Jɛremaya 13:17 - EBƆRƐ BE KAWƆL

¹⁷ Ama nɛ men kini kenu n sa ma bre, meeŋ kpal menyi be kamoowuso n shu ashiri to. Meeŋ shu kenishipereso nɛ anishichubi a lar ma anishi to ŋkpal b ka beeŋ pɛ menyi nɛ men la Enyɛnpe Ebɔrɛ be basa n yɔ efuli pɔtɛana so fanɛ anya so.

Jɛremaya 13:17 Iomraidhean Croise

Nshɛ 119:136

Mee kaa shu anishichubi nna, ŋkpal basa ka maa wora fo mbraana kasonu so.

Nshɛ 80:1

O Israɛl be ekenipo, nu anyi be kekule! Fo nɛ fee juŋkpar Josɛf be kaman to ebi fanɛ mbolpɔ nseŋ chena fo kuwurputi so ashi asɔ pɔrso nɛ baa tre chɛrubim na be nferinto na,

Aizaaya 63:11

Ama Enyɛnpe Ebɔrɛ na be basa naŋ nyiŋi asheŋ nɛ e wora bumo nananyɛn Mosis be jemanɛ nseŋ bishi le: “Nnɛ nɛ Enyɛnpe Ebɔrɛ nɛ e daŋ mɔlga mbe basa be bejuŋkparpoana ashi teku peper na to dra dra na wɔ? Nnɛ nɛ Ebɔrɛ nɛ e ta mbe Kiyoyu n sa Mosis na wɔ?

Jɛremaya 14:17

Kumo be kaman nɛ Enyɛnpe Ebɔrɛ na kaŋɛ ma kenishipereso fanɛ n ya kaŋɛ basa na kebɔltofinfin nɛ k wɔ ma to be asheŋ. Ndoŋ nna nɛ n ya kaŋɛ bumo le: “Kapa nɛ kanyɛ, ma anishi maa paŋ anishichubi ŋkpal ma basa be awurfoŋ damta nɛ baa ji na so.

Jɛremaya 15:17

N daa maŋ jija ma saŋɛ n tu basa pɔtɛ a mushe a ji ma kumu. Ama n nawule e daa wɔtɔ fanɛ kananɛ fo kaŋɛ na, nɛ kanya agbo wɔ ma kagbene to.

Jɛremaya 17:16

Ama Enyɛnpe Ebɔrɛ, fo e lara ma fanɛ m baa keni fo basa so fanɛ anebi, kumo alɛ nɛ mee wora na. Fo nyi ma kɔnɔ to be mmalga kikɛ. Ma alɛ maŋ naŋ kaŋɛ fo kachɛ koŋwule gba fanɛ fo gberge bumo kusoe.

Jɛremaya 22:5

Ama nɛ men kini kenu n sa kusɔ nɛ mee kaŋɛ menyi kenishipereso ere, ŋ gbagba bee nase kɔnɔ ma ketre to nna fanɛ ewurkpa ere beeŋ ba ki kelambure n dese. Ma, Enyɛnpe Ebɔrɛ e kaŋɛ na.”

Jɛremaya 23:1

Asheŋ maaŋ nyalɛ n sa benimujipoana nɛ baa mur Enyɛnpe Ebɔrɛ na be basa nsaa pesaŋ bumo to na! E beeŋ ji bumo demu kpakpaso.

Jɛremaya 23:2

Kusɔ nɛ Enyɛnpe, Israɛl be Ebɔrɛ na bee kaŋɛ benimujipoana nɛ k daŋ daga fanɛ b baa keni mbe basa so na nde. E yɛ: “Menyi maaŋ keni ma basa so nɛnɛ. Men pesaŋ bumo to nseŋ ju bumo n lɛ to nna. To, meeŋ gberge menyi kusoe ŋkpal kusɔ lubi nɛ men wora ere so.

Jɛremaya 9:1

N daa yɛlga fanɛ ma kumu beeŋ baa la ketirbu nɛ ma anishi malɛ e baa la kubuye a bul anishichubi, saŋɛ na so meeŋ baa shu kapa nɛ kanyɛ a sa ma basa nɛ b mɔ na.

Nfabel 1:16

Amoso nɛ anyee shu anishichubi ga na. Esa kikɛ maaŋ tiŋ n lolo anyi n ti anyi kagbene, esa kikɛ malɛ maaŋ tiŋ n leŋ anyi to nɛ an naŋ nya kenyɛn. Ŋkpal manɛ so, an doŋana pɔɔ anyi so nɛ anyi maŋ naa kɔ shɛŋ kebaawɔtɔ to.

