Jɛremaya 14:8 - EBƆRƐ BE KAWƆL

⁸ Fo e la Israɛl be basa tama kikɛ. Fo e naŋ tiŋ m mɔlga anyi ashi etɔrɔgboŋ to. Manɛ nna nɛ fee wora fanɛ efɔ ashi anyi be kasawule so, ŋko fanɛ esa nɛ e wɔ enite to nseŋ ba ji kanyɛ koŋwule?

Jɛremaya 14:8 Iomraidhean Croise

Nshɛ 10:1

Enyɛnpe Ebɔrɛ, Manɛ nna nɛ k du fanɛ fo ka kplaŋ ma so loŋ? Manɛ nna nɛ fee ta fo kumu a ŋana ma so saŋɛ nɛ n wɔ tɔrɔ to?

Nshɛ 138:7

Nɛ etɔrɔ baŋ kulti ma n wɔtɔ gba, fo e naa kuŋ ma ashi bedoŋ nɛ b nya agbo n wɔtɔ ma be enɔ to. Fo gbagba be enɔ lempo na e naa shin nɛ mee nya ma kumu a ji.

Nshɛ 46:1

Ebɔrɛ e la anyi be ekumpogboŋ saŋkikɛ, nsaa sa anyi eleŋ. Mo e wɔtɔ saŋkama a chɛ anyi to tɔrɔ be jemanɛ.

Nshɛ 46:2

Amoso hale nɛ kasawule gbuŋgbuŋ to nɛ abeegboŋ tia n tɔr teku be kakpa chiŋgeliŋ gba, kufu maŋ kɔ anyi.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 71:5

O Enyɛnpetale Ebɔrɛ, fo e la ma tama kikɛ, ma kebifɔlbi to kikɛ nɛ n ta yirda n deŋi fo so.

Nshɛ 9:9

Fo Enyɛnpe Ebɔrɛ kutɔ nɛ basa nɛ baa mɛaŋ beeŋ tiŋ n shile m ba nɛ fo kuŋ bumo. Fo e la ekuŋkpa lempo awurfoŋ be saŋɛ.

Nshɛ 91:15

Nɛ fo luri asheŋ to nseŋ shu n tre ma, meeŋ nu fo kekule m ba mɔlga fo nseŋ ta kemaŋkura m buu fo so.

Aizaaya 33:2

Jande, Enyɛnpe Ebɔrɛ, wu anyi kuwɔr. Fo nɛ an ta anyi be tama n deŋi so. Baa kuŋ anyi karechɛ kama nsaa mɔlga anyi ashi etɔrɔ to.

Aizaaya 43:11

N nawule kpeŋ e la Enyɛnpe Ebɔrɛ na. Ma alɛ nawule e naaŋ tiŋ m mɔlga menyi.

Aizaaya 43:3

Ŋkpal manɛ so, ma e la Enyɛnpe menyi be Ebɔrɛ na. Ma, Israɛl be Ebɔrɛ cheembi na, e la menyi be emɔlgapo. Meeŋ kplaŋ Ijipt nɛ Itiopia nɛ kebonfu nɛ baa tre Seba na be asheŋ so nseŋ sɔ menyi n yige.

Aizaaya 45:15

Israɛl be Ebɔrɛ nɛ e bee mɔlga mbe basa na la Ebɔrɛ nɛ esa maa wu mo kenishiso nna.

Aizaaya 45:21

Men ba demujikpa! Bekama nɛ baaŋ tiŋ m malga ŋ kuŋ bumo be amu na e to abar jina. Dra dra na kikɛ, wanɛ e tiŋ ŋ kaŋɛ kusɔ nɛ k beeŋ wora? Mannɛ ma Enyɛnpe Ebɔrɛ nɛ e mɔlga mbe basa na e tiŋ ŋ kaŋɛ a? Ebɔrɛ kikɛ maŋ naa wɔtɔ n ti ma so.

Aizaaya 63:8

Enyɛnpe Ebɔrɛ na daŋ mɔlga mbe basa nna nseŋ kaŋɛ le: “Kashenteŋto b la ma basa nna. B maaŋ ku efɛ n sa ma kikɛ.”

Jɛremaya 16:19

Enyɛnpe Ebɔrɛ, kewora fanɛ fo ka ta ma nna n wɔtɔ kakpa lempo a kuŋ ma nsaa sa ma eleŋ, a chɛ ma to ashi tɔrɔ be jemanɛ. Efuli pɔtɛana be basa beeŋ shi durnya to be mboŋ wɔfɔ m ba fo kutɔ m ba kaŋɛ le: “An nananyɛnana daŋ lɔŋɛ agbirana nɛ e maa ji kashenteŋ nsaa maa kɔ tɔnɔ kikɛ n sa bumo na nna.”

Jɛremaya 17:13

O Enyɛnpe Ebɔrɛ, fo du fanɛ kubuye nɛ k bee sa Israɛl nchu nɛ e bee sa ŋkpa nɛ tama nna. Bekama nɛ b kplaŋ fo so bee ji anishinyɔr nna. Baaŋ foe basa be anishi so fanɛ b ka wu n yɔ bubuni to na.

Jɛremaya 30:7

Ma basa, k maŋ chɛr, menyeeŋ ji awurfoŋ nɛ k chɔ kekama nɛ men daŋ ji ŋ ku so, ama ma alɛ beeŋ mɔlga menyi.”

Jɛremaya 50:7

Bekama nɛ b daŋ wu bumo daa kɔ bumo kena nna. Le nɛ bumo doŋana bee kaŋɛ: ‘B wora alubi nna n da Enyɛnpe Ebɔrɛ nɛ e sa bumo nananyɛnana tama na so. Amoso kusɔ nɛ an wora na maŋ lubi. Bumo nananyɛnana daŋ yirda Enyɛnpe Ebɔrɛ nna, nɛ a daŋ daga fanɛ bumo alɛ gba ka ji kashenteŋ n sa mo.’

Jowɛl 3:16

Ebɔrɛ shi Zayɔn be kebeegboŋ na so m ponte to fanɛ buluŋ na nɛ mbe ebɔl shi Jerusalɛm to ŋ gbri m ba fanɛ bɔrɛ ka ponte na nɛ kasawule nɛ awɔlpa kikɛ gbuŋgbuŋ to. Ebɔrɛ beeŋ baa du fanɛ kebeegboŋ a kuŋ mbe basa Israɛlebi na bre.”

Zakareya 9:12

Men bɛta m ba menyi be kumɔlga be kakpa lempo na nseŋ nya tama. Ŋkpal manɛ so, kabre meeŋ laŋɛ asɔ nɛ men daa kɔ na be ntuŋ anyɔso n sa menyi.

Ashuŋ Shunso 28:20

Amoso nɛ n tre menyi nɛ ŋ kaŋɛ menyi amo na. Esa nɛ Israɛlebi na bee tama fanɛ e beeŋ ba na malɛ so nɛ ŋgbɛlɛbi ere wɔ ma enɔana to na.”

1 Timoti 1:1

Kawɔl ere shi ma Pɔɔl nɛ n la Kristo Yesu be eshuŋipo ŋkpal Ebɔrɛ an be Emɔlgapo be keparso nɛ Kristo Yesu nɛ an be tama wɔ mo so na kutɔ nna

Demujipoana 19:17

Kanyɛnnimubi na ka wu befɔ na kelɔnɛ na so na nɛ e bishi bumo: “Nnɛ nɛ men shi? Nnɛ nɛ menyee yɔ?”