Jɛremaya 14:14 - EBƆRƐ BE KAWƆL

¹⁴ Ama kusɔ nɛ Enyɛnpe Ebɔrɛ na kaŋɛ nde: “Efɛ nɛ anebiana na bee ku a deŋi ma. Ma ere maŋ shuŋi bumo ŋko m malga kamalga koŋwule gba n sa bumo. Ebɔrɛdare nɛ baa malga amo be asheŋ na maŋ shi ma kutɔ nɛ asheŋ nɛ baa wu a kaŋɛ na la asheŋ fuloŋ nna. Bumo gbagba be nfɛra to nɛ baa nya amo.

Jɛremaya 14:14 Iomraidhean Croise

Aizaaya 56:10

E yɛ: “Bejuŋkparpo nɛ b daga kekpele ma basa kusoe na kikɛ tan nna! B maŋ nyi shɛŋ. B du fanɛ njɔnɔ nɛ b maa gbu nna. Bumo peya e la kebaadese a di a ku edare. Baa sha edi nna ga!

Aizaaya 9:15

E beeŋ mur bumo be bewurjipoana nɛ bejuŋkparpoana nɛ anebiana nɛ b maa ji kashenteŋ na kikɛ.

Jɛremaya 20:6

Baaŋ pɛ fo, Pashɔ nɛ fo kanaŋ kikɛ, fanɛ anya n yɔ Babilɔn be efuli so. Fo nɛ fo teriana nɛ fee ku efɛ damta a sa na kikɛ beeŋ wu nɛ b puli menyi ndoŋ.’ ”

Jɛremaya 28:11

Kumo be kaman nɛ e kaŋɛ le: “Enyɛnpe Ebɔrɛ na kaŋɛ fanɛ ta a ba nfɛ nyɔ be kefɛato, kananɛ e beeŋ jija eleŋgboŋ nɛ ewura Nebukadneeza bee ji efuliana so na nna na.” Ndoŋ nna nɛ n lar bɔrɛlambu na n yɔ.

Jɛremaya 28:13

n ya kaŋɛ anebi Hananiya le: “Enyɛnpe Ebɔrɛ na yɛ feeŋ tiŋ m buri kedibi bre be kubɔ to be kebarga na to, ama e beeŋ ta kebɛlso be kubɔ to be kebarga n tal kumo to.

Jɛremaya 28:15

Kumo be kaman nɛ n naŋ kaŋɛ anebi Hananiya le n ti so: “Enyɛnpe Ebɔrɛ na maŋ shuŋi fo, ama fo alɛ bee shin nɛ basa ere bee yirda efɛ nɛ fee ku na.

Jɛremaya 29:21

Menyee fɛ fanɛ Kolaya pibinyɛn Ahab nɛ Maaseia pibinyɛn Zɛdikaya la anebiana nna ŋkpal b ka bee kaŋɛ fanɛ ma abɔya nɛ baa bɔ na so. Ama baa ku efɛ nna! Ma ere maŋ sa bumo kubɔya kikɛ. Baa di bumo teriana be beche gba nna. Amoso meeŋ ta bumo m bɔɔ ewura Nebukadneeza enɔ nɛ e mɔ bumo nɛ men baa yil a keni. Saŋɛ na so echefoso nɛ menyi be ekama bee shin nɛ e shoduu esa, e beeŋ kaŋɛ le: ‘Ebɔrɛ e shin nɛ fo wu fanɛ kananɛ Babilɔn be ewura daŋ chɔɔ Zɛdikaya nɛ Ahab m mɔ na.’ ”

Jɛremaya 29:31

n chise Juda be basa nɛ b wɔ kenyaya to ashi Babilɔn be efuli so na. E yɛ: “Ma, Enyɛnpe Ebɔrɛ na e naaŋ gberge Shemaya nɛ mbe kaman to ebi kusoe. M maŋ shuŋi mo, ama mo alɛ malga menyi kutɔ fanɛ anebi n shin nɛ men yirda mbe efɛ na. E maaŋ nya kaman to ebi ashi menyi to kikɛ. E maaŋ baa wɔ ŋkpa to n wu asheŋ lela nɛ mee sha kewora n sa ma basa na, ŋkpal manɛ so, e daŋ kaŋɛ bumo nna fanɛ b kini ma nseŋ lar ma kaman. Ma, Enyɛnpe Ebɔrɛ e kaŋɛ na.”

Jɛremaya 37:19

Manɛ nɛ men wora menyi be anebi fɛpoana nɛ b fule ŋ kaŋɛ menyi fanɛ Babilɔn be ewura maaŋ kɔ menyi ŋko efuli na kena? Men ti bumo ebu a?

Jɛremaya 5:31

Kumo e la fanɛ anebiana na kikɛ be mmalga la efɛ nna. Kusɔ nɛ b kaŋɛ malɛ nɛ bɔrɛmatapoana na kɔ a shuŋ nɛ ma basa malɛ bee sha kumo be loŋ. To, jɛrbi be jemanɛ kaŋ fo nɛ asheŋ ere kikɛ fo ekar, nnɛ nɛ menyeeŋ yɔ n ya nya kechɛto?”

