Jɛremaya 14:2 - EBƆRƐ BE KAWƆL

² “Juda be efuli so nɛ Jerusalɛm to ebi bee shu ŋkpal kasawule na ka wɔl a dese so.

Jɛremaya 14:2 Iomraidhean Croise

Job be kawɔl 34:28

Betirpo nɛ b daŋ shu ŋ ŋini Ebɔrɛ nɛ mo alɛ nu bumo be kushu nseŋ chɛ bumo to.

Nshɛ 144:14

n shin nɛ anyi be ana gba e kurge ga. Sa maŋ shin nɛ amo be kekama e gboŋi kedampo n lɛ kikɛ. Sa maŋ shin nɛ bedoŋ e kɔ m pɔɔ anyi be kadegboŋ na so, ŋko m pɛ anyi be beko n yɔ kenyaya to efuli wɔfɔ so. Fo alɛ e sa maŋ shin nɛ an nu kagbenejija be kushu ashi anyi be abɔrbi so kikɛ.

Ɛksodɔs 2:24

Nɛ Ebɔrɛ nu bumo be nfubel na nseŋ nyiŋi mbe kɔnɔkoŋwule be ŋkre nɛ k wɔ mo nɛ bumo nananyɛnana Eebraham nɛ Aizek nɛ Jeekɔb be kefɛato na.

Aizaaya 15:5

Mee shu ma kagbene to nna a sa Mowabebi na ŋkpal b kaa shile a yɔ nde nɛ baa tre Zowa nɛ Ɛglaf Shelishiya na so. Bumo be beko dii m bɔla ekpa nɛ k bee yɔ kade nɛ baa tre Luhif na nna a shu a yɔ, nɛ beko malɛ ŋana n ta kagbenejija a shu awɔrso a shile a yɔ kade nɛ baa tre Hɔronaim na.

Aizaaya 24:11

Kagbenefuli foe durnya to nɛ basa bee ponte to agbembi so a kaŋɛ le: “Anyi maŋ naa kɔ yabra! Anyi maŋ naa kɔ yabra!”

Aizaaya 24:4

Kasawule wɔl a baŋɛ to, nɛ durnya kikɛ ki kakpa nɛ basa nɛ b kɔ eyilikpa nɛ bumo nɛ b maŋ kɔ eyilikpa kikɛ wu m bɛ.

Aizaaya 24:7

Ewaindibi bee wu nna nɛ yabra be asheŋ bee ki kpakpa. Esa kama nɛ mbe kagbene daa fuli mo wɔ kagbenejija to naniere nna.

Aizaaya 3:26

nɛ kadegboŋ na e ka a dese fanɛ eche ka chena kasawule n teŋi aya a shu keeli na. Ŋkpal manɛ so kumo to be basa kikɛ maaŋ naa wɔtɔ.

Aizaaya 33:9

Nsawule kikɛ wɔl a dese jiga. Lebanɔn be kupo na wɔl ŋ gbaŋgbaŋ afantaŋ nɛ Sharɔn be ketaŋɛ lela na ki fanɛ keshishɛrsawule. Ndibi nɛ a wɔ Bashan nɛ kebee nɛ baa tre Kamɛl na so gbaŋgbaŋ amo be afantaŋ.

Aizaaya 5:7

Israɛl e la Enyɛnpetale Ebɔrɛ na be ndibi sɔrso be kudɔ na; Juda be efuli so be basa malɛ e la afeelebi nɛ e daŋ duu na. E daa sha fanɛ b wora kusɔ nɛ k walɛ nna, ama b daŋ mɔ basa nna. Mo alɛ daa sha fanɛ b baa wora kusɔ nɛ k daga nna, ama bumo be basa daa shu a fin esa nɛ e beeŋ wu bumo kuwɔr nna.

Jɛremaya 11:11

Amoso ma, Enyɛnpe Ebɔrɛ na beeŋ shin nɛ b ji awurfoŋ ga. Nɛ b kaa shu a fin ma kechɛto, m maaŋ tuge bumo.

Jɛremaya 12:11

B shin nɛ k ki kasawule jiga nɛ k maaŋ naŋ tiŋ n wora shɛŋ n sa ma. Kasawule na kikɛ ki fanɛ keshishɛrsawule nɛ kumo be asheŋ maŋ tir esa kikɛ.

Jɛremaya 12:4

Nfɛ afanɛ nɛ ewule beeŋ baa wɔ anyi be kasawule so, nɛ kaplɛkama be afitiri e wu nsaa maaŋ naa wɔtɔ? Asɔbɔya nɛ mbuibi kikɛ bee wu nna ŋkpal anyi be basa be lubi so. Ba kaa puchi a kaŋɛ le nna: “Ebɔrɛ maa wu kusɔ nɛ anyee wora.”

Jɛremaya 18:22

Enyɛnpe Ebɔrɛ, basa ere kur amaŋ nna fanɛ n tɔr amo to nseŋ naŋ fe ajigbelɛ a jo ma. Jemanɛ nɛ bedoŋ be benapo beeŋ ba kɔ bumo kena ashi bumo be elaŋana to na, shin nɛ kufugboŋ e tɔr bumo so nɛ b baa shu a boŋ to.

