Jɛremaya 17:4 - EBƆRƐ BE KAWƆL

⁴ Ŋkpal kusɔ nɛ men wora na so, menyeeŋ paŋ kasawule nɛ n sa menyi na, kumo be kaman nɛ n shin nɛ men shuŋ men doŋana ashi kasawule nɛ menyi maŋ nyi shɛŋ a laŋɛ kumo be kaplɛa so. Ŋkpal manɛ so, ma agbo du fanɛ edɛ nɛ k maa duŋ mbaanaayɔ nna.”

Jɛremaya 17:4 Iomraidhean Croise

1 Bewura 9:7

kumo ere meeŋ lara ma basa Israɛlebi ashi kasawule nɛ n ta n sa bumo ere so, nseŋ lar bɔrɛlambu nɛ n nɛfa ŋ kaŋɛ fanɛ meeŋ baa wɔ ndoŋ nɛ b baa bunyaŋ ma na to. Saŋɛ na so basa kikɛ beeŋ ba fɛl Israɛlebi nsaa keni bumo jiga.

2 Bewura 25:21

nɛ k mata Hamaf na, nɛ ewura Nebukadneeza shin nɛ b bri bumo nseŋ mɔ bumo ndoŋ. Juda be basa daŋ maŋ naa wɔ bumo gbagba be efuli so ŋkpal b ka pɛ bumo n yɔ kenyaya to ashi efuli wɔfɔ so.

Nehemaya 9:28

Ama b baŋ nya kayurwushi, baa kilgi nna a wora alubi a da fo so, nɛ fo naŋ ta bumo m bɔɔ bumo doŋana enɔ. Kumo be kaman nɛ b naŋ kule n fin fo kechɛto, ŋkpal fo kuwɔrwu ka shi ga so, fo naŋ laŋɛ m mɔlga bumo.

Aizaaya 14:3

Enyɛnpe Ebɔrɛ na beeŋ sɔ Israɛl be basa na n yige ashi ebesa nɛ awurfoŋ nɛ kenyaya to.

Aizaaya 30:33

Dra dra na kikɛ nɛ Enyɛnpe Ebɔrɛ na bela kakpa nɛ edɛgboŋ beeŋ chɔ Asiriya be ewurgboŋ m mɔ na ase n yili. Ndoŋ la kakpa chiŋgeliŋ nsaa wɔ mpar nna nɛ ndibi biti abar so kumo to. Enyɛnpe Ebɔrɛ na e naaŋ fute edɛ be adondulombi n wɔtɔ ndibi na to nɛ a suseso.

Aizaaya 5:25

Enyɛnpe Ebɔrɛ na nya agbo ga nna n wɔtɔ mbe basa nsaa shin nɛ e gberge bumo kusoe kenishipereso. Abee beeŋ gbuŋgbuŋ nɛ basa e wu n dese agbembiana so fanɛ epi na. Ama amo nɛ amo kikɛ Enyɛnpe Ebɔrɛ na be agbo kraa maaŋ wushi. E kraa beeŋ baa sha kegberge menyi kusoe n ti so.

Aizaaya 50:11

Menyi kama nɛ menyee kre men braana kemur be nia na, menyi gbagba be ŋkre e naaŋ mur menyi. Enyɛnpe Ebɔrɛ na beeŋ gberge menyi kusoe n shin nɛ men ji awurfoŋ.

Aizaaya 66:24

Kumo be kaman nɛ ma basa e lar kowu n ya wu basa nɛ b lar ma kaman ŋ kilgi a kɔ ma na be kebuniana. Ashushombi nɛ a beeŋ ji bumo na maaŋ wu kikɛ. Edɛ nɛ a beeŋ chɔɔ bumo m mur na malɛ gba maaŋ duŋ kikɛ. Bumo be asheŋ beeŋ keta ekama nɛ e beeŋ wu bumo kenishiso kejija.”

Jɛremaya 12:7

Kede be kaman nɛ Enyɛnpe Ebɔrɛ na kaŋɛ le: “Ŋ kini Israɛl be basa n lɛ nna. Ma alɛ kini efuli nɛ n lara n sa ma kumu n lɛ. Basa nɛ mee sha nɛ n ta m bɔɔ bumo doŋana enɔ.

Jɛremaya 15:14

Meeŋ shin nɛ b ki anya n sa bumo doŋana ashi kasawule nɛ b maŋ nyi shɛŋ a laŋɛ kumo be kaplɛa so na so. Ŋkpal manɛ so, ma agbo du fanɛ edɛ nɛ k bee chɔɔ mbaanaayɔ nna.”

