Jɛremaya 15:6 - EBƆRƐ BE KAWƆL

⁶ Men kini ma n lɛ nseŋ pal kaman n sa ma. Amoso meeŋ mur menyi, ŋkpal manɛ so, m maaŋ naŋ tiŋ n wu menyi kuwɔr.

Jɛremaya 15:6 Iomraidhean Croise

Aizaaya 1:4

Asheŋ maaŋ nyalɛ n sa fo efuli lubi nɛ fo basa wora alubi damta nsaa nyi fanɛ b wora n da so ere. Men kini Enyɛnpe Ebɔrɛ nɛ e la Israɛl be Ebɔrɛ cheembi na nseŋ pal kaman n sa mo.

Aizaaya 28:13

Amoso nɛ Enyɛnpe Ebɔrɛ na bee sha keŋini menyi nsibɛbi nɛ mmalgabi nɛ menyi maaŋ pin to na. Kumo be kaman keya kama nɛ menyeeŋ tia, menyeeŋ fiti n tɔr n doro nɛ b naŋ pɛ menyi fanɛ anya.

Aizaaya 31:3

Ijiptebi na maŋ la Ebɔrɛ, edimɛdi e la bumo. Bumo be egbaŋɛ gba maŋ la kiyoyu to be asɔ nɛ a beeŋ baa wɔtɔ mbaanaayɔ. Enyɛnpe Ebɔrɛ baaŋ ŋini mbe eleŋgboŋ, efuli lempo bee mur nna nɛ efuli pɔso nɛ k bee chɛ to na e tɔr. Saŋɛ na so nɛ efuli anyɔ na kikɛ e mur.

Jɛremaya 1:16

Meeŋ gberge ma basa kusoe ŋkpal b ka kini ma n lɛ nsaa shuŋ agbir a lara esarga a sa amo so.

Jɛremaya 13:14

Kumo be kaman nɛ n ta bumo ŋ ŋmɛa abar fanɛ mpuya nɛ b bure. M maaŋ wu basakpar ŋko mbifɔlbi kikɛ kuwɔr. Bumo kikɛ beeŋ wu m mur. Ma, Enyɛnpe Ebɔrɛ e kaŋɛ na.”

Jɛremaya 2:13

Ŋkpal manɛ so, ma basa wora kulubi ekpa ntuŋnyɔ so. B kini ma nseŋ shile ma nɛ mee sa ŋkpa na be nchu nna, nseŋ ya kur amaŋ nɛ nchu maa yili amo to a chɛr a fin nchu.

Jɛremaya 2:17

Israɛl be basa, men gbagba e shin nɛ k ba loŋ. Men kini ma, Enyɛnpe menyi be Ebɔrɛ na, menyi maŋ naa shin nɛ mee juŋkpar menyi.

Jɛremaya 2:19

Menyi gbagba be asheŋ lubi e naŋ gberge menyi kusoe, nɛ menyi be kekini ma malɛ ji m bri menyi. Saŋɛ na so nɛ men pin fanɛ men be kekini kebaaji kashenteŋ a sa ma, Enyɛnpe menyi be Ebɔrɛ na bee besa nsaa maŋ walɛ. Ma Enyɛnpetale Ebɔrɛ e kaŋɛ na.”

Jɛremaya 20:9

Ama nɛ ma alɛ baŋ kaŋɛ fanɛ meeŋ teŋ Enyɛnpe Ebɔrɛ na so nsaa maŋ naa yili mbe katelamu to a malga, fo kubɔya na bee ki fanɛ edɛ nna a chɔɔ ma kagbene to nɛ ma awibi to. Mee wora ania fanɛ meeŋ nyaŋ ma kumu, ama ma alɛ maa tiŋ a lo ma kɔnɔ.

Jɛremaya 44:22

Kabre ŋ ka bee malga ere, menyi be kasawule na dese fuloŋ nɛ esa kikɛ maŋ naa wɔ kumo so. K ki kakpa nɛ kumo be asheŋ bee keta kejijɛ nɛ basa bee ta kumo be ketre a sho basa kɔnɔ ŋkpal Enyɛnpe Ebɔrɛ na ka daa maŋ naŋ nyiti menyi be kumu kpakpaso nɛ asheŋ woraso lubi na so.

Jɛremaya 6:11

Enyɛnpe Ebɔrɛ, kananɛ fo nya agbo n wɔtɔ Juda be basa na nɛ ma alɛ gba nya agbo ma kagbene to n wɔtɔ bumo. K bee chɔɔ ma kagbene to nɛ m maaŋ naŋ tiŋ ŋ keta kumo gba.” Ndoŋ nna nɛ Enyɛnpe Ebɔrɛ kaŋɛ ma le: “Shin nɛ ma agbo e ba mbia nɛ b wɔ agbembi so nɛ mbifɔlbi nɛ baa shɛr abar so na so. Bedoŋ beeŋ pɛ bekul nɛ bumo be beche kikɛ nɛ basa nɛ b bel ga na n yɔ efuli pɔtɛana so.

