Jɛremaya 14:19 - EBƆRƐ BE KAWƆL

¹⁹ Ade be kaman nɛ basa na kule Ebɔrɛ ŋ kaŋɛ le: Enyɛnpe Ebɔrɛ, fo kini Juda n lɛ nna ere a? Fo kishi Jerusalɛm be basa nna ere a? Manɛ nna nɛ fo doro anyi ga loŋ, hale anyi maaŋ tiŋ n nya kechɛ? An daa tama kayurwushi nɛ eyur be alenfia nna, ama etɔrɔ nɛ e bee keta kufu e ba anyi so.

Jɛremaya 14:19 Iomraidhean Croise

2 Kronikɛls 36:16

Ama b daŋ kplaŋ Enyɛnpe Ebɔrɛ be kamalga so nna nsaa wora mbe mbɔ nɛ e daa shuŋi bumo kutɔ na amɔmɔshiasheŋ nsaa mushe mbe anebiana na, hale nɛ Enyɛnpe Ebɔrɛ be agbo kaa alegaiso nɛ shɛŋ maŋ naa wɔtɔ nɛ k sɔ basa na.

Job be kawɔl 30:26

Ama naniere ma ere ka bee fin kesɔnyige nɛ kefulto, jɛrbi nɛ tentembiri nɛ n nya.

Nshɛ 78:59

Ŋkpal kusɔ nɛ b wora na so, Ebɔrɛ daŋ nya agbo nna nseŋ kini Israɛl be basa na n lɛ.

Nshɛ 89:38

Ama naniere fo, Ebɔrɛ na nya agbo nna n wɔtɔ ewura nɛ fo lara na nseŋ kini mo n lɛ, nseŋ pal kaman n sa mo.

Aŋasa 29:1

Fo baŋ wora kumu kpakpaso ŋ kini kenu kasokpele damta, k maaŋ chɛr nɛ fo mur.

Jɛremaya 12:7

Kede be kaman nɛ Enyɛnpe Ebɔrɛ na kaŋɛ le: “Ŋ kini Israɛl be basa n lɛ nna. Ma alɛ kini efuli nɛ n lara n sa ma kumu n lɛ. Basa nɛ mee sha nɛ n ta m bɔɔ bumo doŋana enɔ.

Jɛremaya 12:8

Ma basa laraso e pal kaman n sa ma na. B ki fanɛ ebuluŋ nna a muni ma ashi kupo to, ŋkpal loŋ so nɛ n nya agbo n wɔtɔ bumo.

Jɛremaya 15:1

Ndoŋ nna nɛ Enyɛnpe Ebɔrɛ na kaŋɛ ma le: “Nɛ Mosis nɛ Samuɛl nɛ b daa la anebiana gba ti fo so nfe a kule ma fanɛ n wu basa ere kuwɔr, m maaŋ nu bumo be kekule nseŋ wu bumo kuwɔr. Amoso shin nɛ Juda be basa e lar ma anishi to a yɔ.”

Jɛremaya 15:18

Manɛ nna nɛ ŋ kraa ji awurfoŋ nsaa nu ebesa jemanɛ kikɛ loŋ? Manɛ nna nɛ fo ki fanɛ kabombi nɛ k wɔlto kechali so, nɛ m maaŋ naŋ tiŋ n ta ma kumu n to fo so?”

Jɛremaya 30:12

Kede be kaman nɛ Enyɛnpe Ebɔrɛ na kaŋɛ mbe basa le: “Men be edoro maa tiŋ a chɛ, nɛ men be piira gba maa tiŋ a chɛ.

Jɛremaya 30:13

Esa kikɛ maŋ wɔtɔ nɛ e keni menyi so; kechɛ malɛ maŋ wɔtɔ n sa menyi be achuu, tama malɛ kikɛ maŋ wɔtɔ n sa menyi a laŋɛ menyi be kenya kechɛ be kaplɛa so.

Jɛremaya 51:5

Israɛl nɛ Juda be basa kikɛ wora alubi n da ma, Enyɛnpetale Ebɔrɛ na so, ama ma, Israɛl be Ebɔrɛ cheembi na, maŋ kini bumo n lɛ.

Jɛremaya 7:29

Jerusalɛm be basa, men she men be amu so be emin, fanɛ basa nɛ baa shu nli na. Men baa boŋ nli to be nshɛ ashi abee be awɔlto; ŋkpal manɛ so, ma Enyɛnpe Ebɔrɛ na nya agbo nna nseŋ kini menyi nɛ men la ma basa na n lɛ.

Jɛremaya 8:15

Anyi daa tama kayurwushi nɛ eyur be alenfia nna, ama kayurnyaŋ gboŋgboŋi e ba anyi so.

Jɛremaya 8:22

Anyeeŋ tiŋ n nya adur nɛ bechɛpo ashi Giliad be efuli so. Ama manɛ nna nɛ ma basa maŋ nya kechɛ?

Nfabel 2:13

O Jerusalɛmebi, manɛ nɛ ŋ kɔ nɛ ŋ kaŋɛ? Nuso bre nɛ meeŋ tiŋ n lɔlɔ menyi? Ŋkpal manɛ so, esa kikɛ maŋ naŋ ji awurfoŋ fanɛ kananɛ men ji ere. Jɛrbi nɛ men ji ere maŋ kɔ ekar fanɛ teku; tama be yiri kikɛ maŋ naa wɔtɔ n sa menyi.

Nfabel 2:22

Enyɛnpe Ebɔrɛ, fo kanya agbo so, fo kela n tre n doŋana nna fanɛ basa nɛ fo tre kejigboŋ to na. Esa kikɛ daa maŋ ji efute loŋ be kachɛ na. Bedoŋ na daŋ mɔ ma mbia nɛ m bela a sha bumo ga na nna.

Nfabel 4:17

Ade kikɛ be kaman, an daa keni a fin kechɛto ashi efuli pɔtɛ ko kutɔ, ama anyi be tama ki fuloŋ; ŋkpal manɛ so, efuli na maŋ tiŋ n chɛ to m mɔlga anyi.

Nfabel 5:22

Ŋko fo kini anyi nna n lɛ mbaanaayɔ? Ama fo agbo maŋ kɔ ekar a?”

Maika 1:12

Marofebi pesaŋ to a keni e fin esa nɛ e beeŋ mɔlga bumo ŋkpal Enyɛnpe Ebɔrɛ ka shin nɛ Jerusalɛmebi ji jɛrbi damta so.

1 Tɛsalɔnikaebi 5:3

Saŋɛ nɛ basa ya kaa kaŋɛ: “Naniere bre kaboŋ nyalɛ nɛ kagbenewushi ba,” epul na malɛ to nɛ kemur be tɔrɔ beeŋ tɔr bumo so fanɛ kananɛ kakurge be ebesa bee purgi edampoche na. Bumo be ekama maaŋ lar.