Jɛremaya 17:1 - EBƆRƐ BE KAWƆL

¹ Nɛ Enyɛnpe Ebɔrɛ na kaŋɛ: “Juda be basa, menyi be alubi maaŋ tiŋ ŋ kpra kikɛ; ŋkpal manɛ so, e sibɛ a deŋ menyi be ŋgbene so nna fanɛ b ka shɛl amo n deŋi kejembu so ŋko menyi be ebɔrɛsure be ekarso na nna.

Jɛremaya 17:1 Iomraidhean Croise

Aŋasa 3:3

Sa maŋ shin nɛ kebaayɛ a wora e baa barga fo kikɛ. Chɛ kumo n shɛga fo kubɔ to fanɛ kubɔtoshembi, n shin nɛ k bɔlɔ fo kagbene to a dii efuli ashi fo kebaawɔtɔ to.

Aŋasa 7:3

Baa kɔ asɔ nɛ ŋ ŋini fo na to saŋkikɛ, n shin nɛ a baa wɔ fo kagbene to.

Aizaaya 49:16

Jerusalɛm, m maaŋ teŋ fo so kikɛ! N sibɛ fo ketre nna n deŋi ma enɔ be epun to so, kumo alɛ maaŋ tiŋ ŋ kpra kikɛ. Fo asheŋ wɔ ma nfɛra to jemanɛ kikɛ nna.

Jɛremaya 11:13

Ŋkpal manɛ so, Juda be efuli so be kadegboŋ kikɛ to kɔ agbir nɛ Jerusalɛm to be kegbembi kikɛ ase kɔ kegbirsure nɛ baa lara esarga kumo so a sa kegbir nɛ baa tre Baal nɛ kumo be asheŋ bee nu agbo ga na.

Jɛremaya 2:22

Nɛ men ta kɔya lela m bɛr ŋ gbiti menyi be eyur so nɛnɛ gba, ŋ kraa beeŋ wu alubi nɛ a shin nɛ men wora n jija ma anishito na ashi menyi so.

Jɛremaya 31:33

Kɔnɔkoŋwule be ŋkre popɔr nɛ ma nɛ Israɛl be basa beeŋ wora na e la fanɛ, meeŋ ta ma mbra n wɔtɔ bumo be nfɛra to nseŋ sibɛ kumo n wɔtɔ bumo be ŋgbene to. Meeŋ baa la bumo be Ebɔrɛ nɛ bumo alɛ e baa la ma basa.

Jɛremaya 4:14

Jerusalɛm to ebi, men lara asheŋ lubi men be ŋgbene to nseŋ yige nfɛra lubi be kebaafɛ, saŋɛ na so menyi beeŋ nya kumɔlga.

Hoziya 12:11

Ade kikɛ be kaman nɛ b kraa shuŋ agbir ashi Giliad. Basa nɛ bumo alɛ bee shuŋ agbir na beeŋ wu. B ta egbolu n lara sarga ashi Gilgaal. Ndoŋ be ebɔrɛsure malɛ beeŋ bure to ŋ ki ajembu n deŋi abar so kululu ashi kupuŋ to.”

Hoziya 7:2

B maŋ nyi fanɛ meeŋ nyiŋi bumo be alubi nɛ baa wora na. Ma alɛ bee wu alubi nɛ a kulti bumo n wɔtɔ na kikɛ.

Hoziya 8:11

Menyi Israɛlebi pɔr ebɔrɛsure damta nna a lara alubi be esarga amo so, ama amo e ki kakpa nɛ menyee wora alubi ga.

Levitikɔs 4:25

Kumo be kaman nɛ bɔrɛmatapo na e suse ŋklaŋ na be eko n ta mbe keshilbi n nyɔ amo to ŋ gbiti bɔrɛsure na be mba ana na be nnɔso nseŋ chulgi amo nɛ a ka na n wurge bɔrɛsure na be kaseto.

Zakareya 7:12

nseŋ wora bumo be ŋgbene kpakpa fanɛ awarabi nsaa maa kaŋ asoe a nu mmalga nɛ ma, Enyɛnpetale Ebɔrɛ na be Kiyoyu bɔla anebi juŋkparsoana so n ta n sa bumo na ŋko a bɛ ma mbra so. Amoso n daŋ nya agbo nna ga n wɔtɔ bumo.

2 Kɔrintebi 3:3

Menyi alɛ gba bee ŋini fanɛ men la kawɔl nna n shi Kristo kutɔ a la anyi be kushuŋ ere be tɔnɔ. Mannɛ kleembi nɛ b ta n sibɛ amo, bumo alɛ maŋ sibɛ amo n deŋi ajembu so, ama Ebɔrɛ nɛ e wɔ ŋkpa to be Kiyoyu nɛ b ta n sibɛ amo dimɛdi be ŋgbene so.