Jɛremaya 16:11 - EBƆRƐ BE KAWƆL

¹¹ Saŋɛ na so feeŋ kaŋɛ bumo fanɛ Enyɛnpe Ebɔrɛ na kaŋɛ. E yɛ: ‘Men nananyɛnana daŋ lar ma kaman nna nseŋ ya kaa shuŋ nsaa bunyaŋ agbir pɔtɛana. B daŋ kini ma n lɛ nsaa maŋ naa bɛ ma mbraana so. Bumo alɛ daa maŋ naa wora ma keŋini kasonu.

Jɛremaya 16:11 Iomraidhean Croise

1 Bewura 9:9

Nɛ basa e kaŋɛ le: ‘Ŋkpal b ka kini Enyɛnpe bumo be Ebɔrɛ nɛ e lara bumo nanaana ashi Ijipt be kasawule so na, nseŋ ya kaa bunyaŋ efuli pɔtɛana so be agbir so nɛ Enyɛnpe Ebɔrɛ shin nɛ le be asheŋ ere ba bumo so na.’ ”

2 Kronikɛls 7:22

Nɛ basa e kaŋɛ bumo le: ‘Ŋkpal b ka kplaŋ Enyɛnpe bumo tutoana be ebɔrɛ nɛ e lara bumo ashi Ijipt be efuli so na so nseŋ ya kaa shuŋ agbir pɔtɛana so nɛ e shin nɛ le be aleblawu ba bumo so na.’ ”

Jɛremaya 13:22

Fo kaŋ bishi fo kumu fanɛ manɛ e ba nɛ b delge ma so nseŋ pur ma ere? Feeŋ pin fanɛ fo asheŋ lubi so nɛ loŋ wora.

Jɛremaya 2:8

Bɔrɛmatapoana na malɛ maŋ tiŋ m bishi: ‘Nnɛ nɛ Enyɛnpe Ebɔrɛ na wɔ?’ Ŋ gbagba be bɔrɛmatapoana nɛ baa ŋini ma mbraana maŋ nyi ma. Bejuŋkparpoana na kini ma nseŋ lar ma kaman; nɛ anebiana na malɛ bɔla Baal be kegbir be ketre so m malga nseŋ shuŋ agbirana nɛ e maŋ kɔ tɔnɔ n sa bumo.

Jɛremaya 22:9

Ndoŋ nna nɛ beko e kaŋɛ fanɛ ŋkpal men ka kplaŋ ma nɛ menyi be kɔnɔkoŋwule be ŋkre so nseŋ ya kaa shuŋ nsaa bunyaŋ agbir pɔtɛana so nɛ m mur kumo.”

Jɛremaya 44:3

ŋkpal manɛ so, bumo be basa daŋ wora asheŋ lubi nna n shin nɛ n nya agbo. B daa lara esarga nna a sa agbir nseŋ shuŋ agbirana nɛ bumo gbagba ŋko bumo nananyɛnana maŋ naŋ shuŋ ŋ ku so.

Jɛremaya 8:2

Awibi na beeŋ baa dese nɛ epeŋi nɛ kufɔl nɛ achɛkpabi nɛ baa sha ga nseŋ ta amo ŋ ki agbir a shuŋ na kikɛ e baa nyaŋɛ a yuu amo so. Esa kama maaŋ gama amo abar so ŋko n laŋɛ amo m puli. E beeŋ baa dese kasawule fanɛ epi nna.

Jɛremaya 9:14

Ama b wora bumo be ŋgbene kpakpa nna nseŋ daŋ shuŋ agbirana nɛ baa tre Baal na fanɛ kananɛ bumo nanaana ŋini bumo na.

Nfabel 5:7

An nananyɛnana e daŋ wora alubi, bumo alɛ maŋ naa wɔtɔ naniere. Anyi e wɔtɔ a ji bumo be alubi na be awurfoŋ.

Ezikɛl 11:21

Ama meeŋ gberge bekama nɛ bumo be ŋgbene kraa wɔ bumo be agbirana nɛ ŋ kishi nɛ a la ekishisheŋ n sa ma na kusoe ŋkpal bumo be asheŋ lubi so. Ma, Enyɛnpetale Ebɔrɛ e kaŋɛ na.”

Eemɔs 2:4

Enyɛnpe Ebɔrɛ yɛ: “Juda be basa wora alubi n ya baŋ so, amoso abaanaaworashɛŋ meeŋ gberge bumo kusoe. B kplaŋ ma keŋini so nseŋ kini kebɛ ma mbra malɛ so. Agbir koŋwule nɛ bumo nananyɛnana daa shuŋ na e fule bumo nɛ b foe ekpa.

Malakai 3:7

Men nananyɛnana be jemanɛ so kikɛ nɛ men kplaŋ ma mbra so hale kabre. Men bɛta m ba ŋ kutɔ nɛ ma alɛ gba e bɛta m ba menyi kutɔ. Ama kusɔ nɛ menyee bishi e la fanɛ, ‘Nuso nɛ anyeeŋ wora m ba fo kutɔ?’

1 Pita 4:3

Naniere bre a daga fanɛ men ka pin fanɛ asɔ nɛ nnyamase bee sha kewora nɛ menyi alɛ gba daa wora amo na be kewora kukwe. Asɔ nɛ men daa wora saŋɛ na e daa la kusɔjigaya be aworbi nɛ kesakalea be kayɛlga be aworbi nɛ kasanuu nɛ keshɛr abar n ji nseŋ boo ana be kebaawɔtɔ nɛ kushuŋ jiga fanɛ kagbirshuŋ be aworbi.

Demujipoana 2:11

Ndoŋ nna nɛ Israɛlebi na ya kaa shuŋ agbir nɛ baa tre Baal nseŋ wora n da Enyɛnpe Ebɔrɛ na so.