Jɛremaya 16:4 - EBƆRƐ BE KAWƆL

⁴ Alɔ nɛ kena nɛ akoŋgboŋ beeŋ mɔ bumo, nɛ ekama maaŋ shu bumo be nli ŋko m puli bumo gba kuraa. Bumo be kebuniana beeŋ dese ŋ ki keji n sa mbuibi nɛ kupuŋ to be asɔbɔya.

Jɛremaya 16:4 Iomraidhean Croise

2 Bewura 9:10

B maaŋ puli Jɛzebel, njɔnɔ e naaŋ we mbe kebuni ashi Jizreel be kade to.” Anebifɔlbi na ka malga n loge, nɛ e lar ebu na to n shile n yɔ.

Nshɛ 78:64

Bɔrɛmatapoana na daŋ wu luwu nyaŋgraŋ nna, bumo be bekulpoche maŋ nya n shu bumo be nli gba.

Nshɛ 83:10

Kakpa nɛ baa tre Ɛndɔ na nɛ fo daŋ mur bumo; bumo be kebuni daŋ dese kasawule so nna m bɛ.

Aizaaya 18:6

Itiopia be esoji na beeŋ ki keji n sa kebee so be ejita kechali so nsaa ki keji n sa kupuŋ to be asɔbɔya malɛ ketarso.”

Aizaaya 5:25

Enyɛnpe Ebɔrɛ na nya agbo ga nna n wɔtɔ mbe basa nsaa shin nɛ e gberge bumo kusoe kenishipereso. Abee beeŋ gbuŋgbuŋ nɛ basa e wu n dese agbembiana so fanɛ epi na. Ama amo nɛ amo kikɛ Enyɛnpe Ebɔrɛ na be agbo kraa maaŋ wushi. E kraa beeŋ baa sha kegberge menyi kusoe n ti so.

Jɛremaya 19:7

Juda be efuli so nɛ Jerusalɛm to be basa beeŋ tiŋ a kɔ ŋkre gboŋ, ama meeŋ shin nɛ e to jiga ashi ketaŋɛ ere to. Meeŋ shin nɛ bumo doŋana e ba kɔ bumo kena m pɔɔ bumo so nseŋ mɔ bumo n lɛ nɛ mbuibi nɛ kupuŋ to be asɔbɔya e ji bumo.

Jɛremaya 21:6

nseŋ shin nɛ alɔ lubi e mɔ edimɛdi nɛ asɔbɔya kikɛ ashi kadegboŋ na to.

Jɛremaya 25:33

Kachɛ na kaŋ fo, basa damta nɛ Enyɛnpe Ebɔrɛ na beeŋ shin nɛ b wu na be kebuniana beeŋ dese durnya be kaplɛkama fanɛ epi. Esa kikɛ maaŋ puli ŋko n shu bumo be nli.

Jɛremaya 34:17

Amoso nɛ ma Enyɛnpe Ebɔrɛ na kaŋɛ fanɛ menyi maŋ wora ma kasonu na. Menyi maŋ sa Israɛlebi na kikɛ ekpa nɛ b nya bumo be amu. To, ma ere beeŋ sa ekpa nɛ men wu kena to ŋko n lɔ n wu ŋko nɛ akoŋ a mɔ menyi. Ma n alɛ beeŋ shin nɛ menyi be asheŋ e baa keta durnya to be efuliana so be basa kejijɛ ŋkpal kusɔ nɛ meeŋ wora menyi na so.

Jɛremaya 34:20

Meeŋ shin nɛ men doŋana e mɔ bumo nɛ bumo be kebuniana e ki kusɔ jiso n sa mbuibi nɛ kupuŋ to be asɔbɔya.

Jɛremaya 36:30

To, naniere ma Enyɛnpe Ebɔrɛ na bee kaŋɛ fo, Ewura Jehowakim nna fanɛ fo kaman to ebi be esa kikɛ maaŋ naŋ chena men nananyɛn, ewura Deevid be kuwurputi so n ji kuwura. Baaŋ ta fo kebuni n lɛ kakpa nɛ k beeŋ dese nɛ epeŋi a ŋmɛa kumo kapaso nɛ bunyaŋ wushiso malɛ e tɔr kumo so kanyɛso.

