Jɛremaya 17:24 - EBƆRƐ BE KAWƆL

²⁴ To, kaŋɛ basa na fanɛ a daga fanɛ b baa wora ma mmalga naseso kikɛ kasonu. A maŋ daga b baa sulɔ esulɔ kikɛ a bɔla mbunagboŋ na to a luri kadegboŋ na to kewushiachɛ kikɛ. A daga fanɛ b baa ta kewushiachɛ na fanɛ kachɛ cheembi nsaa maa shuŋ kushuŋ kikɛ kuraa.

Jɛremaya 17:24 Iomraidhean Croise

Ɛksodɔs 15:26

nseŋ ŋini bumo ŋ kaŋɛ le: “Men baŋ bugi asoe nɛnɛ n nu ma, men Nyɛnpe Ebɔrɛ na be ebɔl nseŋ wora kusɔ nɛ k niŋi ashi ma anishito, nseŋ bɛ ma mbraana so bre, menyeeŋ baa kɔ eleŋ. Ma alɛ maaŋ ta alɔ wurbi be aleblawu nɛ n daŋ ta n lɛ ljiptebi so na n lɛ menyi so.”

Ɛksodɔs 20:8

Men baa ta kewushiachɛ na fanɛ ma, Enyɛnpe Ebɔrɛ be kachɛ nɛ k du cheembi.

Aizaaya 21:7

E kaŋ wu basa ka dii egbaŋɛ m bɛ abar so kenyɔ nyɔ, nɛ beko dii ekurma nɛ enyɔma m bɛ so a ba, e dara bumo ŋ keni nɛnɛ nseŋ kaŋɛ kadeebi nɛ b bela ase.”

Aizaaya 55:2

Manɛ nna nɛ menyee jija amansherbi asɔ nɛ a maŋ la ajibi so? Manɛ nna nɛ menyee shuŋ ga a fin asɔ nɛ a maaŋ chɛ menyi to? Men nu asɔ nɛ mee kaŋɛ menyi ere nseŋ wora amo nseŋ nya ajibi kikɛ to be alela n ji.

Ezikɛl 20:20

Men ta ma Kewushiachɛ naŋ ki kachɛ cheembi, saŋɛ na so k beeŋ baa la tɔɔnɛ a ŋini fanɛ men la ma basa nna nɛ ma alɛ la Enyɛnpe menyi be Ebɔrɛ na.

Zakareya 6:15

Basa beeŋ shi efuli wɔfɔ so m ba chɛ to n lɔŋɛ Enyɛnpe Ebɔrɛ na be bɔrɛlambu na m pɔr. B kaŋ lɔŋɛ kumo m pɔr n loge na nɛ feeŋ pin fanɛ Enyɛnpetale Ebɔrɛ na e shuŋi ma. Fo baa wora Enyɛnpe fo Ebɔrɛ na be mbraana kikɛ kasonu, ade kikɛ beeŋ wora m bɔlɔ so ashi fo kebaawɔtɔ to.

Ditɛronɔmi 11:13

Amoso men baa wora mbraana nɛ n ta a sa menyi kabre ere kasonu. Men baa sha Enyɛnpe menyi be Ebɔrɛ na nsaa ta menyi be ŋgbene kikɛ a shuŋ mo.

Ditɛronɔmi 11:22

Men baa sha Enyɛnpe menyi be Ebɔrɛ na nsaa wora mbraana nɛ n ta a sa menyi kabre ere kasonu nɛnɛ. Men baa wora kusɔ kama nɛ e kaŋɛ menyi kenishipere so nsaa ji kashenteŋ a sa mo.