Jɛremaya 14:4 - EBƆRƐ BE KAWƆL

⁴ Ŋkpal bɔrɛ ka maa ba nɛ kasawule wɔl a dese so; bedɔpo be ŋgbene jija bumo ga nna nɛ b ta bumo be anishi a ŋana.

Jɛremaya 14:4 Iomraidhean Croise

Jɛremaya 2:37

Menyeeŋ ji anishinyɔr nseŋ ta menyi be enɔana n deŋi amu so n shu n lar Ijipt be efuli so fanɛ basa nɛ b kɔ kena n tɔr na. Ŋkpal manɛ so, ma Enyɛnpe Ebɔrɛ na kini basa nɛ men yirda na nna n lɛ. Amoso menyi maaŋ nya kechɛto kikɛ bumo kutɔ.”

Jɛremaya 3:3

Amoso nɛ ewule bee yili nɛ bɔrɛ maa ba na. Ama kananɛ sakaleche maŋ kɔ nyɔmɔ na nɛ menyi alɛ gba maŋ kɔ nyɔmɔ a laŋɛ kusɔ nɛ men wora na be kaplɛa so.

Jowɛl 1:11

Bedɔpo, men shin nɛ men be ŋgbene e jija menyi ga. Menyi bumo nɛ menyee dɔ ndibi sɔrso na, e boŋ to a shu. Men shin nɛ men be ŋgbene e jija menyi ga, ŋkpal men be asɔ duuso kikɛ ka mur so.

Jowɛl 1:17

Asɔduuso malɛ wɔ shishɛr wɔlso to a wu. Asɔduuso kama malɛ maŋ naa wɔtɔ nɛ an ta n yili echefoso. Amoso mpuroana kikɛ yil a jija.

Levitikɔs 26:18

Ade kikɛ be kaman, nɛ men kraa maŋ wora ma kasonu, meeŋ shin nɛ menyi be kasogberge e ti so ale shunu.

Eemɔs 4:8

Basa lar bumo be ndeana to n yɔ nde ko n ya kaa fin nchu nɛ b nuu ama b daa maŋ nya amo yɛlyɛla so ndoŋ. Amo nɛ amo kikɛ men kraŋ kini kebɛta m ba ŋ kutɔ.” Ma Enyɛnpe Ebɔrɛ na e malga na!

Ditɛronɔmi 29:23

Menyi be kasawule na beeŋ ki fanɛ Sodɔm nɛ Gomɔra nɛ Adma nɛ Zeboyim nɛ Enyɛnpe Ebɔrɛ na daŋ nya agbo ga nseŋ mur amo jemanɛ ko na.