Jɛremaya 13:19 - EBƆRƐ BE KAWƆL

¹⁹ Bedoŋ teŋ ba kulti ndeana nɛ e wɔ Juda be kelargato be kaseto be kaba so be keshishɛrsawule so nna n wɔtɔ nɛ esa kikɛ maaŋ naŋ tiŋ n luri ŋko n lar amo to. B teŋ pɛ Juda be basa kikɛ fanɛ anya n yɔ efuli pɔtɛana nɛ e wɔ kufɔ kufɔ so.”

Jɛremaya 13:19 Iomraidhean Croise

2 Bewura 25:21

nɛ k mata Hamaf na, nɛ ewura Nebukadneeza shin nɛ b bri bumo nseŋ mɔ bumo ndoŋ. Juda be basa daŋ maŋ naa wɔ bumo gbagba be efuli so ŋkpal b ka pɛ bumo n yɔ kenyaya to ashi efuli wɔfɔ so.

1 Kronikɛls 9:1

B daŋ sibɛ Israɛlebi na kikɛ be atre kanaŋ kanaŋ so nna n wɔtɔ Israɛl be bewura be nwɔl to. Judaebi na ka daŋ wora alubi ŋ gbiti Ebɔrɛ na so nɛ b daŋ pɛ bumo nseŋ tintiŋ bumo n yɔ Babilɔn be efuli wɔfɔ na so na.

Job be kawɔl 12:14

Esa kikɛ maaŋ tiŋ n lɔŋɛ kusɔ nɛ Ebɔrɛ jija, ŋko n lara basa nɛ e ti ebu ashi kabuti na to.

Jɛremaya 17:26

Basa beeŋ shi Juda be efuli so be ndeana to nɛ ndekarso nɛ e kulti Jerusalɛm na to m ba. Baaŋ shi Bɛnjamin be yiri be kasawule so nɛ abeemase nɛ abeesawule so nɛ keshishɛrsawule nɛ e wɔ Juda be efuli so be kelargato be kaseto be kaba so na nna m ba. Esarga be yiri yiri fanɛ esarga chɔɔso nɛ ayu be esarga nɛ kapandi be esarga nɛ eduwu be sarga nɛ baaŋ baa ta a ba ma bɔrɛlambu to.

Jɛremaya 20:4

Enyɛnpe Ebɔrɛ na gbagba yɛ: ‘Meeŋ shin nɛ fo ta kufu m pɛ fo kumu nɛ fo teriana, nɛ bumo doŋana e ta etokobi m mɔ bumo fo anishito. Meeŋ ta Juda be efuli so be basa kikɛ m bɔɔ Babilɔn be efuli so be ewura enɔ nɛ e ji eleŋ bumo so. E beeŋ mɔ beko nseŋ pɛ beko fanɛ anya n yɔ mbe efuli so.

Jɛremaya 24:1

Babilɔn be ewura Nebukadneeza ka pɛ Juda be ewura, Jehowachin nɛ e la ewura Jehowakim pibinyɛn, nɛ Juda be efuli so be benimuana nɛ basa nɛ b nyi enɔ to be ashuŋ nɛ bumo nɛ baa lɔŋɛ asɔ kikɛ n yɔ Babilɔn be efuli so kufɔ kufɔ na be kaman nɛ Enyɛnpe Ebɔrɛ na shin nɛ ŋ ku bɔrɛdare n wu nlantaŋɛ anyɔ nɛ figidibi be asɔrso wɔ amo to a yil Enyɛnpe Ebɔrɛ na be bɔrɛlambu na be anishito.

Jɛremaya 28:4

Ma alɛ beeŋ naŋ bɛta Juda be ewura Jehowachin nɛ e sɔ mo tuto ewura Jehowakim so na nɛ Juda be basa nɛ b pɛ n yɔ Babilɔn be efuli so na kikɛ m ba. Kashenteŋto, meeŋ jija Babilɔn be ewura be eleŋgboŋ nɛ e kɔ na. Ma, Enyɛnpe Ebɔrɛ na e kaŋɛ.”

