Jɛremaya 14:3 - EBƆRƐ BE KAWƆL

³ Damawuraana shuŋi bumo be nyɛrbi nɛ mbita eboŋ to, nɛ b yɔ atirbu chiŋgeliŋ to nɛ b ya jɔ nchu, ama b maŋ nya nchu nɛ b jɔ. Ndoŋ nna nɛ aba pɔ bumo nɛ b bɛta nɛ mpuya fuloŋ.

Jɛremaya 14:3 Iomraidhean Croise

2 Samuɛl 15:30

Nɛ Deevid ta asɔ m buu mbe kumu so nsaa nite aya fuloŋ a shu n yɔ kebeegboŋ nɛ baa tre Ɔlifs na ase a ŋini kagbenejija nɛ k tɔr mo so. Basa nɛ b daa bɛ mo so na gba daŋ ta asɔ nna m buu bumo be amu so a shu a bɛ mo so.

2 Samuɛl 19:4

Ewura Deevid daŋ buu mbe anishi so nna a shu awɔrso a kaŋɛ le: “O m pibinyɛn! Absalɔm! Absalɔm, m pibinyɛn!”

1 Bewura 17:7

K maŋ chɛr ko nɛ kabombi na wɔlto cheche ŋkpal bɔrɛ ka maŋ naa ba so.

2 Bewura 18:31

Men sa maŋ nu n sa Hɛzekaya! Men nu n sa ma efuli so be ewura. Nɛ men ta menyi be amu n sa mo, e beeŋ shin nɛ men ba kraa kɔ menyi be waindibi be adɔana nɛ efigi be ndibi be asɔrso nsaa nuu menyi be atirbu to be nchu

Ɛsta 6:12

B ka kilgi to n loge, nɛ Mɔdikaya bɛta n ya chena ewurkpa be kabunagboŋ na ase, nɛ Heman malɛ ta anishinyɔr gboŋgboŋi n jɔto n yɔ epe,

Job be kawɔl 6:20

ama mbombi wɔlso nɛ baa tu, nɛ bumo be tama a loge nɛ aba e pɔ bumo.

Nshɛ 109:29

Fo e naŋ shin nɛ anishinyɔr e ki fanɛ asɔbuuso m buu basa nɛ baa wu ma kulubi na.

Nshɛ 40:14

Wul basa nɛ baa fin ma nɛ b mɔ na be nfɛra to nseŋ shin nɛ b ji anishinyɔr. Shin nɛ bekama nɛ baa fin ma luwu na e sipa.

Jɛremaya 14:4

Ŋkpal bɔrɛ ka maa ba nɛ kasawule wɔl a dese so; bedɔpo be ŋgbene jija bumo ga nna nɛ b ta bumo be anishi a ŋana.

Jɛremaya 15:18

Manɛ nna nɛ ŋ kraa ji awurfoŋ nsaa nu ebesa jemanɛ kikɛ loŋ? Manɛ nna nɛ fo ki fanɛ kabombi nɛ k wɔlto kechali so, nɛ m maaŋ naŋ tiŋ n ta ma kumu n to fo so?”

Jɛremaya 2:13

Ŋkpal manɛ so, ma basa wora kulubi ekpa ntuŋnyɔ so. B kini ma nseŋ shile ma nɛ mee sa ŋkpa na be nchu nna, nseŋ ya kur amaŋ nɛ nchu maa yili amo to a chɛr a fin nchu.

Jɛremaya 2:37

Menyeeŋ ji anishinyɔr nseŋ ta menyi be enɔana n deŋi amu so n shu n lar Ijipt be efuli so fanɛ basa nɛ b kɔ kena n tɔr na. Ŋkpal manɛ so, ma Enyɛnpe Ebɔrɛ na kini basa nɛ men yirda na nna n lɛ. Amoso menyi maaŋ nya kechɛto kikɛ bumo kutɔ.”

Jɛremaya 20:11

Ama fo, Enyɛnpe Ebɔrɛ, nɛ fo shi ga nsaa kɔ eleŋ na ka wɔ ma kaman so, bekama nɛ baa kɔrfɛ ma na beeŋ wora ŋ gben. Baaŋ ji anishinyɔr mbaanaayɔ, ŋkpal manɛ so, b maaŋ nya kusɔ nɛ baa fin ma so na. Esa kama maaŋ teŋ bumo be ŋaba na so kikɛ.

Jɛremaya 3:3

Amoso nɛ ewule bee yili nɛ bɔrɛ maa ba na. Ama kananɛ sakaleche maŋ kɔ nyɔmɔ na nɛ menyi alɛ gba maŋ kɔ nyɔmɔ a laŋɛ kusɔ nɛ men wora na be kaplɛa so.

Nfabel 4:4

Baa shin nɛ akoŋ nɛ achukoŋ bee mɔ bumo be mbi popɔrbi nna; mbia na bee ta enɔ to a kule ajibi nna, esa kikɛ malɛ maaŋ sa bumo ajibi nɛ b ji.

Hoziya 2:3

Nɛ e baa maŋ yige loŋ be asheŋ na, meeŋ shin nɛ e delge so kpotokpolo fanɛ kananɛ b kurge mo kpotokpolo na. Meeŋ shin nɛ e ki fanɛ keshishɛrsawule mo nɛ k maŋ kɔ tɔnɔ. Achukoŋ malɛ e naŋ mɔ mo.

Jowɛl 1:20

Ŋkpal kusɔ nɛ fo wora so, mbombi kikɛ wɔlto nɛ kupuŋ to be asɔbɔya maŋ naŋ nya nchu nɛ b nuu nsaa fute yeŋayeŋa.

Eemɔs 4:7

Saŋɛ so nɛ k daga men be asɔduuso ka nya bɔrɛ nɛnɛ na, nɛ mee pɛ bɔrɛ a keta. Ma e naa shin nɛ bɔrɛ bee ba. Ma alɛ e naa shin nɛ bɔrɛ bee ba kade ko to nsaa yige kuko, ŋko a ba ndɔ ko to a yige kuko nɛ k bee wɔl.

Eemɔs 4:8

Basa lar bumo be ndeana to n yɔ nde ko n ya kaa fin nchu nɛ b nuu ama b daa maŋ nya amo yɛlyɛla so ndoŋ. Amo nɛ amo kikɛ men kraŋ kini kebɛta m ba ŋ kutɔ.” Ma Enyɛnpe Ebɔrɛ na e malga na!

Zakareya 14:17

Bɔrɛ maaŋ naŋ ba efuli kama so ebi nɛ b kini keyɔ Jerusalɛm to n ya bunyaŋ Enyɛnpetale Ebɔrɛ na fanɛ bumo be ewura, be kasawule so kikɛ.