Jɛremaya 6:12

Meeŋ gberge Juda be basa kusoe nseŋ ta bumo be nwu nɛ adɔsawule nɛ bumo be beche n sa basa pɔtɛ.

Jɛremaya 6:19

Bumo be ashiri to be ŋkre na so, meeŋ shin nɛ jɛrbi gboŋgboŋi e ba bumo so, nɛ k baa la kasogberge n sa bumo ŋkpal b ka kini ma keŋini nsaa maŋ wora ma mmalga kasonu so.

Jɛremaya 7:16

Ade be kaman, nɛ Enyɛnpe Ebɔrɛ na naŋ kaŋɛ le: “Jɛremaya, sa maŋ yili bumo be katelamu to n shu ŋko ŋ kule Ebɔrɛ n sa bumo. Fo alɛ e sa maŋ wushi ma kagbene, ŋkpal manɛ so, m maaŋ nu fo kekule na.

Jɛremaya 7:24

Ama b daa maŋ nu n sa ma. Kusɔ nɛ bumo be ŋgbene kpakpaso kaŋɛ bumo nɛ b daa wora, nɛ kumo be loŋ shin nɛ bumo be kebaawɔtɔ jija n ti so.

Jɛremaya 8:5

Ma basa, manɛ e baa nɛ men lar ma kaman nsaa maŋ naa sha kebɛta m ba ma kutɔ? Men far n chɛ menyi be agbirana nna nsaa maŋ naa sha kebɛta m ba ma kutɔ.

Jɛremaya 8:9

Menyi be benyiashempo ka kini ma, Enyɛnpe Ebɔrɛ na be kamalga so, baaŋ ji anishinyɔr nseŋ wulto to e maaŋ naa nyi asheŋ.

Ezikɛl 14:9

“Nɛ fanɛ anebi ko sa efɛ be kubɔya, ma Enyɛnpe Ebɔrɛ na e sa anebi na ekpa nɛ e ku efɛ. Ama ma alɛ kraa beeŋ kini anebi na nseŋ lara mo ashi ma basa Israɛlebi to.

Ezikɛl 25:7

Amoso meeŋ ta menyi m bɔɔ efuli pɔtɛana be basa enɔ nɛ b suge menyi be asɔ nseŋ sesaŋ menyi to. Ma alɛ beeŋ mur menyi kuraa nɛ men maaŋ naa la efuli a kɔ menyi gbagba be kasawule a wɔtɔ. Ndoŋ nɛ menyeeŋ pin fanɛ ma, e la Enyɛnpe Ebɔrɛ na.”

Ezikɛl 35:3

Kaŋɛ Edɔmebi kusɔ nɛ ma Enyɛnpetale Ebɔrɛ na bee kaŋɛ. N yɛ ma nɛ menyi Edɔm be basa, maŋ naa kɔ shɛŋ! Meeŋ shin nɛ menyi be efuli e ki kasawule fuloŋ a dese, nɛ esa kikɛ maaŋ naa wɔ kumo so.

Hoziya 11:7

Ma basa baŋ yili kumo nna fanɛ baaŋ kini ma, nseŋ ya kaa bɛ agbir nɛ e maaŋ tiŋ n chɛ bumo to so.

Hoziya 13:14

M maaŋ lara bumo ashi bubuni to ŋko m mɔlga bumo ashi luwu to. Luwu nɛ nchaŋ kikɛ bee ŋmɛa bumo be kabuna. M maaŋ naŋ wu bumo kuwɔr kikɛ.

Hoziya 4:16

Israɛlebi ki basa kpeŋso nna fanɛ ekurmanyɛn. Nuso gba nɛ meeŋ wora ŋ keta bumo n yɔ keji to ashi kupuŋ to fanɛ mbolpɔbi?

Zefanaiya 1:4

Meeŋ gberge Jerusalɛm to nɛ Juda be efuli so be basa kikɛ kusoe. Meeŋ mur kegbir nɛ baa tre Baal na be kushuŋ kikɛ ashi ndoŋ nɛ ekama maaŋ naaŋ nyiŋi kegbirwura nɛ e daa keni kumo so na gba kuraa.

Zakareya 7:11

Ama ma basa ta ŋkpensheŋ nna m pal kaman n sa ma nseŋ ti bumo be asoe ŋ kini kenu n sa ma. B daŋ kplaŋ ma so nna