Jɛremaya 17:27 - EBƆRƐ BE KAWƆL

²⁷ Ama a daga fanɛ b baa wora ma kasonu nsaa ta ma kewushiachɛ na fanɛ kachɛ cheembi nsaa maa sulɔ asɔ a bɔla Jerusalɛm be mbunagboŋana na to a luri a lar loŋ be kachɛ na. Nɛ b kini nseŋ wora loŋ, meeŋ shin nɛ Jerusalɛm be mbunagboŋana na e ji edɛ. Jerusalɛm to be ewurkpaana beeŋ ji edɛ n tɔr nɛ esa kikɛ maaŋ tiŋ n duŋ edɛ na.”

Jɛremaya 17:27 Iomraidhean Croise

2 Bewura 22:17

Ŋkpal manɛ so b ka kini ma nseŋ lara esarga n sa efuli pɔtɛana so be agbirana nɛ ma agbo kaa bumo so ga. Kusɔ nɛ b wora na so ma agbo maaŋ wushi kikɛ.

2 Bewura 25:9

m ba chɔɔ bɔrɛlambu na nɛ ewurkpa nɛ Jerusalɛm to be basa nɛ bumo be atre dii na be nwu kikɛ.

2 Kronikɛls 36:19

Ewura Nebukadneeza daŋ chɔɔ bɔrɛlambu na nɛ ewura be laŋ nɛ kade na kikɛ nna nseŋ da kumo be egbal n lɛ.

Nshɛ 122:7

Ebɔrɛ e shin nɛ kayurwushi e baa wɔ kadegboŋ na to; e shin nɛ kayurwushi e baa wɔ ndoŋ be ewurkpaana.

Aizaaya 1:20

Ama nɛ men kplaŋ ma so bre, kumo ere menyeeŋ wu kena to. Ma, Enyɛnpe Ebɔrɛ na, e kaŋɛ na.”

Aizaaya 1:31

Kananɛ edɛbi beeŋ tiŋ n shin nɛ afitiri wɔlso e chɔɔ m mur na nɛ menyi to be bejuŋkparpo lempoana gbagba be asheŋ lubi beeŋ mur bumo nɛ esa kikɛ maaŋ tiŋ n chɛ bumo to.

Jɛremaya 17:24

To, kaŋɛ basa na fanɛ a daga fanɛ b baa wora ma mmalga naseso kikɛ kasonu. A maŋ daga b baa sulɔ esulɔ kikɛ a bɔla mbunagboŋ na to a luri kadegboŋ na to kewushiachɛ kikɛ. A daga fanɛ b baa ta kewushiachɛ na fanɛ kachɛ cheembi nsaa maa shuŋ kushuŋ kikɛ kuraa.

Jɛremaya 17:4

Ŋkpal kusɔ nɛ men wora na so, menyeeŋ paŋ kasawule nɛ n sa menyi na, kumo be kaman nɛ n shin nɛ men shuŋ men doŋana ashi kasawule nɛ menyi maŋ nyi shɛŋ a laŋɛ kumo be kaplɛa so. Ŋkpal manɛ so, ma agbo du fanɛ edɛ nɛ k maa duŋ mbaanaayɔ nna.”

Jɛremaya 18:1

Ade kikɛ be kaman nɛ Enyɛnpe Ebɔrɛ na kaŋɛ ma le:

Jɛremaya 21:14

Meeŋ gberge menyi kusoe ŋkpal kusɔ nɛ menyee wora so. Meeŋ shin nɛ edɛ e ji menyi be ewurkpa nseŋ chɔɔ kusɔ kama nɛ k kulti kumo na m mur. Ma, Enyɛnpe Ebɔrɛ e kaŋɛ na.”

Jɛremaya 22:5

Ama nɛ men kini kenu n sa kusɔ nɛ mee kaŋɛ menyi kenishipereso ere, ŋ gbagba bee nase kɔnɔ ma ketre to nna fanɛ ewurkpa ere beeŋ ba ki kelambure n dese. Ma, Enyɛnpe Ebɔrɛ e kaŋɛ na.”

Jɛremaya 32:29

nseŋ nya edɛ n wɔtɔ kumo to n chɔɔ m mur. Kananɛ basa daa chɔɔ eduwu nwu na be adamta be achoŋi so a sa kegbir nɛ baa tre Baal na nseŋ naa ta yabra a to nchu a sa agbir pɔtɛana na, e shin nɛ n nya agbo na.

Jɛremaya 39:8

Pɔɛŋ nɛ le ere kikɛ wora na nɛ Babilɔnebi na teŋ nya edɛ n wɔtɔ Jerusalɛm to be ewurkpa nɛ basa na be nwu kikɛ to a chɔɔ nsaa da amo be egbalana a lɛ.

Jɛremaya 44:16

“An kini kenu kusɔ nɛ fo kaŋɛ anyi ashi Enyɛnpe Ebɔrɛ na be ketre to nna.

Jɛremaya 49:27

Meeŋ nya edɛ n wɔtɔ Damaskɔs be nwu to nseŋ chɔɔ ewura Bɛnhadad be ewurkpa lempoana n lɛ. Ma, Enyɛnpe Ebɔrɛ e kaŋɛ na.”

Jɛremaya 52:13

m ba chɔɔ bɔrɛlambu na nɛ ewurkpa na nɛ kadegboŋ na to be nwu kikɛ n lɛ. E daŋ chɔɔ kowu kama nɛ k kɔ ketre nna n lɛ.