Jɛremaya 16:13

Ŋkpal loŋ so meeŋ lara menyi ashi kasawule ere so nseŋ kpa menyi n lɛ kasawule nɛ menyi ŋko men nananyɛnana maŋ nyi so, nɛ kapa nɛ kanyɛ men ya kaa shuŋ agbir ndoŋ. Ma alɛ maaŋ wu menyi kuwɔr.’ ”

Jɛremaya 18:23

Ama Enyɛnpe Ebɔrɛ, fo nyi ejina nɛ b to a laŋɛ ma kemɔ be kaplɛa so be asheŋ. Amoso nya agbo n wora bumo nsaa maŋ ta bumo be alubi m paŋ bumo. Shin nɛ b kɔ n tɔr.”

Jɛremaya 2:14

Israɛl be basa maŋ la anya; b maŋ kurge bumo n wɔtɔ kenyaya to. Ama bumo doŋana kɔ bumo kena m pɛ bumo anya ŋkpal kusɔ nɛ b wora so.

Jɛremaya 22:28

Kumo be kaman nɛ Jɛremaya kaŋɛ le: “Ewura Jehowachin, fo ki fanɛ kapuya bureso nɛ b maa sha nna. Amoso baaŋ ta fo nɛ fo mbia kikɛ n ya lɛ efuli pɔtɛ wɔfɔ nɛ menyi maŋ nyi so.”

Jɛremaya 5:19

Basa nɛ baaŋ ji efute kaŋ bishi le: ‘Manɛ nna nɛ Enyɛnpe, anyi be Ebɔrɛ na shin nɛ le be asheŋ lubi ere tu anyi?’ Nɛ fo kaŋɛ bumo fanɛ kananɛ b kini ma nseŋ shuŋ efuli pɔtɛana so be agbirana ashi bumo gbagba be kasawule so na, aloŋ nɛ baaŋ ya shuŋ basa pɔtɛ ashi efuli pɔtɛ so.”

Jɛremaya 5:29

Ma, Enyɛnpe Ebɔrɛ na beeŋ gberge bumo kusoe ŋkpal asheŋ ere kikɛ so. Meeŋ wora n tal efuli na kikɛ be basa to.

Jɛremaya 7:20

Amoso, ma Enyɛnpetale Ebɔrɛ na beeŋ shin nɛ ma kanya agbo e ba ma bɔrɛlambu so. K beeŋ gbelge basa nɛ asɔbɔya nɛ ndibi nɛ asɔduuso kikɛ so. Ma agbo beeŋ baa du fanɛ edɛ nɛ esa kikɛ maaŋ tiŋ n duŋ na nna.”

Nfabel 1:12

Esa kama nɛ e bɔla ndoŋ a choŋ baaŋ kaŋɛ mo le: “Keni, chɛ anyi to! Esa kikɛ maŋ naŋ ji awurfoŋ nɛ k fo awurfoŋ nɛ anyee ji ere so. Enyɛnpe Ebɔrɛ na e nya agbo n shin k ba anyi so.

Nfabel 5:2

Anyi be kasawule laŋɛ basa pɔtɛ be enɔ to; nɛ befɔ sɔ anyi be nwu n chena to.

Ezikɛl 21:31

Meeŋ shin nɛ ma agbo e ba menyi so fanɛ edɛ na n chɔɔ menyi. Meeŋ ta menyi m bɔɔ basa nyaŋnyaŋso enɔ, basa nɛ b nyi kamɔ to.

Ezikɛl 7:24

Ma alɛ beeŋ shin nɛ efuliana nɛ b lubi a chɔ bekama na e ba sɔ bumo be nwu kikɛ. Kumo be kaman, nɛ n shin nɛ benapo lempo nɛ baa puchi so na e pɔ aba, ŋkpal efuliana ka beeŋ jija bumo be kabɔrɛshuŋ be mboŋ so.

Ditɛronɔmi 28:25

Ade kikɛ be kaman, Enyɛnpe Ebɔrɛ na beeŋ shin nɛ men doŋana e pɔɔ menyi so. Menyeeŋ mel abar m bɔla kaboŋ koŋwule n ya kɔ bumo, ama menyeeŋ pesaŋ to m bɔla mboŋ damta n shile. Durnya to be basa kikɛ beeŋ nu kusɔ nɛ k wora menyi na be asheŋ nɛ kufu gboŋgboŋi a tɔr bumo so.