Jɛremaya 13:18 - EBƆRƐ BE KAWƆL

¹⁸ Ade kikɛ be kaman nɛ Enyɛnpe Ebɔrɛ na naŋ kaŋɛ le: “Kaŋɛ ewura nɛ mo nio nɛ b koso bumo be nwurputi so nseŋ gbaŋ bumo be awurwuro lela n nase.

Jɛremaya 13:18 Iomraidhean Croise

2 Bewura 24:12

nɛ ewura Jehowachin nɛ mo nio nɛ mbe mbinyɛnsobiana nɛ mbe ekrachiana nɛ ewurkpa be benimuana na kikɛ tuba n ta bumo be amu n sa Babilɔnebi na. Nebukadneeza be kuwurji be kafɛ burwasopo to nɛ e pɛ ewura Jehowachin n ya ti ebu,

2 Bewura 24:15

Nebukadneeza daŋ shin nna nɛ b pɛ ewura Jehowachin nɛ mo nio nɛ mbe beche nɛ mbe benimuana nɛ Juda be efuli so be bejuŋkparpoana kikɛ n yɔ Babilɔn n ya ti ebu.

2 Kronikɛls 33:12

Ewura Manase ka wɔ kabuti to ashi Babilɔn na nɛ e bar mbe kumu kaseto n sa Enyɛnpe mbe Ebɔrɛ na nseŋ kule mo fanɛ e chɛ mo to.

2 Kronikɛls 33:19

Ewura Manase be kabɔrɛkule nɛ kananɛ Ebɔrɛ nu mbe kekule, nɛ alubi nɛ e wora kikɛ pɔɛŋ nseŋ chɛrga, nɛ nnyamase be agbirana nɛ e shuŋ nɛ mboŋ nɛ e pɔr kegbirche Ashira nɛ agbirana be mpɔrduli, nɛ asheŋ nɛ e wora kikɛ be asheŋ wɔ anebiana be adrasheŋ be nwɔl to.

2 Kronikɛls 33:23

Ammɔn bre daa maŋ chɛrga mbe nfɛra m bar mbe kumu ase n sa Enyɛnpe Ebɔrɛ fanɛ kananɛ mo tuto daŋ wora na. Mo ere be kulubi gba daa chɔ mo tuto peya ga.

Ɛksodɔs 10:3

Ndoŋ nna nɛ Mosis nɛ Ɛɛrɔn naŋ yɔ Fɛɛro kutɔ n ya kaŋɛ mo fanɛ Enyɛnpe Ebɔrɛ, Israɛlebi be Ebɔrɛ na yɛ: “Shin nɛ ma basa e yɔ, saŋɛ na so, baaŋ ya bunyaŋ ma.

Ɛksodɔs 39:28

nɛ Ɛɛrɔn be neemu nɛ mbe bibinyɛn be nwuro nɛ bumo be ewondoŋ.

Aŋasa 27:24

ŋkpal manɛ so kanya nɛ kemaŋkura maaŋ baa wɔtɔ mbaanaayɔ.

Aizaaya 3:26

nɛ kadegboŋ na e ka a dese fanɛ eche ka chena kasawule n teŋi aya a shu keeli na. Ŋkpal manɛ so kumo to be basa kikɛ maaŋ naa wɔtɔ.

Aizaaya 47:1

Enyɛnpe Ebɔrɛ na yɛ: “Babilɔn be kadegboŋ be basa, men yige eleŋgboŋ nɛ men kɔ durnya to na kikɛ to, nseŋ gbelge m ba chena kasawule eshishɛrpumpuŋ to fanɛ mbia. Jemanɛ ko menyi be kadegboŋ daa du fanɛ eche nɛ e maŋ nyi enyɛn nna, nseŋ daa la kadegboŋ nɛ ekama daa maŋ naŋ kɔ m pɔɔ so kikɛ. Menyi alɛ daa nya kusɔ kama nɛ menyee sha kanaŋkamaso nna. Ama asheŋ beeŋ chɛrga n sa menyi naniere!

Jɛremaya 22:24

Nɛ Enyɛnpe Ebɔrɛ na naŋ kaŋɛ ewura Jehowachin nɛ e sɔ mo tuto Ewura Jehowakim so a ji Juda be kuwura na le: “Ŋ ka baa la Enyɛnpe Ebɔrɛ nɛ e bee sa ŋkpa ere, nɛ fo e la kepinibi nɛ mee wɔtɔ ma enɔjiso to a ŋini ma kuwurji be eleŋ gba, ŋ kraa beeŋ pee fo ma keshilbi to n lɛ.

Jɛremaya 22:26

Ma alɛ beeŋ shin nɛ b pɛ fo nɛ fo nio n yɔ efuli pɔtɛ wɔfɔ nɛ b maŋ kurge menyi be ekama ndoŋ so, nɛ menyi benyɔ na kikɛ e ya wu ndoŋ.

