Jɛremaya 16:17 - EBƆRƐ BE KAWƆL

¹⁷ Mee wu kusɔ kama nɛ baa wora nɛ shɛŋ maŋ ŋana ma so. Bumo be alubi maa baŋ ma kenishi so.

Jɛremaya 16:17 Iomraidhean Croise

2 Kronikɛls 16:9

Enyɛnpe Ebɔrɛ na nyi kusɔ nɛ durnya to ebi kikɛ bee wora, nsaa sa bekama nɛ b kɔ kasonu a sa mo na eleŋ. Ama ŋkpal fo ka wora kawulisheŋ so, yili kabre a yɔ, feeŋ baa kɔ kena nna saŋkama.”

Job be kawɔl 10:14

Kumo e la fanɛ, fee keni nna a fin ma kulubi, saŋɛ na so nɛ fo gberge ma kusoe ŋkpal kumo so.

Job be kawɔl 31:4

Mo alɛ nyi kusɔ kama nɛ mee wora, nsaa wu keya kama nɛ mee tia.

Nshɛ 109:15

Enyɛnpetale Ebɔrɛ na e baa nyiŋi mbe kanaŋ kikɛ be alubi; nsaa maŋ naŋ shin nɛ esa kikɛ e nyiŋi bumo be asheŋ kikɛ kuraa!

Nshɛ 139:3

Fee wu kusɔ kama nɛ mee wora, ŋko kaplɛkama nɛ mee yɔ nna.

Nshɛ 33:15

Mo e sa bumo nfɛra nɛ baa fɛ asheŋ. Amoso e nyi kusɔ kama nɛ baa fɛ.

Nshɛ 51:9

Kplaŋ ma alubi so nseŋ da m buu ma kewora n da so so.

Nshɛ 90:8

Fo alɛ nyi anyi be alubi kikɛ be asheŋ; hale amo nɛ an ŋana n wora ashiri to gba.

Aŋasa 15:3

Enyɛnpe Ebɔrɛ be anishi wɔ kaplɛkama nna, a wu kusɔ nɛ basa lubi nɛ belela kikɛ bee wora.

Aŋasa 5:21

Enyɛnpe Ebɔrɛ na bee wu kusɔ kama nɛ fee wora. Kaplɛkama nɛ fee yɔ e bee wu fo.

Aizaaya 29:15

Asheŋ maaŋ nyalɛ n sa bekama nɛ baa ta bumo be ŋkre a ŋana Enyɛnpe Ebɔrɛ na so na! Baa wora asheŋ ŋgbalanto nna a fɛ fanɛ esa kikɛ maaŋ wu bumo ŋko m pin kusɔ nɛ baa wora na.

Aizaaya 66:18

N nyi asɔ nɛ menyee fɛ nsaa wora kikɛ! Naniere jemanɛ fo nɛ ŋ gama efuli pɔtɛana na be basa nɛ bumo nɛ baa gbar ŋgbar pɔtɛ na abar so nɛ b ba wu ma kemaŋkura,

Jɛremaya 2:22

Nɛ men ta kɔya lela m bɛr ŋ gbiti menyi be eyur so nɛnɛ gba, ŋ kraa beeŋ wu alubi nɛ a shin nɛ men wora n jija ma anishito na ashi menyi so.

Jɛremaya 23:24

Kaplɛkama maŋ wɔtɔ nɛ esa e ŋana ndoŋ nɛ m maaŋ wu mo. Ŋkpal manɛ so, n wɔ ebɔrɛso nɛ kasawule so be kaplɛkama nna.

Jɛremaya 32:19

Fee kre asheŋ kanyiasheŋ so nna nsaa wora asheŋgboŋ. Fo alɛ bee wu kusɔ kama nɛ basa bee wora nsaa yili bumo be aworbi so a ka bumo kukɔ nna.

Jɛremaya 7:11

Menyee tama fanɛ ma bɔrɛlambu la beyu be eŋanakpa nna a? Mee wu kusɔ nɛ menyee wora na kikɛ.

Ezikɛl 8:12

Ndoŋ nna nɛ Ebɔrɛ kaŋɛ ma le: “Dimɛdi pibi, fo wu kusɔ nɛ Israɛl be benimuana ere bee wora ashiri to nna na, ŋko? Bumo be ekama yil mbe kegbir ase nna na. B yɛ: ‘Enyɛnpe Ebɔrɛ na maa wu anyi. Mo alɛ naŋ lar efuli na kaman nna.’ ”

Ezikɛl 9:9

Nɛ Ebɔrɛ kaŋɛ ma le: “Israɛl nɛ Juda be basa be kulubi na shi m baŋ so. Basa be kemɔ e sɔ kasawule na kikɛ so nɛ ekishisheŋ malɛ sɔ Jerusalɛm be kade to kikɛ. Baa kaŋɛ nna fanɛ, ma, Enyɛnpe Ebɔrɛ na kplaŋ efuli na so nna; ma alɛ maa wu asheŋ nɛ baa wora na.

Zefanaiya 1:12

Kumo be jemanɛ so, meeŋ chɔɔ fitila so n nite ŋ keni Jerusalɛm to n fin bekama nɛ asheŋ maŋ tir bumo nɛ baa kaŋɛ fanɛ Enyɛnpe Ebɔrɛ na maaŋ wora kulubi ŋko kelela na, nseŋ gberge bumo kusoe.

Zakareya 4:10

Bekama nɛ b keni kananɛ asheŋ fara gbrɛ gbrɛbi kabre ere jiga na kaŋ wu kejembu nɛ kumo be asheŋ tir ga ere ka bɔɔ Zerubabel enɔ na, baaŋ ji eyur kagbenefuliso Kumo be kaman nɛ malaika na naŋ kaŋɛ ma le: Efitilatɔl ashunu na e la Enyɛnpe Ebɔrɛ be anishi ashunu nɛ a bee keni a wu kusɔ kikɛ durnya ere kikɛ to na.”

1 Kɔrintebi 4:5

Amoso, a maŋ daga fanɛ men baa wu abar kulubi a ji abar demu pɔɛŋ nɛ demuji be kachɛ e fo. Kumo e la saŋɛ nɛ Enyɛnpe beeŋ naŋ bɛta m ba na. Mo e naaŋ shin nɛ kusɔ kikɛ nɛ k daŋ ŋana tentembiri to e lar efuli nseŋ lara nfɛra fɛso nɛ a ŋana a wɔ basa be ŋgbene to kikɛ efuli. Kumo be saŋɛ na malɛ nɛ ekama beeŋ nya mbe kechɔrɔ ashi Ebɔrɛ kutɔ.

Hibruwebi 4:13

Kusɔ toso kikɛ maŋ wɔtɔ a ŋana Ebɔrɛ so. Kusɔ kikɛ nyam dii efuli nna n dese mbe anishito, mo alɛ nɛ anyi kikɛ beeŋ yili mbe anishito ŋ kaŋɛ mo ashuŋ nɛ an wora kikɛ nɛ kusɔ nɛ k ba nɛ an wora amo.