Jɛremaya 16:5 - EBƆRƐ BE KAWƆL

⁵ Nɛ esa baŋ wu, sa maŋ kaŋ yɔ keelibuna na n ya chɔrɔ kanaŋ na ŋko a wora kuwɔr be asheŋ. M maaŋ naŋ sha ŋko n nɛfa ŋko n wu Juda be basa kuwɔr kikɛ.

Jɛremaya 16:5 Iomraidhean Croise

Nshɛ 25:6

N nyɛnpe, nyiŋi fo kuwɔrwu nɛ fo kasha nɛ k maa loge, nsaa wɔtɔ dra dra na kikɛ na.

Aizaaya 27:11

Kumo to be ndibi be ayabi bee wɔl nna a buri a tɔr nɛ beche bee kil amo a puga edɛ. Ŋkpal basa na ka maŋ pin asheŋ to na so, Ebɔrɛ nɛ e to bumo na maaŋ wu bumo kuwɔr ŋko n shu bumo so.

Jɛremaya 12:12

Benapo damta nɛ b shi keshishɛrsawule so nɛ abeesawule so e ba kɔ m mur kasawule na so be kusɔ kama. Ma e sa ekpa fanɛ b ta kena m ba mur kasawule na so be kusɔ kikɛ nɛ esa kikɛ maŋ ji efute kena na to.

Jɛremaya 13:14

Kumo be kaman nɛ n ta bumo ŋ ŋmɛa abar fanɛ mpuya nɛ b bure. M maaŋ wu basakpar ŋko mbifɔlbi kikɛ kuwɔr. Bumo kikɛ beeŋ wu m mur. Ma, Enyɛnpe Ebɔrɛ e kaŋɛ na.”

Jɛremaya 16:13

Ŋkpal loŋ so meeŋ lara menyi ashi kasawule ere so nseŋ kpa menyi n lɛ kasawule nɛ menyi ŋko men nananyɛnana maŋ nyi so, nɛ kapa nɛ kanyɛ men ya kaa shuŋ agbir ndoŋ. Ma alɛ maaŋ wu menyi kuwɔr.’ ”

Nfabel 3:17

M maaŋ naŋ tiŋ n nyiŋi asɔ nɛ e la alenfia nɛ kayurwushi nɛ kagbenefuli gba.

Zakareya 8:10

Pɔɛŋ nɛ b pɔr bɔrɛlambu na nɛ esa kikɛ daa maa kɔ amansherbi nɛ e tiŋ m ber basa paa ŋko n haya asɔbɔya nɛ b shuŋ n sa mo. Esa kama malɛ daa maa tiŋ a kuŋ mbe kumu ashi mo doŋana be enɔ to. N daŋ shin nna nɛ basa fɛaŋ abar so a wɔtɔ nna.

Ditɛronɔmi 31:17

Nɛ b kaŋ wora loŋ malɛ, meeŋ nya agbo ga n wora bumo nseŋ kplaŋ bumo so nɛ b mur. Kumu lubi gboŋgboŋi beeŋ ba bumo so nɛ b pin fanɛ asheŋ ere kikɛ bee wora nna ŋkpal ma, bumo be Ebɔrɛ na, ka maŋ naa wɔ bumo kutɔ so.

Kelaraŋŋini 6:4

Ndoŋ nna nɛ gbaŋɛ ko malɛ naŋ lar m ba m pere le kpaw. B daŋ sa kumo be ediipo eleŋ nna fanɛ e lara kagbenewushi ashi kasawule so nɛ basa e baa mɔ abar. B daŋ ta tokobi gboŋgboŋi ko nna n sa mo.