Jɛremaya 29:2

B ka pɛ ewura Jehowachin nɛ mo nio nɛ ewurkpa be ekrachiana nɛ Jerusalɛm to nɛ Juda be efuli so be benimuana nɛ basa nɛ b nyi enɔ to be ashuŋ kikɛ n yɔ kenyaya to na be kaman, nɛ n sibɛ kawɔl na.

Jɛremaya 36:16

E ka kraŋ kumo n loge, nɛ kufu pɛ bumo nɛ b kilgi ŋ keni abar nseŋ kaŋɛ Baruk le: ‘A daga ewura ka nu demu ere!’

Nfabel 1:6

Jerusalɛm be kemaŋkura kikɛ loge. Kumo be bejuŋkparpoana ki fanɛ echibir nɛ akoŋ kɔ nɛ b maŋ naa kɔ eleŋ nɛ b shile ŋ ŋana bekpampo so nna.

Nfabel 1:9

Kumo to be asheŋ lubi na daŋ dii efuli nna, ama amo be asheŋ maŋ tir kumo be basa na. Jerusalɛm be kebure n tɔr na daŋ lubi ga. Esa kikɛ daa maŋ lolo kumo be basa na n ti bumo kagbene. Bedoŋ daŋ pɔɔ basa na so nna nɛ baa shu a kaŋɛ Enyɛnpe Ebɔrɛ na fanɛ e wu bumo kuwɔr.

Nfabel 2:10

Jerusalɛm be benimuana na daŋ buu nli be asɔbuuso a tase kasawule a maŋ naa kɔ shɛŋ nɛ b kaŋɛ abar, nseŋ wora eshishɛr ŋ gbiti bumo be amu to a ŋini bumo be kagbenejija nna. Nɛ bechefɔlbi na malɛ chena ŋ kurgi amu n yuu to a keni kasawule.

Nfabel 5:16

Asɔ nɛ an daa puchi so na be kekama maŋ naa wɔtɔ. Ŋkpal anyi ka wora alubi so, asheŋ maa nyalɛ a sa anyi.

Ezikɛl 16:12

nɛ kamuna to be kepinibi nɛ akonde nɛ kuwurwuro lela ga nɛ fo ta m buu fo kumu so.

Ezikɛl 21:26

Ma, Enyɛnpe Ebɔrɛ na e naa kaŋɛ fo na fanɛ fo shɛŋi fo kumu so be neemu na nseŋ lara kuwurwuro na. Ŋkpal manɛ so, asheŋ maaŋ naa du kananɛ a daa du na. Esa nɛ e daa maŋ kɔ eyilikpa beeŋ nya eyilikpa nɛ emo nɛ e daa kɔ eyilikpa e paŋ mbe eyilikpa.

Ezikɛl 24:17

Fo alɛ e sa maŋ shin nɛ esa e nu fo ka bee shuto gba. Sa maŋ kaŋ shɛŋi fo neemu fo kumu so ŋko n lara fo asɛbta nsaa na aya fuloŋ a ŋini fanɛ fee shu keeli nna. Fo alɛ e sa maŋ buu fo anishiakpa so ŋko n ji daŋkare be ajibi nɛ basa nɛ baa shu nli bee ji na.”

Ezikɛl 24:23

Menyi alɛ maaŋ shɛŋi menyi be eneemu ashi menyi be amu so ŋko n lara asɛbta menyi be aya to nsaa nite aya fuloŋ. Ade kikɛ be kaman, menyi maaŋ wora kuwɔrsheŋ ŋko n shu nɛ anishichubi e lar, ama menyi be asheŋ lubi so menyeeŋ foe eyur to nsaa nite a kulti a shu epun to.

Ezikɛl 44:18

A daga fanɛ b baa buu ago be kechɛbi be asɔbuuso nna nsaa chɛ ago be achɛbi be eneemu, saŋɛ na so b maaŋ baa pa kebleŋ jemanɛ nɛ baa shuŋ bumo be kabɔrɛmata be kushuŋ na.

Danɛl 5:20

Ama ŋkpal e ka maa wu kuwɔr nsaa kɔ kumu kpakpaso nɛ kamoowu nɛ ŋkpensheŋ so, b daŋ gboŋi mo kuwura nna nɛ e paŋ mbe bunyaŋ be eyilikpa.

Jona 3:6

Kubɔya na ka tu Ninɛve be ewura gba, nɛ e koso mbe kuwurputi so m bugi mbe kuwurpiŋi n nase, nseŋ ta kagbenejijaso be asɔbuuso m buu n ya chena nsunɔ to.

Matiu 18:4

Amoso, ekama nɛ e bee bar mbe kumu kaseto a du fanɛ kebia ere e chɔ ekama ashi ebɔrɛso be kuwura to.

Jeems 4:10

Men baa yɔɔ men be amu Ebɔrɛ be anishito nɛ e maŋ menyi so.

1 Pita 5:6

Amoso, men baa bar men be amu kaseto a wɔtɔ Ebɔrɛ be enɔgboŋana to nɛ e maŋ menyi so mo gbagba be saŋɛ.