Jɛremaya 17:20 - EBƆRƐ BE KAWƆL

²⁰ Kaŋɛ Juda be basa nɛ bewuraana nɛ bekama nɛ b wɔ Jerusalɛm to nsaa bɔla mbunagboŋana na to a luri a lar na fanɛ b nu kusɔ nɛ mee kaŋɛ ere.

Jɛremaya 17:20 Iomraidhean Croise

Jɛremaya 13:18

Ade kikɛ be kaman nɛ Enyɛnpe Ebɔrɛ na naŋ kaŋɛ le: “Kaŋɛ ewura nɛ mo nio nɛ b koso bumo be nwurputi so nseŋ gbaŋ bumo be awurwuro lela n nase.

Jɛremaya 17:19

Ndoŋ nna nɛ Enyɛnpe Ebɔrɛ kaŋɛ ma le: “Jɛremaya, yɔ Jerusalɛm be kabunagboŋ nɛ baa tre Basa be Kabuna nɛ Juda be bewura bee bɔla to a luri a lar na ase n ya bɔ ma kubɔya ndoŋ. Kumo be kaman nɛ fo naŋ yɔ mbuna nɛ a ka na ase n ya wora loŋ.

Jɛremaya 19:3

An ka yɔ ndoŋ nɛ Enyɛnpe Ebɔrɛ na kaŋɛ ma fanɛ ŋ kaŋɛ bumo le: “Juda be efuli so be bewura nɛ Jerusalɛm to be basa, men nu kusɔ nɛ ma, Enyɛnpetale Israɛl be Ebɔrɛ na kɔ nɛ ŋ kaŋɛ menyi. Meeŋ bar tɔrɔ gboŋgboŋi nfe nɛ k chinchiŋ esa kama nɛ e beeŋ nu kumo be asheŋ.

Jɛremaya 19:4

Meeŋ shin nɛ le e wora ŋkpal basa na ka kini ma n lɛ nseŋ ya kaa lara esarga a sa agbirana nɛ bumo gbagba ŋko bumo nanaana ŋko Juda bewuraana maŋ nyi shɛŋ a laŋɛ amo be kaplɛa so na nseŋ shin nɛ kakpa ere wora eyurpi daŋkare be ekpa so. B mɔ basa damta nɛ b maŋ wora shɛŋ n nase nfe be kaplɛkama,

Jɛremaya 21:11

Kede be kaman nɛ Enyɛnpe Ebɔrɛ naŋ kaŋɛ ma fanɛ n ta kubɔya ere n sa Ewura Deevid be kaman to ebi nɛ baa ji kuwura Juda be efuli so na. E yɛ: “Men nu kusɔ nɛ ma, Enyɛnpe Ebɔrɛ na bee kaŋɛ ere. Men baa ji asheŋ nɛ amo be ekpa so karechɛ kikɛ nsaa kuŋ bekama nɛ bumo braana bee puni bumo na. Nɛ men kini kebaawora loŋ, asheŋ lubi nɛ menyee wora ere beeŋ shin nɛ ma agbo e suse fanɛ edɛ nɛ e maaŋ tiŋ n duŋ kikɛ na.

Ezikɛl 2:7

Ma mmalga a daga fanɛ fo malga n sa bumo. Baaŋ nu ŋko b maaŋ nu, fo ere e malga n sa bumo. Baa nyiŋi fanɛ b la basa nɛ b kini ma nseŋ pal kaman n sa ma nna.

Ezikɛl 3:17

“Dimɛdi pibi, n lara fo nna nɛ fo baa keni Israɛl be basa so. Amoso nu kamalga nɛ ŋ kɔ nɛ n sa bumo ere nseŋ fɛa bumo so.

Hoziya 5:1

“Menyi bɔrɛmatapoana, e nu nfe! Israɛl be basa, men kaŋ kusoe n nu! Menyi nɛ men la kuwurji be kanaŋ to ebi, e nu nfe! Menyi ere e daga kebaaji asheŋ nɛ amo be ekpa so! Ama ŋkpal men ka maa wora loŋ so kasogberge beeŋ ba menyi so. Men ki ajigbelɛ nɛ ashewu nna n sho basa ashi Mizpa nɛ kebeegboŋ nɛ baa tre Tabɔɔ na so.

Eemɔs 4:1

Men nu nfe, menyi Samɛria be beche nɛ men danto durfɛ durfɛ fanɛ Bashan be efuli so be ana nɛ baa ji a moɛ ga na. Menyi e naa mɛaŋ betirpo nɛ betentaŋasepo nsaa nyaŋ menyi kulana fanɛ b baa sa menyi nsa na!

Maika 3:1

Ndoŋ nna nɛ Maika kaŋɛ le: “Israɛlebi be bejuŋkparpo, men nu nfe! Men nyi kelela nɛ kulubi be mbarga,

Kelaraŋŋini 2:29

Amoso, ekama nɛ e kɔ asoe e baa nu asɔ nɛ Kiyoyu na bee kaŋɛ asɔriana na.’ ”