Jɛremaya 15:10 - EBƆRƐ BE KAWƆL

¹⁰ Ade kikɛ be kaman nɛ Jɛremaya fɛ le ashi mbe kagbene to: “N la esa nɛ mbe kagbene jija mo ga nna! Manɛ nna nɛ n nio kurge ma m ba durnya to bre? Ma nɛ ekama bee bile nna kasawule ere so. Ma alɛ maŋ naŋ yɔ esa kikɛ kutɔ n ya paŋ amansherbi ŋko n ta amansherbi m paŋ esa kikɛ ŋ ku so, ama ekama bee shoduu ma nna.”

Jɛremaya 15:10 Iomraidhean Croise

1 Bewura 21:20

Ewura Ahab ka wu Elaija nɛ e kaŋɛ le: “Ma doŋ, fo wu ma a?” Nɛ anebi Elaija malɛ kaŋɛ le: “Mm, n wu fo. Fo kebaawɔtɔ to kikɛ fee wora alubi nna a gbiti Enyɛnpe Ebɔrɛ na.

1 Bewura 22:8

Nɛ ewura Ahab kaŋɛ le: “Ekoŋwule ko kraa wɔtɔ nɛ anyeeŋ tiŋ n wu mo, mo e la Imla pibinyɛn Mikaya ama ŋ kishi mbe asheŋ ga ŋkpal manɛ so kusɔ kama nɛ e wu ŋ kaŋɛ ma maa walɛ.” Nɛ Jehoshafat kaŋɛ: “Sa maŋ kaŋ kaŋɛ loŋ!”

Nshɛ 109:28

Bumo ere beeŋ tiŋ n shoduu ma, ama fo ere bee nɛfa ma nna. Nɛ bedoŋ bee kɔ ma gba, fo maaŋ shuli nɛ b pɔɔ ma so; fo alɛ beeŋ shin nɛ ma, nɛ n la fo kayɛrbi na, be kagbene e fuli ma.

Nshɛ 15:5

Bumo nɛ baa ta bumo be amansherbi a paŋ basa nsaa maa wɔtɔ nchu na; ŋko a sɔ brɔbu nsaa ji a chɛ alubiworapoana to na. Loŋ be basa bre maaŋ ji anishinyɔr kikɛ.

Nshɛ 69:4

Basa nɛ b kishi ma kenyanyaŋɛso shibi a chɔ ma kumu so be emin. Ebɔrɛ, bedoŋ lubi nɛ baa fin ma nɛ b jija na shi alegaiso. Baa tintiŋ ma nna nɛ ŋ ka kusɔ nɛ m maŋ yuri be kukɔ.

Ɛksodɔs 22:25

Ma basa to be etirpo baŋ paŋ ekama amansherbi, e sa maŋ wɔtɔ mo nchu.

Aŋasa 26:2

Kɔnɔsho nɛ k maŋ bɛ ekpa so maaŋ tiŋ m pɛ esa. K du nna fanɛ mbuibi ka firgi a choŋ na.

Jɛremaya 15:20

Meeŋ shin nɛ fo ki fanɛ epal be egbal lempo basa kutɔ. Baaŋ kɔ fo ama b maaŋ tiŋ m pɔɔ fo so. Meeŋ baa wɔ fo kutɔ a kuŋ fo nɛ shɛŋ shɛŋ maaŋ wora fo.

Levitikɔs 25:36

Men baa paŋ basa asɔ, men sa maa wɔtɔ nchu a sa bumo. Ama men baa nu a sa Ebɔrɛ nseŋ shin nɛ menyi nɛ men braana Israɛlebi e tiŋ n tu abar n chena.

Levitikɔs 25:37

Men sa maŋ kaa wɔtɔ amansherbi kama nɛ b paŋ menyi nchu. Menyi alɛ e sa maŋ kaa fin tɔnɔ ashi ajibi nɛ menyeeŋ fa to.

Habakuk 1:3

Manɛ nna nɛ fo shin nɛ n wu le be tɔrɔ ere? Nuso nɛ feeŋ tiŋ n nya kagbene a keni le be alubi ere? Kemur nɛ keŋkenshi be kebaawɔtɔ e kulti ma n wɔtɔ nɛ kebri nɛ katege malɛ sɔ kaplɛkama.

Matiu 24:9

Ade malɛ be buushi, basa beeŋ shin nɛ b pɛ menyi n tɔrɔ menyi nseŋ mɔ menyi. Ekama beeŋ kishi menyi ŋkpal ma so.

Matiu 5:44

Ama ma e kaŋɛ menyi na fanɛ men baa sha men doŋana nsaa kule Ebɔrɛ a sa bumo nɛ baa tɔrɔ menyi na,

Luuk 2:34

Amo be kaman nɛ Simiɔn nɛfa bumo nseŋ kaŋɛ kebia na mo nio Mɛɛri: “Ebɔrɛ e lara kebia ere nɛ e shin nɛ Israɛlebi be bedamta e foe Ebɔrɛ be ekpa so nɛ bedamta malɛ e pin Ebɔrɛ be ekpa na. E beeŋ ba kaa la Ebɔrɛ be tɔɔnɛ nɛ basa damta e malga ŋ gbiti mo,

Luuk 6:22

Nɛ basa kishi menyi a kini menyi nsaa tege menyi a tre menyi basa lubi ŋkpal ma, Nyiŋgbasa Pibinyɛn na so, kagbenefuli beeŋ ba kaa la menyeya.

Ashuŋ Shunso 28:22

Ama kaŋɛ anyi kusɔ nɛ k wɔ fo kumu to, kusɔ nɛ fee fɛ, ŋkpal manɛ so, an nyi basa ka bee malga kaplɛkama a gbiti katuŋ nɛ fo wɔ na to be basa.”