Jɛremaya 44:12

Juda be basa nɛ b ka efuli na so ndoŋ nseŋ yili kumo bumo be ŋgbene to fanɛ baaŋ yɔ Ijipt be efuli so na bre, meeŋ shin nɛ bumo kikɛ e mur. Bumo to be benimu nɛ mbia kikɛ beeŋ wu ashi Ijipt ashi kena to ŋko akoŋ beeŋ mɔ bumo. Bumo be asheŋ beeŋ baa chinchiŋ basa nɛ b baa wora bumo eyurto nsaa ta bumo be ketre a sho basa kɔnɔ.

Jɛremaya 44:27

Meeŋ shin nɛ menyi maaŋ nyalɛ kikɛ! Menyeeŋ mur. Menyi be galeŋga beeŋ wu kena to ŋko alɔ beeŋ mɔ menyi n ya fo fanɛ menyi to be esa koŋwule gba maaŋ ka.

Jɛremaya 7:33

Edimɛdi be kebuni beeŋ ki ajibi n sa mbuibi nɛ kupuŋ to be asɔbɔya lubi, nɛ esa kikɛ maaŋ baa wɔtɔ nɛ e baa ju amo.

Jɛremaya 9:22

Enyɛnpe Ebɔrɛ na teŋ kaŋɛ anyi fanɛ bubuni beeŋ dese kasawule na be kaplɛkama fanɛ b ka ŋele ayu n nase a jo keteŋi, ŋko fanɛ epi ka dese n sɔ kaplɛkama na.”

Nfabel 4:9

Bumo nɛ b daŋ wu kena to na bɔ bumo nɛ akoŋ mɔ na. Ŋkpal b ka maŋ nya ajibi nɛ b ji so, akoŋ shin nɛ b ji awurfoŋ nna hale n ya wu.

Ezikɛl 24:21

ŋ kaŋɛ menyi, Israɛl be basa kubɔya ere fanɛ menyee puchi bɔrɛlambu na be eleŋ so na nna. Menyi alɛ nseŋ naa sha kebaa wu kumo nsaa yɔ kumo to, ama Enyɛnpe Ebɔrɛ na bee shin nɛ e jija kumo nna nɛ k maaŋ naaŋ daga keshuŋ Ebɔrɛ kumo to. Menyi be mbia nɛ b wɔ Jerusalɛm to naniere na malɛ beeŋ wu kena to.

Ezikɛl 5:12

Menyi to be ntuŋ asa to be katuŋ koŋwule beeŋ wu ŋkpal alɔ nɛ akoŋ so ashi Jerusalɛm to, nɛ katuŋ nyɔsopo e wu kena to. Katuŋ sasopo malɛ beeŋ pesaŋ to n sɔ kaplɛkama a shile nɛ n ta tokobi m bɛ bumo so a mɔ.

Zefanaiya 1:17

Ade kikɛ be kaman, nɛ Enyɛnpe Ebɔrɛ na naŋ kaŋɛ le: “Meeŋ ta kafɔŋ damta n lɛ enyiŋgbasa so nɛ b baa nite a laa a laa fanɛ etanpo na. B wora alubi n da ma so, naniere bumo be ŋklaŋ beeŋ wurge fanɛ nchu na nɛ bumo be kebuni e dese kasawule m bɛ.”

Ditɛronɔmi 28:22

E beeŋ shin nɛ alɔ nɛ a bee suse nɛ asɔ puŋiso nɛ kayurbeldɛ e tɔr menyi so. Kumo be kaman, e beeŋ shin nɛ ewule nɛ afu tushiso a ba mur menyi be adɔjibi kikɛ. Le be aleblawu ere beeŋ baa wɔ menyi so hale n ya fo fanɛ men kikɛ ka beeŋ wu m mur.

Ditɛronɔmi 28:26

Men kaŋ wu a dese, mbuibi nɛ kupuŋ to be asɔbɔya e naaŋ ji menyi nɛ esa kikɛ maaŋ baa wɔtɔ nɛ e ju bumo.