Jɛremaya 17:10 - EBƆRƐ BE KAWƆL

¹⁰ Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Jɛremaya 17:10 Iomraidhean Croise

1 Bewura 8:39

fo yili esoso n nu bumo be kekule nseŋ ta bumo be alubi m paŋ bumo. Fo nawule e nyi dimɛdi be kagbene to. Shin nɛ ekama e nya mbe asheŋ woraso be kakɔka,

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

1 Kronikɛls 29:17

N nyi fo ka nyi ekama be kagbene. Ma nɛ ma basa nɛ b wɔ nfe ere kikɛ bugi ŋgbene kagbenefuliso nna m bar asɔ ere kikɛ m ba sa fo.

2 Kronikɛls 6:30

fo yili esoso n nu bumo be kekule nseŋ ta bumo be alubi m paŋ bumo. Fo nawule e nyi dimɛdi be kagbene to. Shin nɛ ekama e nya mbe asheŋ woraso be kakɔka,

Job be kawɔl 34:11

Ekama be kusɔ nɛ e wora nɛ Ebɔrɛ bee keni so, nsaa ka amodoŋwura kukɔ.

Nshɛ 44:21

fo daŋ beeŋ pin; ŋkpal manɛ so, fo nyi kagbene to be ashiri kikɛ.

Nshɛ 44:22

Ŋkpal fo so anyee luri luwu to nna saŋkikɛ. An du fanɛ mbolpɔ nɛ b gberge a yɔ nɛ b ya mɔ nna.

Nshɛ 62:12

nsaa kɔ kasha. Kashenteŋto malɛ nɛ feeŋ yili kusɔ kama nɛ esa wora so ŋ ka mo kumo be kukɔ.

Nshɛ 7:10

Fo, Ebɔrɛ e la ma ekumpo. Fo e naa kuŋ kagbene koŋwulewurana kikɛ.

Nshɛ 7:9

Fo la Ebɔrɛ nɛ e bee wora asheŋ nɛ a niŋi nna, a nyi esa be kagbene to nɛ mbe nfɛra to be asheŋ kikɛ. Shin nɛ alubiworapo e yige alubi be kebaawora, nseŋ kuŋ basa lela ashi alubi to.

Aŋasa 12:14

Feeŋ nya kusɔ kama nɛ fo wora ŋko ŋ kaŋɛ be tɔnɔ.

Aŋasa 17:3

Edɛ nɛ baa ta a wora shuwa nɛ gbiti a keni a pin amo be kela; ama Enyɛnpe Ebɔrɛ na e naa wora dimɛdi be kagbene a keni.

Kaŋinichiŋgeliŋ 9:3

Kulubi nɛ k wɔ asheŋ kama nɛ e bee wora durnya to na e la fanɛ, kelamba koŋwule e dese n sa ekama. Asheŋ lubi nɛ ebonsheŋ e baŋ bɔlɔ edimɛdi be ŋgbene nɛ nfɛra to; amo alɛ kikɛ be kaman baa wu a yɔ bubuni to nna.

Aizaaya 59:18

Enyɛnpe Ebɔrɛ na beeŋ gberge mo doŋana nɛ b wɔ kufɔ nɛ bumo nɛ b taga to kikɛ kusoe agbo so, ŋkpal kusɔ nɛ b wora mbe basa so.

Jɛremaya 11:20

Ndoŋ nna nɛ ŋ kule Ebɔrɛ ŋ kaŋɛ le: “Enyɛnpetale Ebɔrɛ, fo e naa ji asheŋ nɛ amo be ekpa so. Fo alɛ nyi basa be ŋgbene nɛ nfɛra kikɛ to. N ta demu ere nna a wɔtɔ fo enɔ to. Amoso ka basa ere kumo be kukɔ n sa ma.”

Jɛremaya 12:13

Ma basa daŋ dɔ n duu ayu, ama afitiri nɛ b teŋi. B daŋ shuŋ ŋ gben ga, ama bumo alɛ maŋ nya shɛŋ kumo to. Ŋkpal ŋ ka daŋ nya agbo ga so, bumo be adɔjibi daŋ maŋ wora n sa bumo.”

Jɛremaya 20:12

O Enyɛnpetale Ebɔrɛ, fo e naa wora basa niŋiso a keni nsaa pin kusɔ nɛ k wɔ bumo be ŋgbene nɛ nfɛra to. Amoso shin nɛ n wu fo kaa ka n doŋana kukɔ n tal to. Ŋkpal manɛ so, fo nɛ n ta ma asheŋ tirso m bɔɔ enɔ.