Jɛremaya 6:17

Ndoŋ nna nɛ Enyɛnpe Ebɔrɛ na shuŋi anebiana fanɛ b ba kpele menyi kusoe a laŋɛ kenishipere nɛ k bee ba na be kaplɛa so, ama men kini kenu n sa kasokpele na.

Jɛremaya 7:20

Amoso, ma Enyɛnpetale Ebɔrɛ na beeŋ shin nɛ ma kanya agbo e ba ma bɔrɛlambu so. K beeŋ gbelge basa nɛ asɔbɔya nɛ ndibi nɛ asɔduuso kikɛ so. Ma agbo beeŋ baa du fanɛ edɛ nɛ esa kikɛ maaŋ tiŋ n duŋ na nna.”

Nfabel 2:6

E daŋ shin nɛ mbe bɔrɛlambu nɛ anyee shuŋ mo kumo to na daŋ bure n tɔr nna fanɛ kudɔtobuu na. Nseŋ shin nɛ nchɛgboŋ nɛ kewushiachɛ na be keji ba ekar. Mbe agbogboŋ na so, e daŋ kini ewura na nɛ bɔrɛmatapo na gba nna n lɛ.

Nfabel 4:11

Enyɛnpe Ebɔrɛ ka daŋ nya agbo ga so, e daŋ shin nɛ Jerusalɛm be kadegboŋ na ji edɛ nna m mur cheche.

Ezikɛl 16:41

Meeŋ wora loŋ ashi beche damta be anishito nɛ fo kubojuaji e fo ekar nɛ fo jipoana maaŋ naaŋ nya ŋkɛ ashi fo kutɔ.

Ezikɛl 21:15

Saŋɛ na so kufu beeŋ pɛ basa; nɛ galeŋga e chicha n fiti n tɔr. N wora ma tokobi shiriya nɛ k mɔ ashi bumo be mbunaana kikɛ ase. N tiŋ n yee kumo nna nɛ k bee kpa edɛ fanɛ bɔrɛ ka bee nyɛkpɛ na, nseŋ pɛ kumo to nɛ m mɔ.

Ezikɛl 21:3

nseŋ kaŋɛ bumo fanɛ ma, Enyɛnpe Ebɔrɛ na bee kaŋɛ fanɛ b ki ndoŋana nna. Amoso meeŋ pee ma tokobi kumo be efar to m mɔ bumo to be basa lela nɛ belubi kikɛ.

Ezikɛl 22:8

Menyi maa sa mboŋ cheembi na bunyaŋ. Menyi alɛ maa bɛ ma kewushiachɛ na so.

Ezikɛl 23:38

B daŋ naŋ keni ma bɔrɛlambu na nɛ ma kewushiachɛ nɛ n yili na jiga nna a maŋ sa amo bunyaŋ.

Hoziya 8:14

Israɛlebi pɔr bewura be elaŋ damta nna nseŋ kplaŋ bumo be etopo na so. Nɛ Judaebi malɛ pɔr nde nseŋ pɔr egbal ŋ kulti amo. Meeŋ shin nɛ edɛ e ba chɔɔ bewura be elaŋ na nɛ nde nɛ b pɔr egbal ŋ kulti na kikɛ nyam.”

Eemɔs 1:10

Amoso meeŋ shin nɛ edɛ e ba chɔɔ Tayɛ be kumɔlga be mboŋ nɛ a wɔ kumo be egbal nɛ b pɔr ŋ kulti kumo na so kikɛ cheche.”

Eemɔs 1:12

Amoso meeŋ shin nɛ edɛ e ya chɔɔ Edɔm be efuli so be nde nɛ baa tre Teman na, nɛ Bozra be kumɔlga be mboŋ na kikɛ cheche.”

Eemɔs 1:14

Ŋkpal loŋ so meeŋ shin nɛ edɛ e tɔr egbal nɛ b pɔr ŋ kulti Ammɔn be efuli so be kadegboŋ nɛ baa tre Raaba na so n chɔɔ kumo be kumɔlga be mboŋana. Kumo be kamɔnchɛ benapo beeŋ cha kena to be awɔr nseŋ kɔ kena fanɛ afugboŋ ka bee ber na.

Eemɔs 1:4

Meeŋ shin nɛ edɛ e ya chɔɔ lambu nɛ ewura Haziɛl pɔr na nɛ ewura Bɛnhadad be kumɔlga be mboŋ lempo na kikɛ cheche.

Eemɔs 1:7

Meeŋ shin nɛ edɛ e ba chɔɔ Gaaza be kade to be kumɔlga be mboŋ lempo nɛ a wɔ egbal nɛ b pɔr ŋ kulti kade na so na kikɛ cheche.

Eemɔs 2:2

Amoso meeŋ shin nɛ edɛ e ya chɔɔ kade nɛ baa tre Kiriɔf nɛ k wɔ Mowab be efuli so na be kumɔlga be mboŋ lempo na. Kena to be awɔr beeŋ cha n nɛ b baa foŋ kena to be mbel saŋɛ nɛ mee mur Mowabebi na.

Ditɛronɔmi 32:22

Kumo be kaman nɛ ma agbo e suse fanɛ edɛ n chɔɔ kusɔ kama durnya to, n ta menyi be adɔ n ti so. Edɛ na beeŋ chɔɔ hale bubuni to ashi kasawule to nseŋ naŋ chɔɔ abeeana gba m mur.

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!