Jɛremaya 16:6 - EBƆRƐ BE KAWƆL

⁶ Betirpo nɛ damawuraana kikɛ beeŋ wu kasawule ere so, nɛ esa kikɛ maaŋ shu bumo be nli ŋko m puli bumo gba kuraa. Menyi to be ekama maaŋ ku mbe eyur ŋko n she mbe emin a ŋini fanɛ mbe kagbene jija mo ŋkpal esa ko ka wu so.

Jɛremaya 16:6 Iomraidhean Croise

2 Kronikɛls 36:17

Ŋkpal loŋ so Enyɛnpe Ebɔrɛ daŋ shin nna nɛ Babilɔn be ewura nɛ mbe benapo ba kɔ bumo kena, nseŋ mɔ Juda be mbrantiɛbia nɛ b wɔ bɔrɛlambu na to na. E daa maŋ wu esa kikɛ kuwɔr, nseŋ mɔ mbifɔlbi nɛ benimu nɛ benyɛn nɛ beche nɛ belɔpo nɛ alenfiawuraana kikɛ. Ebɔrɛ daŋ shin nna nɛ e mɔ basa kikɛ kade na to.

Aizaaya 22:12

Enyɛnpetale Ebɔrɛ na daŋ kaŋɛ menyi loŋ be kachɛ na fanɛ men baa shu anishichubi nsaa boŋ to awɔrso, nseŋ she menyi be amu m buu keeli be asɔbuuso.

Aizaaya 24:2

Kesheŋ koŋwule na e naaŋ tu bɔrɛmatapoana nɛ bumo be basa, nɛ anya nɛ bumo nyɛnpeana, nɛ basa nɛ baa tɔ nɛ bumo nɛ baa fa asɔ, nɛ basa nɛ baa paŋ asɔ nɛ bumo nɛ baa ta asɔ a paŋ basa, nɛ damawuraana nɛ betirpo kikɛ.

Jɛremaya 13:13

Kumo be kaman nɛ fo kaŋɛ bumo fanɛ ma, Enyɛnpe Ebɔrɛ na beeŋ shin nɛ basa nɛ b wɔ kasawule ere so kikɛ e nuu yabra m boo. Bewura nɛ b shi Ewura Deevid be kanaŋ to nɛ bɔrɛmatapoana nɛ anebiana nɛ Jerusalɛm to be basa kikɛ beeŋ nuu amo m boo.

Jɛremaya 16:4

Alɔ nɛ kena nɛ akoŋgboŋ beeŋ mɔ bumo, nɛ ekama maaŋ shu bumo be nli ŋko m puli bumo gba kuraa. Bumo be kebuniana beeŋ dese ŋ ki keji n sa mbuibi nɛ kupuŋ to be asɔbɔya.

Jɛremaya 41:5

benyɛn aduburwa ko daŋ shi nde nɛ baa tre Shɛkɛm nɛ Shilo nɛ Samɛria na nna m ba. B daa kɔ ayu nɛ eduwu be ŋkɛ nna a yɔ nɛ b ya sa Enyɛnpe Ebɔrɛ na bɔrɛlambu na to ashi Jerusalɛm. Bumo alɛ daŋ she bumo be ntɔl nna nseŋ kpɛa bumo be asɔbuuso to nseŋ naŋ ku ŋ ku bumo be eyurana, ŋkpal b ka daa shu keeli so.

Jɛremaya 47:5

Kebɔltofinfin damta tɔr basa nɛ b wɔ Gaaza na so, nɛ kɔnɔ mɔ basa nɛ b wɔ Ashkɛlɔn na, nɛ b wora shruum. Nchɛ afanɛ nɛ basa nɛ b wɔ Filisti be mboŋ nɛ a ka na beeŋ chena a wora fanɛ b ka bee shu keeli na?

Jɛremaya 48:37

Benyɛn na kikɛ daŋ she bumo be amu nɛ ntɔl nna nɛ basa na kikɛ ta asɔ ŋ kpɛa ŋ kpɛa bumo be enɔana nseŋ ta nli be asɔbuuso m buu.

Jɛremaya 7:29

Jerusalɛm be basa, men she men be amu so be emin, fanɛ basa nɛ baa shu nli na. Men baa boŋ nli to be nshɛ ashi abee be awɔlto; ŋkpal manɛ so, ma Enyɛnpe Ebɔrɛ na nya agbo nna nseŋ kini menyi nɛ men la ma basa na n lɛ.

Jɛremaya 8:2

Awibi na beeŋ baa dese nɛ epeŋi nɛ kufɔl nɛ achɛkpabi nɛ baa sha ga nseŋ ta amo ŋ ki agbir a shuŋ na kikɛ e baa nyaŋɛ a yuu amo so. Esa kama maaŋ gama amo abar so ŋko n laŋɛ amo m puli. E beeŋ baa dese kasawule fanɛ epi nna.

Levitikɔs 19:27

Men sa maa she men be ataya to be afuibi ŋko a digi men be ntɔl so.

Levitikɔs 19:28

Men sa maa wora ndulgi men be eyur so ŋko a ku nchule men be eyur so ŋkpal bubuni so. Ma e la Enyɛnpe Ebɔrɛ na.

Eemɔs 6:11

Enyɛnpe Ebɔrɛ na baŋ malga, elaŋgboŋana nɛ afimbiana kikɛ bee bure to nna kpachɛrkpachɛrbi.

Matiu 9:23

Kede be kaman nɛ Yesu yɔ Juwebi be enimu na pe n ya wu keeli na to be nlopifompoana na nɛ kebagato nɛ k daa wɔ basa na to na nseŋ ponte bumo so ŋ kaŋɛ:

Ditɛronɔmi 14:1

Israɛlebi, menyi ere la Enyɛnpe Ebɔrɛ na be basa nna. Amoso, nɛ menyee shu nli men sa maa ku menyi be eyurana ŋko a she menyi be nsɔto be emin fanɛ kananɛ basa pɔtɛ bee wora na.

Kelaraŋŋini 20:12

Nɛ n wu bubuni, begboŋi nɛ bewurbi kikɛ nɛ b yil kuwurputi na akpa nɛ b bugi nwɔl. Amo be kaman nɛ b bugi kawɔl ko malɛ, kumo e la ŋkpa be kawɔl na. Nɛ b bɔla nwɔlana na to ŋ keni n wu asɔ nɛ ebuni kama daŋ wora n yili amo so n ji mo demu.

Kelaraŋŋini 6:15

Ndoŋ nna nɛ kasawule so be bewurgboŋ nɛ bumo nɛ baa ji kuwura beko so nɛ esoji be benimu nɛ damawuraana nɛ belempo nɛ basa kikɛ, anya nɛ bumo nɛ b wɔ bumo be amu kikɛ ŋana abeelaŋana nɛ abee be afaltagboŋana to.