Jɛremaya 21:14

Meeŋ gberge menyi kusoe ŋkpal kusɔ nɛ menyee wora so. Meeŋ shin nɛ edɛ e ji menyi be ewurkpa nseŋ chɔɔ kusɔ kama nɛ k kulti kumo na m mur. Ma, Enyɛnpe Ebɔrɛ e kaŋɛ na.”

Jɛremaya 23:2

Kusɔ nɛ Enyɛnpe, Israɛl be Ebɔrɛ na bee kaŋɛ benimujipoana nɛ k daŋ daga fanɛ b baa keni mbe basa so na nde. E yɛ: “Menyi maaŋ keni ma basa so nɛnɛ. Men pesaŋ bumo to nseŋ ju bumo n lɛ to nna. To, meeŋ gberge menyi kusoe ŋkpal kusɔ lubi nɛ men wora ere so.

Jɛremaya 32:19

Fee kre asheŋ kanyiasheŋ so nna nsaa wora asheŋgboŋ. Fo alɛ bee wu kusɔ kama nɛ basa bee wora nsaa yili bumo be aworbi so a ka bumo kukɔ nna.

Ezikɛl 11:5

Kumo be kaman nɛ Enyɛnpe Ebɔrɛ na be Kiyoyu kaŋɛ ma fanɛ Enyɛnpe Ebɔrɛ na yɛ: “Israɛl be basa, n nyi kusɔ nɛ menyee kaŋɛ nɛ asheŋ nɛ menyee kre menyi be nfɛra to kikɛ.

Ezikɛl 14:5

Loŋ e naŋ shin nɛ Israɛl be basa nɛ b kini ma nseŋ ta bumo be ŋgbene n wɔtɔ kagbirshuŋ to na e kini agbirana na nseŋ bɛta m ba ma kutɔ.

Maika 7:13

Ama efuli pɔtɛana bre be nsawule beeŋ ki keshishɛrsawule ŋkpal bumo be basa be amukpakpaso so.

Matiu 16:27

Ma, Nyiŋgbasa Pibinyɛn beeŋ keta ma emalaika na nɛ n Tuto be kemaŋkura m ba nseŋ ba yili ekama be ashuŋ nɛ e wora so ŋ ka mo kukɔ.

Matiu 6:4

Loŋ e naaŋ shin nɛ fo kakɛ na e baa la wulo be kusɔ nɛ fo Tuto Ebɔrɛ nɛ e bee wu kusɔ nɛ basa bee wora wulo to na e chɔrɔ fo.”

Baru lela nɛ Jɔn kute na 2:25

E daa maŋ naa sha dimɛdi kikɛ ka chɛ mo to ŋ ŋini mo kananɛ basa du, ŋkpal manɛ so, e daa nyi kusɔ nɛ k wɔ dimɛdi to.

Ashuŋ Shunso 1:24

Nɛ b kule Ebɔrɛ ŋ kaŋɛ: “Enyɛnpe, fo nyi basa kikɛ be ŋgbene to, amoso, ŋini anyi basa anyɔ ere be emo nɛ feeŋ lara

Romebi 6:21

Men ka daa wora asheŋ nɛ amo be asheŋ bee pɛ menyi anishinyɔr ere, manɛ be tɔnɔ nɛ men daŋ nya amo to? Loŋ be asheŋ na be tɔnɔ e la luwu.

Romebi 8:27

Ebɔrɛ nɛ e bee wu basa be ŋgbene to na e nyi Kiyoyu na be nfɛra. Kiyoyu na malɛ e naa bɔla ekpa nɛ k bee par Ebɔrɛ so a kule mo a sa mbe basa.

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.

Kelaraŋŋini 20:12

Nɛ n wu bubuni, begboŋi nɛ bewurbi kikɛ nɛ b yil kuwurputi na akpa nɛ b bugi nwɔl. Amo be kaman nɛ b bugi kawɔl ko malɛ, kumo e la ŋkpa be kawɔl na. Nɛ b bɔla nwɔlana na to ŋ keni n wu asɔ nɛ ebuni kama daŋ wora n yili amo so n ji mo demu.

Kelaraŋŋini 22:12

E yɛ: “Keni nfe, m maaŋ naŋ chɛr nseŋ ba. Ma alɛ kɔ ma kakɔka nna a ba nɛ m ba yili kanaŋkama nɛ ekama shuŋ so ŋ ka mo.

1 Samuɛl 16:7

Ndoŋ nna nɛ Enyɛnpe Ebɔrɛ naŋ kaŋɛ mo le: “Sa maŋ keni mbe nteŋ ŋko mbe kayɛrbi. Mannɛ mo nɛ n lara, ŋkpal manɛ so ma ere maa keni asheŋ fanɛ kananɛ dimɛdi bee kini asheŋ na. Dimɛdi bre bee keni eyur so nna ama ma ere bee keni kagbene to nna.”