Jɛremaya 32:44

Basa beeŋ naŋ tɔ nsawule nseŋ wora amo be nwɔl n shin nɛ eshɛdajipoana nɛ bumo gbagba e yisi enɔ nwɔl na to a ŋini fanɛ b tɔ nsawule na nna. Mboŋ nɛ le beeŋ wora e la Bɛnjamin be yiri be kebonfu to nɛ ndekarso nɛ a kulti Jerusalɛm be kadegboŋ na nɛ Juda be efuli so be nde to nɛ nde nɛ a wɔ abee so nɛ amo nɛ a wɔ abeemase nɛ Juda be kelargato be kaseto be kaba so kikɛ na. Meeŋ naŋ bɛta basa na m ba chena bumo be kasawule so. Ma, Enyɛnpe Ebɔrɛ e kaŋɛ na.”

Jɛremaya 33:13

Mbolpɔkpapoana beeŋ naa karga bumo be mbolpɔ ashi nde nɛ a wɔ apreŋsawule so nɛ abeemase nɛ Juda be kelargato be kaseto nɛ Bɛnjamin be yiri be kebonfu to nɛ ndewurbi nɛ a kulti Jerusalɛm be kadegboŋ na nɛ ndeana nɛ a wɔ Juda be efuli so kikɛ to. Ma, Enyɛnpe Ebɔrɛ e kaŋɛ na.”

Jɛremaya 39:9

Kumo be lalaloge, nɛ Nebuzaradan nɛ e la benapo nɛ baa kuŋ ewura na be enimu na, pɛ basa nɛ b kraa wɔ kadegboŋ na to na nɛ bekama nɛ b daŋ shile n ya buu bumo na ŋ keta bumo kikɛ n yɔ Babilɔn be efuli so fanɛ anya.

Jɛremaya 52:28

Juda be basa nɛ ewura Nebukadneeza pɛ anya n yɔ Babilɔn be efuli so be kananɛ b sa nɛ b sibɛ n nase kebɛso kebɛso nde. Mbe kuwurji be kafɛ shunusopo to basa ŋgboŋ asa nɛ adunyɔ nɛ asa nɛ e pɛ ashi Jerusalɛm n yɔ Babilɔn.

Jɛremaya 52:30

Mbe kafɛ adunyɔ nɛ asa to malɛ benapo nɛ baa kuŋ mo na be enimu, Nebuzaradan daŋ pɛ basa alfa ashunu nɛ adena nɛ anu nna n yɔ Babilɔn. Amoso basa nɛ Ewura Nebukadneeza daŋ pɛ Juda be efuli so n yɔ Babilɔn be efuli so kikɛ koso basa ŋgboŋ ana nɛ alfa ashe nna.

Nfabel 1:3

Juda be efuli so be basa ki anya nna, a ji awurfoŋ ashi efuli pɔtɛana so. Efuli pɔtɛana so nɛ b wɔ a maa kɔ kakpa nɛ baaŋ tre bumo gbagba pe. Bedoŋ e kulti bumo n wɔtɔ, nɛ ekpa maŋ wɔtɔ nɛ b bɔla so m mɔlga bumo be amu.

Zakareya 7:7

Kubɔya koŋwule ere nɛ Enyɛnpe Ebɔrɛ na daŋ bɔla anebi juŋkparsoana na so m bɔ n sa basa nɛ b daa wɔ Jerusalɛm nɛ nde nɛ a kulti kumo na to saŋɛ nɛ b daŋ dii dama nsaa wɔ kayurwushi to na. Loŋ be jemanɛ na, basa damta daŋ chena kelargato be kaseto be keshishɛrsawule na nɛ abeesawule nɛ a wɔ epeŋitɔrkpa be kaba so na so nna.

Ditɛronɔmi 28:15

Kede be kaman nɛ Mosis naŋ kaŋɛ: Ama nɛ men wora kusoe kpakpaso nsaa maŋ bɛ Enyɛnpe menyi be Ebɔrɛ na mbraana nɛ n ta a sa menyi kabre ere so kashenteŋto, le be asheŋ lubi ere kikɛ e naaŋ wora menyi.

Ditɛronɔmi 28:52

Bumo alɛ beeŋ kre kena m ba kulti kade kama nɛ k wɔ kasawule nɛ Enyɛnpe, menyi be Ebɔrɛ na ta a sa menyi ere n wɔtɔ. Baaŋ bure egbal lempo jeŋgreŋana nɛ menyeeŋ pɔr ŋ kulti men be ndeana n ta men be yirda n deŋi amo so na.

Joshuwa 18:5

Saŋɛ na so, baaŋ barga kasawule na to mba ashunu, nɛ kelargato be kaseto be kaba so be kasawule na e baa la Juda be yiri to ebi peya nɛ Josɛf be yiri to ebi malɛ peya e baa la kelargato be esoso be kaba so na.