Jɛremaya 14:13 - EBƆRƐ BE KAWƆL

¹³ Ndoŋ nna nɛ ma alɛ e kaŋɛ le: “Fo, Enyɛnpetale Ebɔrɛ nyi fanɛ anebiana na bee kaŋɛ basa na nna fanɛ kena nɛ akoŋ maaŋ ba bumo so, ŋkpal manɛ so, b yɛ, fo nase kɔnɔ nna fanɛ kayurwushi nawule e naŋ baa wɔ anyi be kasawule so.”

Jɛremaya 14:13 Iomraidhean Croise

Aizaaya 56:10

E yɛ: “Bejuŋkparpo nɛ b daga kekpele ma basa kusoe na kikɛ tan nna! B maŋ nyi shɛŋ. B du fanɛ njɔnɔ nɛ b maa gbu nna. Bumo peya e la kebaadese a di a ku edare. Baa sha edi nna ga!

Jɛremaya 1:6

Ndoŋ nna ŋ nɛ kaŋɛ le: “Enyɛnpetale Ebɔrɛ, nuso nɛ meeŋ wora m pin fo mmalga to ŋ kaŋɛ basa? N la kebifɔlbi gbagba nna.”

Jɛremaya 20:6

Baaŋ pɛ fo, Pashɔ nɛ fo kanaŋ kikɛ, fanɛ anya n yɔ Babilɔn be efuli so. Fo nɛ fo teriana nɛ fee ku efɛ damta a sa na kikɛ beeŋ wu nɛ b puli menyi ndoŋ.’ ”

Jɛremaya 23:17

Anebi fɛpoana ere bee kaŋɛ basa nɛ b kini kenu kusɔ nɛ ŋ kaŋɛ na nna fanɛ asheŋ beeŋ nyalɛ n sa bumo. Bumo alɛ nseŋ naa kaŋɛ kagbene kpakpasowuraana fanɛ b maaŋ ji jɛrbi kikɛ.”

Jɛremaya 37:19

Manɛ nɛ men wora menyi be anebi fɛpoana nɛ b fule ŋ kaŋɛ menyi fanɛ Babilɔn be ewura maaŋ kɔ menyi ŋko efuli na kena? Men ti bumo ebu a?

Jɛremaya 4:10

Ndoŋ nna nɛ ma, Jɛremaya, kaŋɛ le: “Enyɛnpetale Ebɔrɛ, kumo ere k du fanɛ fo fule Jerusalɛm be basa na nna na. Fo yɛ kayurwushi beeŋ baa wɔtɔ, ama naniere tokobi e yuu bumo be elɔŋtɔr so na.

Jɛremaya 5:12

Nɛ Enyɛnpe Ebɔrɛ na be basa ku efɛ ŋ kaŋɛ le: “E maaŋ wora shɛŋ! Mo alɛ maaŋ shin nɛ kena ŋko akoŋ e ba anyi so.”

Jɛremaya 5:13

Bumo alɛ naŋ kaŋɛ fanɛ anebiana na la befɛpo nna nɛ bumo be mmalga maŋ shi Enyɛnpe Ebɔrɛ na kutɔ. Ndoŋ nna nɛ Enyɛnpetale Ebɔrɛ na kaŋɛ ma le: “Jɛremaya, ŋkpal basa ere ka bee kaŋɛ le so, meeŋ shin nɛ ma mmalga e baa du fanɛ edɛ fo kɔnɔ to. Basa na malɛ beeŋ baa du fanɛ ndibi, nɛ edɛ na e chɔɔ amo m mur.”

Jɛremaya 5:31

Kumo e la fanɛ anebiana na kikɛ be mmalga la efɛ nna. Kusɔ nɛ b kaŋɛ malɛ nɛ bɔrɛmatapoana na kɔ a shuŋ nɛ ma basa malɛ bee sha kumo be loŋ. To, jɛrbi be jemanɛ kaŋ fo nɛ asheŋ ere kikɛ fo ekar, nnɛ nɛ menyeeŋ yɔ n ya nya kechɛto?”

Jɛremaya 6:14

Baa wora asheŋ nna fanɛ ma basa be asheŋ lubi na ka maŋ la shɛŋ. B yɛ, ‘Kusɔ kama bee nite nɛnɛ nna.’ Saŋɛ so nɛ asheŋ malɛ maa nite nɛnɛ.

Jɛremaya 8:11

Baa wora asheŋ nna fanɛ ma basa be asheŋ tirso ka maŋ la shɛŋ n sa bumo na nna. B yɛ: ‘Kusɔ kama bee nite nɛnɛ, saŋɛ so nɛ asheŋ maa nite nɛnɛ.’

Ezikɛl 12:24

Ŋkpal manɛ so, efɛ be ebɔrɛdare ŋko kafule be kewuŋkaŋɛ maaŋ naa wɔ Israɛl be basa to kikɛ.

Ezikɛl 13:22

Men bɔla efɛ so n shin nɛ basa lela nɛ m maŋ kre ketɔrɔ bumo pɔ aba nseŋ kuŋ basa lubi ekpa nɛ b maŋ lar bumo be asheŋ lubi to m mɔlga bumo be amu.

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

2 Pita 2:1

Kananɛ anebi fɛpoana daŋ lar n luri dra na to ebi to na, loŋ koŋwule na nɛ beŋinipo fɛpoana beeŋ lar n luri menyi to. Baaŋ ŋana m bar efɛ be keŋiniana nɛ a bee mur basa nseŋ kini Enyɛnpe nɛ e sɔ bumo n yige na, saŋɛ na so n ta kemur purgiase m bar bumo be amu.