Jɛremaya 13:24 - EBƆRƐ BE KAWƆL

²⁴ Enyɛnpe Ebɔrɛ na beeŋ shin nɛ fo basa e pesaŋ to n sɔ kaplɛkama fanɛ kananɛ afu bee sulɔ amimi a yɔ kaplɛkama na.

Jɛremaya 13:24 Iomraidhean Croise

Nshɛ 1:4

Ama mannɛ loŋ nɛ k du n sa alubiworapoana bre. Bumo ere du fanɛ asɔ be afɔfɔ nɛ afu bee foŋ n ya kaa lɛ nna.

Aizaaya 17:13

Ama nɛ efuli lempoana bee ba eleŋso fanɛ atiligboŋ gba, Enyɛnpe Ebɔrɛ na beeŋ ponte bumo so nɛ b bɛta fanɛ kalabɛr ka koso kebee ase ŋko kewabi nɛ kawuliwuli ta a yɔ na.

Aizaaya 41:16

Kumo be kaman nɛ men ta amo n lɛ afu to nɛ afu na e sulɔ amo n ya lɛ. Afugboŋ beeŋ pesaŋ amo to n sɔ kaplɛkama. Saŋɛ na so menyi be ŋgbene beeŋ fuli menyi ŋkpal ŋ ka la men be Ebɔrɛ so. Kede be kaman nɛ men kpaŋ ma nɛ n la Israɛl be Ebɔrɛ cheembi na.

Jɛremaya 18:17

Meeŋ shin nɛ ma basa e pesaŋ to ashi bumo doŋana be anishito fanɛ kalabɛr nɛ epeŋilarkpa be afu bee chela a yɔ na. Meeŋ pal kaman n sa bumo. Kemurgboŋ be jemanɛ, m maaŋ chɛ bumo to.”

Jɛremaya 9:16

Ma alɛ beeŋ shin nɛ b pesaŋ to n yɔ efuli pɔtɛana nɛ bumo ŋko bumo nananyɛnana maŋ naŋ nu amo be asheŋ ŋ ku so. Meeŋ naŋ shin nɛ benapo e ba kɔ bumo m mur bumo cheche.”

Nfabel 1:15

Enyɛnpe Ebɔrɛ na wora anyi eyur to nna m mushe anyi be benapo lempoana. E shin nɛ benapo ba nna m ba mur anyi be mbrantiɛfɔlbi, nseŋ chichi anyi be basa so fanɛ kananɛ baa chichi greep be asɔrso so a wora yabra na.

Ezikɛl 17:21

Mbe benapo kpakpaso kama nɛ baaŋ shile na beeŋ wu kena to nɛ bumo nɛ baaŋ ji efute na malɛ e pesaŋ to n sɔ kaplɛkama. Ndoŋ nɛ menyeeŋ pin fanɛ ma, Enyɛnpe Ebɔrɛ na e kaŋɛ na.”

Ezikɛl 5:12

Menyi to be ntuŋ asa to be katuŋ koŋwule beeŋ wu ŋkpal alɔ nɛ akoŋ so ashi Jerusalɛm to, nɛ katuŋ nyɔsopo e wu kena to. Katuŋ sasopo malɛ beeŋ pesaŋ to n sɔ kaplɛkama a shile nɛ n ta tokobi m bɛ bumo so a mɔ.

Ezikɛl 5:2

Jemanɛ nɛ fo kre kena ŋ kulti Jerusalɛm be foto nɛ fo wora n deŋi kejembu paŋgelambi na so na kaŋ fo ekar, nɛ fo chɔɔ emin na be katuŋ koŋwule kade nɛ fo wora kumo be foto na to, nseŋ ta bɔrfɔ na ŋ kuya emin na be katuŋ nyɔsopo to ŋ kulti kade na. Kumo be kaman nɛ fo ta katuŋ sasopo na n lɛ esoso nɛ ŋ gbagba e ta ma tokobi ŋ kuya amo to.

Ezikɛl 6:8

Ama meeŋ shin nɛ beko e ji efute nseŋ pesaŋ to n yɔ efuli pɔtɛana so.

Hoziya 13:3

Amoso bumo kikɛ beeŋ foe fanɛ kachipurso be kenyɔlɔ na ŋko kananɛ bunyaŋ bee tɔr nsaa kpata to kachipurdidi na. Baaŋ baa du fanɛ b ka bee chela asɔ kugooro so nɛ afu ta amo be amimi a yɔ ŋko kananɛ edishi bee bɔla tokuro to a lar kowu na nna.

Levitikɔs 26:33

Meeŋ bar kena menyi so n shin nɛ men pesaŋ to n yɔ efuli pɔtɛana so. Menyi be kasawule beeŋ dese fuloŋ nɛ menyi be ndegboŋ a ki alambure.

Zefanaiya 2:2

pɔɛŋ nɛ afu e foŋ menyi n ya lɛ fanɛ afɔfɔ ŋko pɔɛŋ nɛ Enyɛnpe Ebɔrɛ na be agbogboŋ na e kaa alegaiso m ba menyi so.

Luuk 21:24

Basa beeŋ ta etokobi m mɔ bumo be beko nɛ efuliana so ebi kikɛ e pɛ bumo be beko anya n yɔ bumo be efuliana so nɛ nnyamase e mur Jerusalɛm kikɛ nyam. K beeŋ ba du loŋ nna hale nɛ nnyamase na be eleŋ be jemanɛ e ya choŋ.

Ditɛronɔmi 28:64

Enyɛnpe Ebɔrɛ na beeŋ shin nɛ men pesaŋ to n sɔ durnya to be efuliana kikɛ so n ya shuŋ agbirana nɛ b ta ndibi nɛ ajembu n lɔŋɛ nɛ menyi nɛ men nananyɛnana maŋ naŋ shuŋ ŋ ku so na.

Ditɛronɔmi 32:26

Meeŋ mur bumo kikɛ kuraa, nɛ esa maaŋ naŋ nyiŋi bumo gba.

Ditɛronɔmi 4:27

Enyɛnpe Ebɔrɛ na beeŋ tintiŋ menyi n lar kasawule na so nseŋ pesaŋ menyi to n sɔ efuli pɔtɛana so, mboŋ nɛ menyi to be gbrɛbi beeŋ ya ji efute.