Nfabel 1:2

Kanyɛso kikɛ, kumo to be basa bee shu nna nɛ anishichubi bee pɔ bumo be ŋgbuŋ. Kumo beshapo kikɛ maŋ naa wɔtɔ nɛ b lolo kumo n wushi kumo kagbene. Kumo teriana kikɛ lar kumo kaman nseŋ debɔr kumo, naniere b ki kumo be bedoŋ nna.

Nfabel 1:9

Kumo to be asheŋ lubi na daŋ dii efuli nna, ama amo be asheŋ maŋ tir kumo be basa na. Jerusalɛm be kebure n tɔr na daŋ lubi ga. Esa kikɛ daa maŋ lolo kumo be basa na n ti bumo kagbene. Bedoŋ daŋ pɔɔ basa na so nna nɛ baa shu a kaŋɛ Enyɛnpe Ebɔrɛ na fanɛ e wu bumo kuwɔr.

Nfabel 2:18

Jerusalɛmebi, men shu ŋgbene to ŋ ŋini Enyɛnpe Ebɔrɛ na. Kapa nɛ kanyɛ, men shin nɛ men be anishichubi e baa shile fanɛ lɔr na. Men shu hale nɛ men be ebɔl e ya fɛa!

Nfabel 3:48

Mee shu anishichubi damta nna, ŋkpal ma basa ka mur so.

Ezikɛl 24:16

“Dimɛdi pibi, Ezikɛl, kachɛ koŋwule meeŋ sɔ esa nɛ fee sha ga na be ŋkpa. Ama fo alɛ e sa maŋ kaŋ fubel m bile asheŋ ŋko n shu ŋko n shin nɛ anishichubi a lar fo anishito gba kuraa.

Ezikɛl 34:31

Kumo be kaman nɛ Enyɛnpetale Ebɔrɛ na kaŋɛ le: “Menyi, ma mbolpɔ, nɛ mee bela na, la ma basa nna nɛ ma alɛ la menyi be Ebɔrɛ.”

Ezikɛl 36:38

Nɛ nde nɛ a bure a dese ere e naŋ bɔlɔ basa fanɛ kananɛ mbolpɔ daŋ bɔlɔ Jerusalɛm to nɛ b daa ta amo a lara esarga nchɛgboŋachɛ na. Ndoŋ nɛ baaŋ pin fanɛ ma e la Enyɛnpe Ebɔrɛ na.”

Ezikɛl 9:4

ŋ kaŋɛ mo le: “Yɔ Jerusalɛm be kadegboŋ na to n ya dulgi bekama nɛ asheŋ bee besa nɛ bumo be ŋgbene jija bumo ŋkpal ekishisheŋ nɛ a bee wora kade na to so na be nsɔto.” Nɛ kanyɛn na lar n yɔ nɛ e ya dulgi bumo.

Malakai 2:2

Men shin nɛ menyi be asheŋ woraso e baa sa ma bunyaŋ. Men baa maa nu kusɔ nɛ mee kaŋɛ menyi, meeŋ shin nɛ kɔnɔsho a pɛ menyi. Asɔ kama nɛ a la nɛfa n sa menyi na gba, meeŋ sho amo kɔnɔ. Kashenteŋto, n tiŋ n sho amo kɔnɔ gba, ŋkpal men ka maŋ ta ma mmalga kenishipereso so.”

1 Samuɛl 15:11

“K wora ma kagbenejija ga fanɛ ŋ ka ta Sɔɔl ŋ ki ewura; ŋkpal manɛ so e pal kaman n sa ma nseŋ kini ma mbra be keb so.” Kumo be loŋ daŋ pɛ Samuɛl agbo ga nɛ e kule Ebɔrɛ awɔrso hale nɛ kare ba chɛ.

1 Samuɛl 15:35

Baŋ yili kumo be saŋɛ na so kikɛ n ya fo saŋɛ so nɛ Samuɛl wu, e daa maŋ naŋ wu Sɔɔl kenishiso kikɛ. Ama Samuɛl be kagbene daŋ jija mo nna ga ŋkpal Sɔɔl so. K daŋ tɔrɔ Enyɛnpe Ebɔrɛ malɛ nna ga ŋkpal e ka daŋ ta Sɔɔl ŋ ki Israɛl be ewura so.