Jɛremaya 14:12 - EBƆRƐ BE KAWƆL

¹² Nɛ b kishi n luri kabɔrɛkule to gba, m maaŋ nu bumo be kekule nɛ baaŋ kule a fin kechɛto na. Nɛ b bar ma esarga chɔɔso nɛ ayu be esarga gba, bumo be asheŋ kraŋ maaŋ par ma. Kusɔ nɛ meeŋ shin nɛ k wora bumo e la fanɛ, baa wu kena to ŋko akoŋ nɛ alɔ beeŋ mɔ bumo.”

Jɛremaya 14:12 Iomraidhean Croise

Job be kawɔl 27:9

Tɔrɔ be jemanɛ baŋ ba, Ebɔrɛ maaŋ nu bumo be kekule.

Aŋasa 1:28

Loŋ be saŋɛ na, feeŋ shu n tre ma, kanyiasheŋ, ama m maaŋ tuge fo. Feeŋ fin ma kenishipereso ama fo maaŋ wu ma.

Aŋasa 15:8

Enyɛnpe Ebɔrɛ kishi belubiworapo be sarga ga, ama basa lela bre be kabɔrɛkule bee bɔlɔ mo kenishi nna ga.

Aŋasa 21:27

Enyɛnpe Ebɔrɛ kishi belubiworapo be sarga ga. Fɔŋfɔŋ saŋɛ nɛ b nya kumo ekpa lubi so na.

Aŋasa 28:9

Ebɔrɛ maa nu esa nɛ e maa bɛ mbra so be kabɔrɛkule.

Aizaaya 58:3

Kumo be kaman nɛ basa na bishi le: “Manɛ nna nɛ anyee kishi nɛ Enyɛnpe Ebɔrɛ na maa wu fanɛ anyee kishi? Nɛ manɛ nna nɛ anyee bar anyi be amu kaseto nɛ mbe lakal maŋ wɔ anyi so?” Ade be kaman nɛ Enyɛnpe Ebɔrɛ na malɛ kaŋɛ bumo le: “Kashenteŋ na e la fanɛ, jemanɛ kikɛ nɛ menyee kishi menyi gbagba be aparsheŋ nɛ menyee wora nsaa mɛaŋ menyi be beshumpoana.

Jɛremaya 11:11

Amoso ma, Enyɛnpe Ebɔrɛ na beeŋ shin nɛ b ji awurfoŋ ga. Nɛ b kaa shu a fin ma kechɛto, m maaŋ tuge bumo.

Jɛremaya 11:14

Jɛremaya, sa maŋ kule Ebɔrɛ n sa basa ere ŋko ŋ kule ma fanɛ m mɔlga bumo. Nɛ b kaa ji awurfoŋ nseŋ kule ma, m maaŋ nu bumo be kekule na.”

Jɛremaya 15:1

Ndoŋ nna nɛ Enyɛnpe Ebɔrɛ na kaŋɛ ma le: “Nɛ Mosis nɛ Samuɛl nɛ b daa la anebiana gba ti fo so nfe a kule ma fanɛ n wu basa ere kuwɔr, m maaŋ nu bumo be kekule nseŋ wu bumo kuwɔr. Amoso shin nɛ Juda be basa e lar ma anishi to a yɔ.”

Jɛremaya 16:4

Alɔ nɛ kena nɛ akoŋgboŋ beeŋ mɔ bumo, nɛ ekama maaŋ shu bumo be nli ŋko m puli bumo gba kuraa. Bumo be kebuniana beeŋ dese ŋ ki keji n sa mbuibi nɛ kupuŋ to be asɔbɔya.

Jɛremaya 21:6

nseŋ shin nɛ alɔ lubi e mɔ edimɛdi nɛ asɔbɔya kikɛ ashi kadegboŋ na to.

Jɛremaya 24:10

Meeŋ shin nɛ kena nɛ akoŋ nɛ alɔ e ba bumo so n ya fo fanɛ bumo to be ekoŋwule gba ka maaŋ ka kasawule nɛ n ta n sa bumo nɛ bumo nananyɛnana na so.”

Jɛremaya 32:24

Babilɔnebi na daŋ ba dɔ ashigboŋ nna m mata egbal nɛ k kulti Jerusalɛm na nna nɛ b dii so n luri to ŋ kɔ kumo kena. Kena na nɛ akoŋ nɛ alɔ e naaŋ shin nɛ b tiŋ ŋ kɔ n sɔ kadegboŋ na. Kusɔ kama nɛ fo kaŋɛ na bɔlɔ so kashenteŋto.