Jɛremaya 4:28

Durnya to beeŋ ki fanɛ b kaa bee shu keeli na, nɛ esoso e ki m biri to. Ŋkpal manɛ so, Enyɛnpe Ebɔrɛ na teŋ malga, mo alɛ maaŋ chɛrga mbe nfɛra n leŋi kamalga na. E teŋ yili kusɔ nɛ e beeŋ wora, mo alɛ maaŋ yige kusɔ nɛ e yili na be kewora.

Jɛremaya 46:12

Efuliana na nu men be ŋaba be asheŋ; esa kama malɛ nu men be kushu. Soja ko bee fiti mo barkasa nna nɛ bumo benyɔ na kikɛ e tɔr kasawule.

Jɛremaya 8:21

Ma basa ka bee wu etɔrɔ so k bee tɔrɔ ma alɛ gba be kagbene to nna. K shin nna nɛ ma kagbene jija ma ga, nɛ mee shu a sa bumo.

Nfabel 2:8

Enyɛnpe Ebɔrɛ na gbagba daŋ yili kumo mbe kagbene to fanɛ a daga egbalana nɛ a kulti Jerusalɛm na ka bure n tɔr. E ka fara kumo be kebure e maŋ naŋ yige kikɛ, a ŋini fanɛ e bee sha kumo be kemur cheche nna. Naniere kumo be mboŋ lempoana nɛ egbalana kikɛ bure a dese.

Nfabel 2:9

Jerusalɛm be mbunagboŋana tɔr a pul eshishɛr to nɛ ndibi nɛ baa ta a ber amo so na kikɛ buri to burburbi a dese. Ewura nɛ bewurbi nɛ b daa wɔ ndoŋ na kikɛ ki anya efuli wɔfɔ so nna. Bɔrɛmatapoana na maŋ naa ŋini mbraana na, anebiana na malɛ maŋ naa nu kubɔya kikɛ ashi Enyɛnpe Ebɔrɛ kutɔ.

Nfabel 5:10

Akoŋ shin nɛ anyee lɔ hale a chicha, nɛ anyi be eyurana bel edɛ fanɛ asure to.

Hoziya 4:3

Ŋkpal loŋ so ewule lubi beeŋ yili menyi be kasawule ere so nɛ kusɔ kama nɛ k wɔ kumo so kikɛ e wu. Asɔbɔya nɛ mbuibi nɛ ekɔrɔtɔ kikɛ beeŋ wu.”

Jowɛl 1:10

Nfe be adɔsawule kikɛ nyam jija nsaa maŋ naa kɔ tɔnɔ. Nsawule kikɛ wɔl nɛ asɔ duuso kikɛ mur. Asɔrso popɔrbi kikɛ wɔl, nɛ ŋku loge.

Jowɛl 1:11

Bedɔpo, men shin nɛ men be ŋgbene e jija menyi ga. Menyi bumo nɛ menyee dɔ ndibi sɔrso na, e boŋ to a shu. Men shin nɛ men be ŋgbene e jija menyi ga, ŋkpal men be asɔ duuso kikɛ ka mur so.

Jowɛl 1:14

Naniere, a daga fanɛ men tre abar n shɛr ŋ kishi ekishi cheembi. Men tre bejuŋkparpoana na, nɛ bekama nɛ b wɔ kasawule ere so na n shɛr men Nyɛnpe be bɔrɛlambu to n shu n tre mo.

Jowɛl 2:6

Bumo alɛ baa ba, kufu bee pɛ ekama nna nyam nɛ ekama e baa chicha kufuso.

Heegai 1:11

Ma e shin nɛ ewule ba adɔsawule nɛ abee nɛ ndibi sɔrso be adɔ so nɛ kusɔ kama nɛ k bee shi kasawule to nɛ edimɛdi nɛ asɔbɔya kikɛ so, nɛ menyi be kegben kikɛ to jiga na. B ka wora Ebɔrɛ be kamalga kasonu be asheŋ

Zakareya 7:13

Ŋkpal b ka daŋ kini kenu n sa ma jemanɛ nɛ n daa malga bumo kutɔ na so, nɛ ma alɛ gba maŋ nu bumo be kekule.

1 Samuɛl 5:12

Achuubɔbɔ daŋ pɛ kade na to be basa kikɛ nna ama bumo be bumo nɛ achuubɔbɔ na daa maŋ mɔ na daa shu a tre bumo be agbirana nna fanɛ a ba mɔlga bumo.

1 Samuɛl 9:16

“N wu kananɛ ma basa bee ji awurfoŋ. Ma alɛ nu bumo be kushu nɛ baa shu a fin kechɛto na. Echefo saŋɛ ere so gbagba, meeŋ shuŋi esa ko nɛ e shi Bɛnjamin be kanaŋ to nɛ fo duga ŋku n do mbe kumu so n lara mo ŋ ki Israɛl be ejuŋkparpo. Mo e naaŋ mɔlga bumo ashi Filistiebi na be enɔ to.”