Jɛremaya 16:3 - EBƆRƐ BE KAWƆL

³ Meeŋ kaŋɛ fo kusɔ nɛ k beeŋ wora mbia nɛ bumo nioana nɛ bumo betutoana kurge nfe.

Jɛremaya 16:3 Iomraidhean Croise

Jɛremaya 15:8

Juda be kasawule so be bekulpoche beeŋ ba kaa chɔ teku ase be eshishɛr gba. Meeŋ shin nɛ menyi be mbrantiɛfɔlbi e wu nɛ bumo nioana e ji awurfoŋ. Meeŋ shin nɛ kagbenejija nɛ kufugboŋ e tɔr bumo so epul to.

Jɛremaya 16:2

“Sa maŋ ta eche ŋ kurge mbia ashi kakpa ere.

Jɛremaya 16:5

Nɛ esa baŋ wu, sa maŋ kaŋ yɔ keelibuna na n ya chɔrɔ kanaŋ na ŋko a wora kuwɔr be asheŋ. M maaŋ naŋ sha ŋko n nɛfa ŋko n wu Juda be basa kuwɔr kikɛ.

Jɛremaya 16:9

Kaŋ kusoe n nu kusɔ nɛ ma, Enyɛnpetale, Israɛl be Ebɔrɛ na kɔ nɛ ŋ kaŋɛ nseŋ kpele Juda be basa kusoe fanɛ meeŋ shin nɛ kagbenewushi nɛ kagbenefuli be nshɛ nɛ kejafɔ to be awɔr nɛ baa kaa chɛ na e fo ekar.

Jɛremaya 6:21

Ŋkpal loŋ so, ma Enyɛnpe Ebɔrɛ na beeŋ shin nɛ basa ere e fiti n tɔr. Betuto nɛ benio nɛ bumo be bibi nɛ beteriana nɛ bechenashapoana kikɛ beeŋ wu ashi asheŋ nɛ e beeŋ ba bumo so na to.”

Ezikɛl 24:21

ŋ kaŋɛ menyi, Israɛl be basa kubɔya ere fanɛ menyee puchi bɔrɛlambu na be eleŋ so na nna. Menyi alɛ nseŋ naa sha kebaa wu kumo nsaa yɔ kumo to, ama Enyɛnpe Ebɔrɛ na bee shin nɛ e jija kumo nna nɛ k maaŋ naaŋ daga keshuŋ Ebɔrɛ kumo to. Menyi be mbia nɛ b wɔ Jerusalɛm to naniere na malɛ beeŋ wu kena to.