Jɛremaya 16:10 - EBƆRƐ BE KAWƆL

¹⁰ Fo kaŋ kaŋɛ bumo ade kikɛ, baaŋ bishi fo fanɛ manɛ so nɛ mee sha kegberge bumo kusoe ga loŋ? Bumo alɛ beeŋ naŋ bishi kusɔ nɛ b wora n jija nɛ kulubi nɛ b wora n da Enyɛnpe bumo be Ebɔrɛ na so.

Jɛremaya 16:10 Iomraidhean Croise

Jɛremaya 11:17

Ma, Enyɛnpetale Ebɔrɛ na e duu Israɛl nɛ Juda be basa fanɛ kedibi, ama naniere meeŋ shin nɛ kemur gboŋgboŋi e ba bumo so. Bumo gbagba e bar kumo be loŋ ŋkpal b ka wora kulubi so. B lara esarga nna n sa kegbir nɛ baa tre Baal na n shin nɛ ma kagbene kaa bumo so.”

Jɛremaya 13:22

Fo kaŋ bishi fo kumu fanɛ manɛ e ba nɛ b delge ma so nseŋ pur ma ere? Feeŋ pin fanɛ fo asheŋ lubi so nɛ loŋ wora.

Jɛremaya 2:23

Menyee chɛ fanɛ men maŋ wora alubi, a kaŋɛ menyi maŋ kɔ eyurpi menyi so. Menyi alɛ maŋ shuŋ kegbir nɛ baa tre Baal na. Ama men laŋɛ menyi be nfɛra n yɔ asɔ nɛ men wora ashi Hinnɔm be Ketaŋɛ to na be asheŋ. Men daa shile a kulti nna a shuŋ agbir fanɛ enyɔma fɔlbi nɛ e tuge afɔl so na.

Jɛremaya 2:35

a le nɛ menyee kaŋɛ: ‘Anyi maŋ wora kulubi kikɛ. Enyɛnpe Ebɔrɛ na malɛ maŋ nya agbo n wɔtɔ anyi.’ Amoso meeŋ gberge menyi kusoe ŋkpal men ka chɛ fanɛ menyi maŋ wora kulubi so.

Jɛremaya 44:3

ŋkpal manɛ so, bumo be basa daŋ wora asheŋ lubi nna n shin nɛ n nya agbo. B daa lara esarga nna a sa agbir nseŋ shuŋ agbirana nɛ bumo gbagba ŋko bumo nananyɛnana maŋ naŋ shuŋ ŋ ku so.

Jɛremaya 5:19

Basa nɛ baaŋ ji efute kaŋ bishi le: ‘Manɛ nna nɛ Enyɛnpe, anyi be Ebɔrɛ na shin nɛ le be asheŋ lubi ere tu anyi?’ Nɛ fo kaŋɛ bumo fanɛ kananɛ b kini ma nseŋ shuŋ efuli pɔtɛana so be agbirana ashi bumo gbagba be kasawule so na, aloŋ nɛ baaŋ ya shuŋ basa pɔtɛ ashi efuli pɔtɛ so.”

Jɛremaya 9:11

Kumo be kaman nɛ Enyɛnpe Ebɔrɛ na kaŋɛ le: “Meeŋ shin nɛ Jerusalɛm e ki kelambure a dese, a la kakpa nɛ ejiŋkaamu beeŋ baa wɔ; nɛ Juda be efuli so be ndegboŋ e ki keshishɛrsawule, a la kakpa nɛ esa kama maaŋ naa wɔ.”

Hoziya 12:8

Men yɛ: ‘Damawuraana e la anyi nɛ an kɔ amansherbi nɛnɛ. Esa kama malɛ maaŋ tiŋ ŋ kaŋɛ anyi fanɛ an puni nna ŋ ki damawuraana.’