Jɛremaya 16:7 - EBƆRƐ BE KAWƆL

⁷ Esa kikɛ malɛ maaŋ lolo mo barkasa nseŋ tu mo n ji ŋkpal mbe eshapo ko ka wu so. Hale esa mo nio ŋko mo tuto wu gba, ekama maaŋ tu mo n shu keeli.

Jɛremaya 16:7 Iomraidhean Croise

Job be kawɔl 42:11

Kumo be kaman nɛ Job wora kejigboŋ n sa mo niopibiana kikɛ nɛ mo teri draana kikɛ ashi mbe laŋ to. B daŋ ba wushi mo kagbene nseŋ lolo mo nna a laŋɛ etɔrɔ nɛ Enyɛnpe Ebɔrɛ na daŋ sa ekpa nɛ a ba mo so na kikɛ be kaplɛa so nna. Bumo be ekama daŋ sa mo amansherbi nɛ shuwa be kepinibi nna.

Kaŋinichiŋgeliŋ 4:1

Ade kikɛ be kaman nɛ n naŋ keni n wu fanɛ keji asheŋ nɛ amo be ekpa so maŋ naa wɔ durnya to. Basa nɛ b wɔ kamɛaŋ to na bee shu anishichubi nɛ esa kama maa chɛ bumo to, ŋkpal basa nɛ baa mɛaŋ bumo na ka kɔ eleŋ a chɔ bumo so.

Jɛremaya 22:10

Juda be basa men sa maŋ shu ŋkpal ewura Josaya ka wu so. Ama menyeeŋ tiŋ n shu ga ŋkpal mo pibinyɛn, ewura Jehowahaz nɛ b pɛ a yɔ efuli pɔtɛ wɔfɔ so nɛ e maaŋ naŋ bɛta m ba ŋko n wu kasawule nɛ b kurge mo kumo so na so.

Nfabel 1:9

Kumo to be asheŋ lubi na daŋ dii efuli nna, ama amo be asheŋ maŋ tir kumo be basa na. Jerusalɛm be kebure n tɔr na daŋ lubi ga. Esa kikɛ daa maŋ lolo kumo be basa na n ti bumo kagbene. Bedoŋ daŋ pɔɔ basa na so nna nɛ baa shu a kaŋɛ Enyɛnpe Ebɔrɛ na fanɛ e wu bumo kuwɔr.

Ezikɛl 24:17

Fo alɛ e sa maŋ shin nɛ esa e nu fo ka bee shuto gba. Sa maŋ kaŋ shɛŋi fo neemu fo kumu so ŋko n lara fo asɛbta nsaa na aya fuloŋ a ŋini fanɛ fee shu keeli nna. Fo alɛ e sa maŋ buu fo anishiakpa so ŋko n ji daŋkare be ajibi nɛ basa nɛ baa shu nli bee ji na.”

Hoziya 9:4

Men maaŋ naŋ nya nsa belbelso n lara sarga n sa Enyɛnpe Ebɔrɛ na. Men be esarga kikɛ maaŋ bɔlɔ mo kenishi. Ŋkpal manɛ so a beeŋ baa du nna fanɛ keelibuna be ajibi na. Akoŋ so nɛ menyeeŋ kpal n ji amo, ama men maaŋ ta ajibi na be kekama n ya lara sarga ashi Enyɛnpe Ebɔrɛ be lambu to.

Ditɛronɔmi 26:14

M maŋ ta amo be kekama n ji jemanɛ nɛ n daa wora keeli, ma alɛ daa maŋ lara amo be kekama kowu jemanɛ nɛ n daa maŋ walɛ so daŋkare be ekpa so gba na. Ade be kaman, m maŋ ta amo be kekama n nyina ebuni kikɛ. Ama kusɔ nɛ fo, Enyɛnpe Ebɔrɛ na kaŋɛ na gbagba nɛ n ta kudu kudusopo na n wora.