Jɛremaya 6:20

Ma shɛŋ maŋ wɔ eduwu nɛ baa ta a shi Shɛba be efuli so, ŋko asɔ nɛ e bee shin nɛ ajibi bee wora ebel nɛ baa ta a shi efuli wɔfɔ a bar ma na to. Bumo be esarga nɛ baa lara a sa ma na maa par ma, amoso m maaŋ sɔ amo.

Jɛremaya 8:13

N daa sha kegama ma basa fanɛ kananɛ edɔpo bee chala mbe adɔjibi abar so nna, ama b du fanɛ kedibi sɔrso nɛ k maŋ kɔ asɔrso kumo so nɛ kumo be afantaŋ gba gbaŋgbaŋ n tɔr to na nna. Amoso nɛ n sa ekpa fanɛ basa pɔtɛ e ba sɔ kasawule na n chena so na.”

Jɛremaya 9:16

Ma alɛ beeŋ shin nɛ b pesaŋ to n yɔ efuli pɔtɛana nɛ bumo ŋko bumo nananyɛnana maŋ naŋ nu amo be asheŋ ŋ ku so. Meeŋ naŋ shin nɛ benapo e ba kɔ bumo m mur bumo cheche.”

Ezikɛl 14:19

Ŋko nɛ fanɛ n nya agbo nna nseŋ shin nɛ kulɔ mɔso tɔr efuli na so a mɔ basa nɛ asɔbɔya kikɛ,

Ezikɛl 14:21

Ŋkpal ade kikɛ so, kusɔ nɛ ma Enyɛnpetale Ebɔrɛ na bee kaŋɛ e la fanɛ ekpa nɛ meeŋ bɔla kumo so ŋ gberge Jerusalɛm to be basa kusoe kenishipere so nde: “Meeŋ shin nɛ kena nɛ akoŋgboŋ nɛ asɔbɔya lubi nɛ kulɔ mɔso e ba mɔ basa nɛ asɔbɔya kikɛ.

Ezikɛl 8:18

Ŋkpal loŋ so, meeŋ gberge bumo kusoe agbo so. M maaŋ wu bumo kuwɔr ŋko n yige bumo nɛ b ta bumo be amu n ya ji. Hale nɛ b shu n tre ma gba m maaŋ nu nseŋ chɛ bumo to.”

Hoziya 5:6

Baa ta bumo be mbolpɔ nɛ ana nna a lara esarga a sa Enyɛnpe Ebɔrɛ na, ama amo nɛ amo kikɛ, kelela kikɛ maa lar amo to a sa bumo. Bumo alɛ maa ba nɛ b naŋ wu mo kikɛ, ŋkpal manɛ so, e lar bumo be asheŋ to.

Eemɔs 5:21

Enyɛnpe Ebɔrɛ yɛ: “Ŋ kishi menyi be kabɔrɛshuŋ be kejigboŋana be asheŋ alegaiso.

Maika 3:4

Kachako menyeeŋ shu ŋ kule Enyɛnpe Ebɔrɛ na, ama e maaŋ nu menyi be kekule. Ŋkpal menyi be alubi so, e beeŋ kpele mbe anishi nsaa maaŋ tuge menyi gba kuraa.

Zakareya 7:13

Ŋkpal b ka daŋ kini kenu n sa ma jemanɛ nɛ n daa malga bumo kutɔ na so, nɛ ma alɛ gba maŋ nu bumo be kekule.

Malakai 1:10

Enyɛnpetale yɛ: “Men be eko daŋ ti ma bɔrɛlambu na be akuloŋ k daa beeŋ par ma. Saŋɛ na so men maaŋ baa jija saŋɛ a lara esarga chɔɔso fuloŋ a deŋi ma bɔrɛsure so, ŋkpal manɛ so ma kagbene maŋ fuli menyi so. Hale men ta men be esarga m ba sa ma gba, meeŋ kini amo.

Malakai 2:13

Kusɔ nɛ men naŋ wora e la fanɛ, menyee shu a gbiti Enyɛnpe Ebɔrɛ be bɔrɛsure na nna. Menyee boŋ to nna a shu ŋkpal e ka maŋ naa sɔ menyi be ŋkɛ nɛ menyee ta a bar mo na so.

Kelaraŋŋini 6:8

Ndoŋ nna nɛ ŋ keni nɛ gbaŋɛ peperbi ko yil. Kumo be ediipo nɛ b daa tre Luwu, nɛ emo nɛ b daa tre Bubuni be Kakpa na malɛ bɛ mo so. B daŋ sa bumo eleŋ nɛ baaŋ ta m mɔ kasawule so be kenasopo na nna nɛ b ta tokobi m mɔ nseŋ naŋ bar akoŋ nɛ alɔ nɛ asɔbɔya lubiana.