Jɛremaya 17:14 - EBƆRƐ BE KAWƆL

¹⁴ Enyɛnpe Ebɔrɛ, chɛ ma to nɛ n nya alenfia. Mɔlga ma nɛ n nya ma kumu kashenteŋto. Ŋkpal manɛ so, fo nawule nɛ mee kpaŋ!

Jɛremaya 17:14 Iomraidhean Croise

Nshɛ 106:47

O Enyɛnpe anyi be Ebɔrɛ, mɔlga anyi, nseŋ lara anyi efuli pɔtɛana so m bɛta m ba epe. Saŋɛ na so anyeeŋ di fo epaŋ nseŋ kpaŋ fo ketre cheembi na.

Nshɛ 109:1

O Ebɔrɛ, mee kpaŋ fo nna. Amoso sa maŋ lo to loŋ; kaŋɛ ma kusɔ ko!

Nshɛ 119:94

Mɔlga ma, ŋkpal manɛ so, n la feya nna! Ma alɛ wora ania nna fanɛ meeŋ wora fo mbraana kasonu.

Nshɛ 12:4

anyi be mmalga bee sa anyi kusɔ kama nɛ anyee sha nna. Anyeeŋ kaŋɛ kusɔ kama nɛ k tir anyi nɛ esa kama maaŋ tiŋ ŋ kaŋɛ fanɛ an loto.

Nshɛ 148:14

Mo e shin nɛ mbe efuli nya eleŋ, saŋɛ na so, mbe basa, Israɛlebi kikɛ, nɛ bumo be asheŋ wɔ mbe kagbene to na, beeŋ baa kpaŋ mo. Men baa kpaŋ Enyɛnpe Ebɔrɛ na!

Nshɛ 54:1

Enyɛnpe Ebɔrɛ, ta fo eleŋ na m mɔlga ma, ŋ ŋini fanɛ m maŋ wora n jija.

Nshɛ 6:2

Wu ma kuwɔr nseŋ sa ma eleŋ; ŋkpal manɛ so, ma eyur kikɛ chɛl ma nna

Nshɛ 6:3

nɛ mee shin nɛ n wu. Saŋɛ mo nɛ feeŋ chɛ ma to, Enyɛnpe Ebɔrɛ?

Nshɛ 6:4

Enyɛnpe, ba mɔlga ma. Wu ma kuwɔr, nseŋ mɔlga ma ashi luwu to.

Nshɛ 60:5

Enyɛnpe Ebɔrɛ, nu anyi be kekule nseŋ ta fo enɔ lempo na m mɔlga anyi nɛ an la fo basa shaso na.

Aizaaya 6:10

Kumo be kaman nɛ e naŋ kaŋɛ ma le: “Shin nɛ basa ere be nfɛra e mel to nɛ bumo be asoe e ti nɛ bumo be anishi e tan, saŋɛ na so b maaŋ baa wu ŋko a nu ŋko a pin asheŋ to. Nɛ mannɛ aloŋ, baaŋ baa wu ŋko a nu ŋko a pin asheŋ to nseŋ bɛta m ba ma kutɔ m ba nya kechɛ.”

Jɛremaya 15:20

Meeŋ shin nɛ fo ki fanɛ epal be egbal lempo basa kutɔ. Baaŋ kɔ fo ama b maaŋ tiŋ m pɔɔ fo so. Meeŋ baa wɔ fo kutɔ a kuŋ fo nɛ shɛŋ shɛŋ maaŋ wora fo.

Jɛremaya 3:23

Nnyamase be agbirana nɛ an shuŋ abee be awɔlto na bre maŋ chɛ anyi to kuraa. Kechɛ to nɛ Israɛl be basa bee nya kikɛ bee shi Enyɛnpe anyi be Ebɔrɛ na kutɔ nna.

Jɛremaya 30:17

Ekama maŋ naa sha fanɛ men ba la mo teri ŋko ekama be shɛŋ maaŋ naa wɔ kusɔ nɛ k wora menyi to. Ama meeŋ chɛ menyi be edoro nɛ men nya eyur be alenfia. Ma, Enyɛnpe Ebɔrɛ e kaŋɛ na.”

Jɛremaya 31:18

N nu Israɛl be basa na ka bee shu a kaŋɛ le: ‘An daa du fanɛ asɔbɔya yenso nna, ama fo bela anyi nɛ anyee wora fo kasonu. Naŋ bɛta anyi m ba fo kutɔ, ŋkpal manɛ so, an wora shiriya naniere nɛ an bɛta m ba fo Enyɛnpe anyi be Ebɔrɛ na kutɔ nna.

Jɛremaya 33:6

Kumo be kaman nɛ n naŋ shin nɛ asheŋ e naŋ nyalɛ nsaa nite nɛnɛ ashi kadegboŋ na to kachako n sa ma basa. Saŋɛ na so baaŋ baa wɔ kayurwushi to mbaanaayɔ.

Nɔmbɛs 12:13

Ndoŋ nna nɛ Mosis boŋ to awɔrso ŋ kaŋɛ le: “Enyɛnpe Ebɔrɛ, jande, chɛ Miriam!”

Matiu 14:30

Ama e ka naŋ wu kananɛ afu na bee ber na nɛ kufu pɛ mo nɛ e fara a muni. E ka wu loŋ nɛ e boŋ to ŋ kaŋɛ: “Enyɛnpe, mɔlga ma.”

Matiu 8:25

Ndoŋ nna nɛ bebɛsopo na ya tiŋi Yesu ŋ kaŋɛ mo: “Enyɛnpe, mɔlga anyi, anyee shin nɛ an mur nna na.”

Luuk 4:18

“Enyɛnpe be Kiyoyu nɛ e kɔ a sa basa kikɛ na wɔ ma so. E lara ma nna n nɛfa ma nɛ m bɔ baru lela na n sa betirpo, mo e shuŋi ma nɛ n ya bɔ kesɔnyige be baru n sa bumo nɛ b ki beko be anya nseŋ bɔ anishi be kebugi be baru n sa betanpo. E yɛ n sɔ bumo nɛ baa mɛaŋ na n yige.

Ditɛronɔmi 10:21

Men baa kpaŋ mo, ŋkpal manɛ so, mo e la menyi be Ebɔrɛ nɛ menyi alɛ gbagba wu asheŋgboŋ nɛ a bee mɔ kɔnɔ nɛ e wora kenishiso.

Ditɛronɔmi 32:39

N nawule kpeŋ e la Ebɔrɛ. Ebɔrɛ kikɛ maŋ naa wɔtɔ n ti ma so. Ma e naa shin nɛ luwu bee ba, ma koŋwule na e naa sa ŋkpa. Ma e naa bar doro, ma alɛ e naa chɛ edoro. Esa maaŋ tiŋ ŋ kuŋ kusɔ kama nɛ mee wora akpa.