Jɛremaya 17:18 - EBƆRƐ BE KAWƆL

¹⁸ Enyɛnpe Ebɔrɛ, shin nɛ basa nɛ baa kɔrfɛ ma na e ji anishinyɔr, ama baa kuŋ ma nɛ n sa maŋ ji nyɔmɔ. Kumo be kaman nɛ fo shin nɛ kufugboŋ e tɔr bumo so nseŋ naŋ shin nɛ b mur ga.

Jɛremaya 17:18 Iomraidhean Croise

Job be kawɔl 16:14

E baa doro ma ale anyɔ nyɔ nna. E ba ma so fanɛ enapo nɛ e nya agbo yurkishi so nna.

Nshɛ 35:4

Shin nɛ bekama nɛ baa fin ma nɛ b mɔ na e ji anishinyɔr nseŋ kɔ n tɔr. Shin nɛ bekama nɛ baa kre ma ŋkre lubi na kikɛ e wulto m bɛta kaman.

Nshɛ 35:8

Ama kemur beeŋ purgi bumo. Bumo gbagba be ajigbelɛ nɛ b fe na beeŋ kilgi m pɛ bumo. Baaŋ tur amaŋ nɛ bumo gbagba kur na to.

Nshɛ 40:14

Wul basa nɛ baa fin ma nɛ b mɔ na be nfɛra to nseŋ shin nɛ b ji anishinyɔr. Shin nɛ bekama nɛ baa fin ma luwu na e sipa.

Nshɛ 70:2

Wul basa nɛ baa fin ma nɛ b mɔ na be nfɛra to, nseŋ shin nɛ anishinyɔr e pɛ bumo. Shin nɛ bekama nɛ baa fin ma nɛ luwu na e sipa.

Nshɛ 71:1

Fo Enyɛnpe Ebɔrɛ na kutɔ nɛ m ba, nɛ fo baa kuŋ ma. Sa maŋ shin nɛ n ji anishinyɔr.

Jɛremaya 1:17

Jɛremaya, wora shiriya n ya kaŋɛ basa na kusɔ kama nɛ ŋ kaŋɛ fo kenishipereso na. Sa maa ŋana bumo, nɛ mannɛ aloŋ meeŋ shin nɛ kufu nɛ k chɔ loŋ a pɛ fo jemanɛ nɛ feeŋ baa wɔ bumo to na.

Jɛremaya 11:20

Ndoŋ nna nɛ ŋ kule Ebɔrɛ ŋ kaŋɛ le: “Enyɛnpetale Ebɔrɛ, fo e naa ji asheŋ nɛ amo be ekpa so. Fo alɛ nyi basa be ŋgbene nɛ nfɛra kikɛ to. N ta demu ere nna a wɔtɔ fo enɔ to. Amoso ka basa ere kumo be kukɔ n sa ma.”

Jɛremaya 12:3

Ama, Enyɛnpe Ebɔrɛ, fo nyi ma nɛnɛ. Fee wu kusɔ nɛ mee wora nsaa nyi kananɛ mee sha fo. Amoso Enyɛnpe Ebɔrɛ, gberge n doŋana n ya mɔ fanɛ mbolpɔ.

Jɛremaya 14:17

Kumo be kaman nɛ Enyɛnpe Ebɔrɛ na kaŋɛ ma kenishipereso fanɛ n ya kaŋɛ basa na kebɔltofinfin nɛ k wɔ ma to be asheŋ. Ndoŋ nna nɛ n ya kaŋɛ bumo le: “Kapa nɛ kanyɛ, ma anishi maa paŋ anishichubi ŋkpal ma basa be awurfoŋ damta nɛ baa ji na so.

Jɛremaya 16:18

Meeŋ shin nɛ b ka bumo be alubi nɛ asheŋ jiga be akɔ ntuŋ anyɔso, ŋkpal manɛ so, b ta agbirana nɛ e maŋ kɔ ŋkpa fanɛ bubuni nɛ ŋ kishi amo be asheŋ na m ba sɔ ma kasawule so be kaplɛkama n shin nɛ k wora eyurpi daŋkare be ekpa so.”

Jɛremaya 17:13

O Enyɛnpe Ebɔrɛ, fo du fanɛ kubuye nɛ k bee sa Israɛl nchu nɛ e bee sa ŋkpa nɛ tama nna. Bekama nɛ b kplaŋ fo so bee ji anishinyɔr nna. Baaŋ foe basa be anishi so fanɛ b ka wu n yɔ bubuni to na.

Jɛremaya 17:16

Ama Enyɛnpe Ebɔrɛ, fo e lara ma fanɛ m baa keni fo basa so fanɛ anebi, kumo alɛ nɛ mee wora na. Fo nyi ma kɔnɔ to be mmalga kikɛ. Ma alɛ maŋ naŋ kaŋɛ fo kachɛ koŋwule gba fanɛ fo gberge bumo kusoe.

Jɛremaya 17:19

Ndoŋ nna nɛ Enyɛnpe Ebɔrɛ kaŋɛ ma le: “Jɛremaya, yɔ Jerusalɛm be kabunagboŋ nɛ baa tre Basa be Kabuna nɛ Juda be bewura bee bɔla to a luri a lar na ase n ya bɔ ma kubɔya ndoŋ. Kumo be kaman nɛ fo naŋ yɔ mbuna nɛ a ka na ase n ya wora loŋ.

Jɛremaya 20:11

Ama fo, Enyɛnpe Ebɔrɛ, nɛ fo shi ga nsaa kɔ eleŋ na ka wɔ ma kaman so, bekama nɛ baa kɔrfɛ ma na beeŋ wora ŋ gben. Baaŋ ji anishinyɔr mbaanaayɔ, ŋkpal manɛ so, b maaŋ nya kusɔ nɛ baa fin ma so na. Esa kama maaŋ teŋ bumo be ŋaba na so kikɛ.

Ditɛronɔmi 33:11

Amoso Enyɛnpe Ebɔrɛ, chɛ bumo to nɛ b nya eleŋ. Shin nɛ b baa wora fo aparsheŋ. Fo e naŋ mur bumo doŋana kikɛ nsaa maŋ naŋ shin nɛ b koso kikɛ.”

Kelaraŋŋini 18:6

Men wora mo kananɛ e wora menyi na gbagba chap. Men laŋɛ kusɔ kama nɛ e wora menyi na ŋ ka mo loŋ be ale anyɔ. Men shin nɛ mbe kawiebi nɛ e ta n wora nsa n sa menyi na e bɔlɔ a kɔ eleŋ ale anyɔ a chɔ amo nɛ e sa menyi na.