Jɛremaya 15:4 - EBƆRƐ BE KAWƆL

⁴ Meeŋ shin nɛ bumo be asheŋ e baa kpar durnya be efuliana so be basa kikɛ, ŋkpal kusɔ nɛ Ewura Hɛzekaya pibinyɛn nɛ baa tre Manase wora ashi Jerusalɛm be kadegboŋ na to jemanɛ nɛ e daa ji kuwura Juda be efuli so na so.”

Jɛremaya 15:4 Iomraidhean Croise

2 Bewura 21:1

Manase daŋ ji nfɛ kuduanyɔ nna pɔɛŋ nseŋ ki Juda be ewura, nseŋ ji kuwura Jerusalɛm to nfɛ adunu nɛ anu. Mo nio e daa la Hefziba.

2 Bewura 21:15

Ŋkpal manɛ so ma basa Israɛlebi wora alubi ŋ gbiti ma nseŋ wɔtɔ ma agbo to yili saŋɛ nɛ bumo nananyɛnana lar Ijipt m ba fo kabre.”

2 Bewura 21:2

Manase daŋ kini kenu n sa Enyɛnpe Ebɔrɛ nna nseŋ bɛ efuliana nɛ Enyɛnpe Ebɔrɛ ju kasawule na so, saŋɛ so nɛ e ta kasawule na n sa mbe basa Israɛlebi sososo na be asheŋ nɛ Ebɔrɛ kishi ga na so.

2 Kronikɛls 33:1

Manase daŋ ji nfɛ kuduanyɔ nna pɔɛŋ nseŋ ki Juda be ewura, nseŋ ji kuwura Jerusalɛm to nfɛ adunu nɛ anu.

2 Kronikɛls 33:2

E daŋ kini kenu n sa Enyɛnpe Ebɔrɛ nna nseŋ bɛ efuliana nɛ Enyɛnpe Ebɔrɛ ju kasawule na so, saŋɛ so nɛ mbe basa Israɛlebi bee ba kumo so sososo na be asheŋ nɛ Ebɔrɛ kishi ga na so.

Jɛremaya 24:9

Meeŋ shin nɛ jɛrbi gboŋgboŋi e ba bumo so nɛ kufugboŋ e tɔr durnya to be efuli pɔtɛana be basa so nɛ b baa chicha. Basa beeŋ baa mushe nsaa wora bumo eyurto nseŋ naa ta bumo be ketre a shoduu ashi kaplɛkama nɛ baaŋ pesaŋ to n yɔ na.

Jɛremaya 29:18

Meeŋ ta kena nɛ akoŋgboŋ nɛ alɔ m bɛ bumo so nɛ efuli pɔtɛana be basa e wu loŋ nɛ k chinchiŋ bumo n ta kufu n lɛ bumo so. Kusɔ nɛ k beeŋ nya bumo kaplɛkama nɛ meeŋ pesaŋ bumo to n yɔ na beeŋ chinchiŋ ndoŋebi n ta kufu n lɛ bumo so. Kumo be kaman basa beeŋ wora bumo eyurto nseŋ ta Juda nɛ Jerusalɛm be atre a shoduu basa.

Jɛremaya 34:17

Amoso nɛ ma Enyɛnpe Ebɔrɛ na kaŋɛ fanɛ menyi maŋ wora ma kasonu na. Menyi maŋ sa Israɛlebi na kikɛ ekpa nɛ b nya bumo be amu. To, ma ere beeŋ sa ekpa nɛ men wu kena to ŋko n lɔ n wu ŋko nɛ akoŋ a mɔ menyi. Ma n alɛ beeŋ shin nɛ menyi be asheŋ e baa keta durnya to be efuliana so be basa kejijɛ ŋkpal kusɔ nɛ meeŋ wora menyi na so.

Jɛremaya 9:16

Ma alɛ beeŋ shin nɛ b pesaŋ to n yɔ efuli pɔtɛana nɛ bumo ŋko bumo nananyɛnana maŋ naŋ nu amo be asheŋ ŋ ku so. Meeŋ naŋ shin nɛ benapo e ba kɔ bumo m mur bumo cheche.”

Nfabel 1:8

Jerusalɛm to be asheŋ lubi so, k ki kadegboŋ nɛ ekama bee keni jiga nna. Basa kama nɛ b daa sha kumo nsaa keni kumo a bɔlɔ kenishi, kikɛ kishi kumo be asheŋ naniere nna. Jerusalɛm be basa gbagba be asheŋ woraso shin nɛ k wora eyurpi daŋkare be ekpa so nna.

Ezikɛl 18:19

Ashere menyeeŋ bishi fanɛ nɛ mannɛ e baa nɛ ebi maaŋ nya mo tuto be asheŋ lubi be kakɔka? Kusɔ nɛ k ba e la fanɛ ebi na wora kusɔ nɛ k daga nseŋ wora ma mbraana kasonu nna.

Ezikɛl 23:46

“Amoso kusɔ nɛ Enyɛnpetale Ebɔrɛ na bee kaŋɛ e la fanɛ, meeŋ shin nɛ jimaŋ nɛ b nya agbo e ba tɔrɔ bumo nɛ kufugboŋ e pɛ bumo nɛ b suge bumo be asɔ n ti so.

Levitikɔs 26:33

Meeŋ bar kena menyi so n shin nɛ men pesaŋ to n yɔ efuli pɔtɛana so. Menyi be kasawule beeŋ dese fuloŋ nɛ menyi be ndegboŋ a ki alambure.

Ditɛronɔmi 28:25

Ade kikɛ be kaman, Enyɛnpe Ebɔrɛ na beeŋ shin nɛ men doŋana e pɔɔ menyi so. Menyeeŋ mel abar m bɔla kaboŋ koŋwule n ya kɔ bumo, ama menyeeŋ pesaŋ to m bɔla mboŋ damta n shile. Durnya to be basa kikɛ beeŋ nu kusɔ nɛ k wora menyi na be asheŋ nɛ kufu gboŋgboŋi a tɔr bumo so.

Ditɛronɔmi 28:64

Enyɛnpe Ebɔrɛ na beeŋ shin nɛ men pesaŋ to n sɔ durnya to be efuliana kikɛ so n ya shuŋ agbirana nɛ b ta ndibi nɛ ajembu n lɔŋɛ nɛ menyi nɛ men nananyɛnana maŋ naŋ shuŋ ŋ ku so na.