal ewule so ŋko kudɔbi to be asɔduu so ka bolo ŋkpal a ka maŋ nya nchu so na.

Jɛremaya 48:6

Men shile manaŋ m mɔlga menyi be efute! Men ta kumu n shoŋi keshishɛrsawule so a yɔ fanɛ kurma nɛ e yeŋ na.

Ezikɛl 47:11

Ama apa nɛ a dese m mata teku na bre be nchu nɛ a kɔ nfɔl na bre be nfɔl maaŋ lar amo to, saŋɛ na so basa beeŋ baa nya nfɔl amo to a wora asheŋ.

Zefanaiya 2:9

Ŋ ka baa la Enyɛnpe Ebɔrɛ nɛ e bee sa ŋkpa nsaa la Israɛl be Ebɔrɛ ere, m bɔ ntaŋ fanɛ Mowab nɛ Ammɔn be basa beeŋ mur fanɛ ndegboŋ nɛ baa tre Sodɔm nɛ Gomɔra na. Mowab nɛ Ammɔn be nsawule beeŋ ki kakpa nɛ basa beeŋ baa kur nfɔl nɛ afitiri e sɔ ndoŋ kikɛ. Ma basa nɛ baaŋ ji efute na beeŋ suge bumo be kasawule nɛ asɔ kikɛ eleŋso.”

Ditɛronɔmi 29:23

Menyi be kasawule na beeŋ ki fanɛ Sodɔm nɛ Gomɔra nɛ Adma nɛ Zeboyim nɛ Enyɛnpe Ebɔrɛ na daŋ nya agbo ga nseŋ mur amo jemanɛ ko na.

Demujipoana 9:45

Kachɛ lelemu na kikɛ nɛ Abimelɛk nɛ mbe benapo ta ŋ kɔ kade na ebi hale n ya pɔɔ bumo so. E daŋ mɔ basa nseŋ bure kade na kikɛ nna. Kumo be kaman nɛ e chulgi nfɔl n wurge kade na to kikɛ nɛ kasawule na e ki kasawule wuso a dese.