Jɛremaya 8:10

Ŋkpal loŋ so meeŋ ta bumo be adɔsawule n sa basa pɔtɛ nɛ bumo be beche n sa benyɛn pɔtɛ. Menyi to be betirpo nɛ damawuraana kikɛ bee bɔla kapuni be ekpa so nna a fin amansherbi. Anebiana nɛ bɔrɛmatapoana gba bee puni basa nna.

Jɛremaya 8:11

Baa wora asheŋ nna fanɛ ma basa be asheŋ tirso ka maŋ la shɛŋ n sa bumo na nna. B yɛ: ‘Kusɔ kama bee nite nɛnɛ, saŋɛ so nɛ asheŋ maa nite nɛnɛ.’

Nfabel 2:14

Menyi be anebiana maŋ naa kɔ shɛŋ nɛ b kaŋɛ menyi nɛ mannɛ efɛ be kebaakuu a sa menyi. Abɔrɛsheŋ nɛ b malga n sa menyi na maŋ tiŋ n shin nɛ men wu menyi be alubi. B shin nna nɛ menyee fɛ fanɛ a maŋ daga men tuba n lar alubi to.

Nfabel 2:9

Jerusalɛm be mbunagboŋana tɔr a pul eshishɛr to nɛ ndibi nɛ baa ta a ber amo so na kikɛ buri to burburbi a dese. Ewura nɛ bewurbi nɛ b daa wɔ ndoŋ na kikɛ ki anya efuli wɔfɔ so nna. Bɔrɛmatapoana na maŋ naa ŋini mbraana na, anebiana na malɛ maŋ naa nu kubɔya kikɛ ashi Enyɛnpe Ebɔrɛ kutɔ.

Ezikɛl 12:24

Ŋkpal manɛ so, efɛ be ebɔrɛdare ŋko kafule be kewuŋkaŋɛ maaŋ naa wɔ Israɛl be basa to kikɛ.

Ezikɛl 13:2

“Dimɛdi pibi, malga ŋ gbiti Israɛl to be anebiana nɛ baa ta bumo gbagba be mmalga fanɛ kewuŋkaŋɛ na nɛ ekama e pin. Kaŋɛ bumo fanɛ b baa kaŋ kusoe a nu Enyɛnpe Ebɔrɛ na be kubɔya.”

Ezikɛl 13:23

Amoso menyi be efɛ be ebɔrɛdare nɛ kafule be ŋkpal na kikɛ fo ekar. Meeŋ mɔlga ma basa ashi men be eleŋ to nɛ men pin fanɛ ma e la Enyɛnpe Ebɔrɛ na.”

Ezikɛl 21:29

Ebɔrɛdare nɛ menyee ku na la efɛ nna, nɛ asheŋ nɛ men kpal n wu na kikɛ la kafulesheŋ. Menyi amu kpakpasowuraana nɛ basa lubi ere, menyi be kasogberge be kachɛ bee ba; tokobi na beeŋ gbelge menyi be abɔ so.

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

Zakareya 10:2

Basa bee yɔ agbir to nɛ bekpalpo kutɔ nna, ama asheŋ fuloŋ nɛ efɛsheŋ nɛ baa nya ashi bumo kutɔ. Beko bee kute edare be afito, ama bumo alɛ bee fule basa nna a sa bumo kagbenewushi fuloŋ. Ŋkpal loŋ so basa bee nite a kulti fanɛ mbolpɔ foeso nna. Asheŋ maa nyalɛ a sa bumo ŋkpal b ka maŋ kɔ esa nɛ e bee keni bumo so so.

Zakareya 13:3

Esa kama kaŋ naa kaŋɛ fanɛ mo ere bee wu abɔrɛsheŋ to nna a kaŋɛ, mo tuto nɛ mo nio gbagba e naŋ kaŋɛ fanɛ e daga luwu, ŋkpal e ka ku efɛ ŋ kaŋɛ fanɛ Enyɛnpe Ebɔrɛ na be kamalga nɛ e bee malga so. Nɛ e kraŋ kini a malga mo nio nɛ mo tuto gbagba e naaŋ da mo tokobi m mɔ.

Ditɛronɔmi 18:20

Ama nɛ fanɛ anebi ko sa kubɔya ko ashi ma ketre to nɛ k maŋ shi ŋ kutɔ, loŋ be anebi na beeŋ wu ŋkpal loŋ so. Kusɔ nɛ k beeŋ nya anebi kama nɛ e beeŋ sa kubɔya ashi agbir ko be atre to gba nna na.”

1 Timoti 4:2

Le be keŋini ere shi kebirkɔnshi be befɛpo nɛ nfɛra lubi deŋ bumo na kutɔ nna.

1 Jɔn 4:1

N teri shasoana, men sa maa yirda basa kama nɛ baa kaŋɛ fanɛ Ebɔrɛ be Kiyoyu wɔ bumo to. Men baa wora bumo a keni ŋko ayoyu mo nɛ b kɔ na shi Ebɔrɛ kutɔ nna ŋko a maŋ shi mo kutɔ, ŋkpal manɛ so, anebi fɛpo damtaana lar n luri durnya to.