Jɛremaya 15:7 - EBƆRƐ BE KAWƆL

⁷ Meeŋ chela menyi to fanɛ ayu ashi efuli na so be kade kama to. Meeŋ ta kagbenejija nɛ luwu ŋ gberge menyi kusoe, ŋkpal men ka maŋ yige alubi lubi be kewora so.

Jɛremaya 15:7 Iomraidhean Croise

Nshɛ 1:4

Ama mannɛ loŋ nɛ k du n sa alubiworapoana bre. Bumo ere du fanɛ asɔ be afɔfɔ nɛ afu bee foŋ n ya kaa lɛ nna.

Aizaaya 41:16

Kumo be kaman nɛ men ta amo n lɛ afu to nɛ afu na e sulɔ amo n ya lɛ. Afugboŋ beeŋ pesaŋ amo to n sɔ kaplɛkama. Saŋɛ na so menyi be ŋgbene beeŋ fuli menyi ŋkpal ŋ ka la men be Ebɔrɛ so. Kede be kaman nɛ men kpaŋ ma nɛ n la Israɛl be Ebɔrɛ cheembi na.

Aizaaya 9:12

Enyɛnpe Ebɔrɛ na daŋ shin nna nɛ Siriya be benapo shi epeŋilarkpa nɛ Filisti be benapo malɛ shi epeŋitɔrkpa m bela ase m ba kɔ Israɛl be basa kena m mur bumo. Ama amo nɛ amo kikɛ Enyɛnpe Ebɔrɛ na be agbo kra maŋ wushi. E kraa shin nɛ e gberge bumo kusoe nna n ti so.

Aizaaya 9:13

Enyɛnpetale Ebɔrɛ be kasogberge nɛ e sa Israɛl be basa na be kaman, b kra maŋ tuba m bɛta m ba mo kutɔ.

Jɛremaya 18:21

Ama naniere, Enyɛnpe Ebɔrɛ, shin nɛ akoŋ a mɔ bumo be mbia ŋko shin nɛ b wu kena to. Kumo e la fanɛ fo shin nɛ benyɛn na e lɔ n wu nɛ mbrantiafɔlbi na malɛ e wu kena to, saŋɛ na so beche na beeŋ paŋ bumo kulana nɛ bumo be mbia.

Jɛremaya 5:3

Kashenteŋto, kashenteŋji nɛ Enyɛnpe Ebɔrɛ na bee keni a fin ashi men kutɔ. Mo e daŋ gberge menyi kusoe, ama men maŋ wɔtɔ lakel; e daŋ tintiŋ menyi nɛ men wora kusɔ nɛ k daga, ama men kini kekoya kusɔ ko kumo to. Men daŋ wora menyi be ŋgbene kpakpa nna nseŋ kini kelar menyi be alubi to.

Jɛremaya 51:2

Meeŋ shuŋi befɔ nɛ b ba mur Babilɔn be efuli na fanɛ afu ka foŋ amimi n lɛ na. Kachɛ na kaŋ fo, baaŋ baa kɔ kaba kama so nna m mur kusɔ kama nseŋ yige kasawule na n nase fuloŋ.

Jɛremaya 9:21

Luwu bɔla anyi be etokuro to n luri mboŋ lempoana nɛ amo to be keluri du kpakpa na to. K mɔ anyi be mbia n lɛ agbembi so nseŋ mɔ anyi be mbifɔlbi n lɛ alɔnɛ so.

Ezikɛl 24:21

ŋ kaŋɛ menyi, Israɛl be basa kubɔya ere fanɛ menyee puchi bɔrɛlambu na be eleŋ so na nna. Menyi alɛ nseŋ naa sha kebaa wu kumo nsaa yɔ kumo to, ama Enyɛnpe Ebɔrɛ na bee shin nɛ e jija kumo nna nɛ k maaŋ naaŋ daga keshuŋ Ebɔrɛ kumo to. Menyi be mbia nɛ b wɔ Jerusalɛm to naniere na malɛ beeŋ wu kena to.

Ezikɛl 24:25

Ade kikɛ be kaman, nɛ Enyɛnpe Ebɔrɛ na naŋ kaŋɛ le: “Dimɛdi pibi, Ezikɛl, meeŋ mur bɔrɛlambu nɛ basa na be ŋgbene bee fuli so nɛ baa puchi kumo so nsaa sha kumo to be kebaayɔ ga na. Ma alɛ beeŋ lara bumo be mbia ashi bumo to.

Ezikɛl 36:12

Ade kikɛ be kaman nɛ n shin nɛ ma basa Israɛlebi na e naŋ bɛta m ba chena bumo be nsawule so. Nsawule na beeŋ baa la bumo gbagba peya nɛ akoŋ malɛ maaŋ naŋ mɔ bumo be mbia.

Zakareya 1:4

Men sa maa wora fanɛ men nanaana na. Dra na kikɛ nɛ anebiana na ta ma kubɔya na n sa bumo fanɛ b sa maa wɔ kebaawɔtɔ lubi to. Ama b daa maŋ nu n sa ma ŋko n wora ma mmalga kasonu.

Matiu 3:12

E du fanɛ esa nɛ e kɔ kawie chela asɔ to nna a chela asɔ to. E beeŋ chela mbe ayu to n ta amo be alela n wɔtɔ mbe kapuro to nseŋ ta amimi na n wɔtɔ edɛ nɛ a maa duŋ to.”

Ditɛronɔmi 28:18

Enyɛnpe Ebɔrɛ na be kɔnɔsho beeŋ ba menyi nɛ menyi be mbia nɛ adɔjibi nɛ ana nɛ mbolpɔ so nɛ a maaŋ foo.

Ditɛronɔmi 28:32

Basa beeŋ ba pɛ menyi be mbia tintiŋ so n yɔ efuli pɔtɛ so nɛ men baa yil a keni, ama menyi alɛ maaŋ tiŋ n wora shɛŋ. Karechɛ kikɛ menyeeŋ baa mɛrge anishi a keni ekpa fanɛ menyi be mbia na beeŋ bɛta m ba hale nɛ menyi maaŋ naa wu nɛnɛ. Ama mbia na malɛ maaŋ naŋ bɛta m ba kikɛ.

Ditɛronɔmi 28:41

Menyeeŋ kurge mbia damta, ama menyi alɛ beeŋ paŋ bumo. Ŋkpal manɛ so, bedoŋ beeŋ pɛ bumo anya ashi kena to n yɔ efuli pɔtɛana so.