Jɛremaya 17:5 - EBƆRƐ BE KAWƆL

⁵ Kumo be kaman nɛ Enyɛnpe Ebɔrɛ na kaŋɛ le: “Meeŋ shoduu bekama nɛ b pal kaman n sa ma nseŋ ta bumo be yirda n deŋi edimɛdi nɛ bumo be eleŋ so.

Jɛremaya 17:5 Iomraidhean Croise

2 Kronikɛls 16:12

Asa ka ji kuwura be kafɛ adesa nɛ akpanusopo to nɛ kulɔ lubi ko pɛ mbe aya nɛ e ki bobi; ŋkeshin nɛ amo nɛ amo kikɛ e daa maŋ fin kechɛto ashi Enyɛnpe Ebɔrɛ kutɔ. Edɔkta kutɔ nɛ e daŋ ya kaa fin kechɛto.

2 Kronikɛls 32:8

Dimɛdi be eleŋ nɛ mo ere kɔ, ama anyi ere kɔ Enyɛnpe anyi be Ebɔrɛ na nna nɛ e bee kɔ anyi be ana a sa anyi. Ndoŋ nna nɛ basa na nya keleŋto ŋkpal kusɔ nɛ ewura kaŋɛ na so.”

Nshɛ 18:21

Ŋkpal manɛ so, Enyɛnpe Ebɔrɛ na be ekpa so nɛ m bɛ. Ma alɛ maŋ naŋ wora kulubi nseŋ pal kaman n sa mo.

Nshɛ 62:9

Anyi edimɛdi baa du fanɛ esa ka fute afu nna. Anyi be ekama maŋ la shɛŋ. Anyi kikɛ be egbɛ maŋ fo esa be efute be egbɛ so.

Aizaaya 2:22

Men yige kebaata yirda a wɔtɔ dimɛdi be eleŋ to. Dimɛdi kikɛ beeŋ wu. Amoso dimɛdi maaŋ tiŋ n chɛ menyi to?

Aizaaya 20:5

Ndoŋ nna nɛ bekama nɛ b ta bumo be yirda n deŋi Itiopia so nseŋ daa puchi Ijipt so na be nfɛra mel to nɛ b pɔ aba.

Aizaaya 36:6

E bee ta mbe kumu a to Ijipt be efuli nɛ kumo be ewura so nna, ŋko? Nɛ loŋ bre nna, k du fanɛ e ka bee yirgi kedibi buso nɛ k beeŋ tiŋ n da mbe enɔ be epun to m bɔl so nna. Kananɛ Ijipt be ewura, Fɛɛro, du n sa esa kama nɛ e ta mbe kumu n lɛ mo so nna na.

Aizaaya 59:15

Kashenteŋji ka maŋ naa wɔtɔ so, bekama nɛ b yige asheŋ lubi be kewora na bee luri asheŋ to nna.” Enyɛnpe Ebɔrɛ na b kagbene daa maŋ fuli mo ŋkpal keji asheŋ nɛ amo be ekpa so ka maŋ naa wɔtɔ so.

Ezikɛl 6:9

Saŋɛ na so, bumo nɛ baaŋ ji efute na beeŋ fɛ ma asheŋ nseŋ nyiŋi kananɛ b lar ma kaman nsaa shuŋ agbirana nseŋ ta nyɔmɔ m pɛ ma na ashi efuliana nɛ baaŋ tintiŋ bumo n yɔ na so. Ndoŋ nɛ bumo gbagba be asheŋ beeŋ baa nu bumo gbagba agbo ŋkpal bumo asheŋ lubi lubi nɛ b wora so

Hoziya 1:2

Enyɛnpe Ebɔrɛ ka daŋ fara nɛ e bɔla Hoziya so m malga n sa Israɛlebi na, le nɛ e daŋ kaŋɛ: “Ya ta sakaleche nɛ mo nɛ mbe mbia maaŋ baa ji kashenteŋ a sa fo. Kumo be loŋ e naaŋ ŋini kananɛ ma basa Israɛlebi kute n lar ma kaman.”