Jɛremaya 13:9 - EBƆRƐ BE KAWƆL

⁹ “Kananɛ meeŋ mur Juda nɛ Jerusalɛm be basa be kamoowu nɛ b kɔ na nna na.

Jɛremaya 13:9 Iomraidhean Croise

Aŋasa 16:18

Kamoowu e naa yɛr esa kemur to nɛ ŋkpensheŋ malɛ bee bar esa kaseto.

Aizaaya 16:6

Ndoŋ nna nɛ Juda be basa na kaŋɛ: “An nu fanɛ Mowab be basa bee wu bumo be amu nna. An nyi fanɛ b la basa nɛ b kpeŋ nsaa keni basa jiga nna, ama mpuchi fuloŋ nɛ b kɔ.”

Aizaaya 23:9

Enyɛnpetale Ebɔrɛ na e daŋ kre kumo fanɛ e beeŋ shin nɛ bumo be mpuchi nɛ baa puchi ŋkpal kusɔ nɛ b tiŋ n wora so na e ba ekar nɛ e ŋaba bumo be bunyaŋwuraana.

Jɛremaya 13:8

Kumo be kaman nɛ Enyɛnpe Ebɔrɛ na naŋ kaŋɛ ma le:

Jɛremaya 25:18

Jerusalɛm to nɛ Juda be ndeana to be basa kikɛ, n ta bumo be bewura nɛ benimuana gba kikɛ n ti so beeŋ nuu kawiebi na to be asɔ nuuso na, saŋɛ na so bumo alɛ gba be kasawule beeŋ ki fanɛ keshishɛrsawule nɛ esa e wu kumo nɛ k chinchiŋ mo. A loŋ beeŋ shin nɛ basa e baa ta bumo be ketre e shoduu fanɛ kananɛ baa wora m ba fo kabre na.

Jɛremaya 48:29

N nyi kananɛ Mowab be basa bee wu bumo be amu nseŋ kpeŋ nsaa ŋini to fanɛ bumo ere e baa la basa a chɔ bekama.

Ezikɛl 16:50

B daŋ kpeŋ nna nsaa wu bumo be amu nseŋ daŋ naa wora ma ekishisheŋ. Amoso nɛ n daŋ mur bumo fanɛ kananɛ fo nyi geeŋ na.

Ezikɛl 16:56

Fo, Jerusalɛm, daa wora Sodɔm eyur to nna jemanɛ nɛ fo daa wu fo kumu na,

Levitikɔs 26:19

Meeŋ shin nɛ men be kumukpakpaso be kamoowu e ki fuloŋ. Ma alɛ beeŋ pɛ bɔrɛ nɛ kasawule na a wɔl ŋ ki kpakpa fanɛ kebelso.

Nahum 2:2

Enyɛnpe Ebɔrɛ naa sha kelaŋɛ Israɛlebi be kemaŋkura nɛ b daa kɔ pɔɛŋ nɛ bumo doŋana ba kɔ n suge bumo be asɔ na n sa bumo.

Zefanaiya 3:11

Jemanɛ na kaŋ fo, anishinyɔr maaŋ pɛ menyi nɛ men la ma basa ŋkpal men ka daŋ kini ma nseŋ lar ma kaman na so. Ŋkpal manɛ so, meeŋ ju bekama nɛ b kɔ kamoowu nɛ ŋkpensheŋ be kebaawɔtɔ ashi menyi to, saŋɛ na so menyi maaŋ naŋ kini ma nseŋ lar ma kaman ashi ma kebee cheembi na so.

Luuk 18:14

Nɛ Yesu naŋ kaŋɛ: “Ma e kaŋɛ menyi na fanɛ Ebɔrɛ shin nɛ lamposɔpo na ki elelapo mbe anishito n yɔ epe. Ama Farisinyɛn na bre maŋ nya loŋ, ŋkpal manɛ so, esa kama nɛ e bee maŋ mbe kumu so, baaŋ bar mo kaseto, ama ekama nɛ e bee bar mbe kumu kaseto, baaŋ maŋ mo so.”

Jeems 4:6

K kɔ kifi, ama Ebɔrɛ be kuwɔr e shi ga. Abɔrɛsibɛ na malɛ e naa kaŋɛ loŋ fanɛ: “Ebɔrɛ maa shuli a sa kamoowuwuraana, basa nɛ b maŋ kɔ kamoowu nɛ e bee wu kuwɔr.”

1 Pita 5:5

Mbrantiɛ, loŋ koŋwule na nɛ a daga fanɛ men baa nu a sa benyɛnnimuana. Men ta kumu be kebar kaseto m mea to fanɛ wajɛ a wɔtɔ a sa abar, ŋkpal manɛ so, Ebɔrɛ maa sa kamoowuwuraana kashuli, ama bumo nɛ baa bar bumo be amu kaseto bre, e bee wu bumo kuwɔr nna.