Jɛremaya 13:16 - EBƆRƐ BE KAWƆL

¹⁶ Men baa maŋkura Enyɛnpe menyi be Ebɔrɛ na; saŋɛ na so e maaŋ shin nɛ tentembiri e ba menyi so nɛ men baa nite a fiti a tɔr abee so. Men baa maŋkura mo, saŋɛ na so e maaŋ shin nɛ kefulto nɛ menyee tama na e ki tentembiri mina n sa menyi.

Jɛremaya 13:16 Iomraidhean Croise

Job be kawɔl 3:5

Shin nɛ k baa la kachɛ nɛ k biri to a la tentembiri plɔ; nseŋ shin awɔlpa e buu kumo so nɛ epeŋi e sa maŋ nyaŋɛ.

Nshɛ 107:10

Menyi be beko daa wɔ kabuti to nna, a ji awurfoŋ tentembiri mina to nɛ ŋgbɛlɛbi kre menyi,

Nshɛ 107:14

Tentembiri mina to nɛ e lara menyi nseŋ tuge menyi be ŋgbɛlɛbi nɛ men nya menyi be amu a ji.

Nshɛ 29:2

Men di mbe ketre nɛ k kɔ kemaŋkura na epaŋ; nseŋ bunyaŋ mo ŋkpal e ka du cheembi nsaa kɔ kemaŋkura so.

Nshɛ 44:19

Ama k du nna fanɛ fo yige anyi n lɛ kakpa chil, nɛ teŋtembiri mina buu anyi so n wɔtɔ kakpa nɛ asɔkpaŋ wɔ, nɛ anyi maaŋ tiŋ n wora shɛŋ.

Ɛksodɔs 10:21

Kumo be kaman nɛ Enyɛnpe Ebɔrɛ naŋ kaŋɛ Mosis le: “Teŋi fo enɔ ŋ ŋini awɔlto nɛ ketentembiri e ba buu Ijipt be kasawule so kikɛ, k beeŋ baa la ketentembirigboŋ nna nɛ k beeŋ ba du mina kashenteŋto.”

Aŋasa 4:19

Ama belubiworapo bre be ekpa biri to nna fanɛ tentembiri plɔ. Baa fiti a tɔr, ama b maa wu asɔ nɛ baa fiti na.

Kaŋinichiŋgeliŋ 11:8

Nfɛ kama nɛ esa beeŋ ji durnya ere to, e shin nɛ mbe kagbene e fuli amo be kekama so. Ama e baa nyiŋi fanɛ nfɛ nɛ e beeŋ ji luwu be kaman chɔ amo nɛ e beeŋ ji durnya to. Shɛŋ maŋ wɔtɔ nɛ esa beeŋ tiŋ n ta mbe yirda n to kumo so.

Aizaaya 5:30

Kachɛ nɛ baaŋ kre kena m ba na, baaŋ munto fanɛ teku ka bee kaa ketili a gbri na. Tentembiri nɛ kebagato beeŋ sɔ efuli na kikɛ so, ŋkpal manɛ so kuwɔlpa nɛ k biri to beeŋ buu kefulto nɛ k wɔtɔ kabre ere kikɛ so.

Aizaaya 59:10

nɛ anyee la a fin ekpa fanɛ etanpo. Kapiidi gba anyi maa wu ekpa to nsaa fiti fanɛ kanyɛso ŋko fanɛ an ka wɔ nchaŋ to na.

Aizaaya 59:9

Kede be kaman nɛ basa na kaŋɛ le: “Naniere nɛ an pin kusɔ nɛ k ba nɛ Ebɔrɛ maa mɔlga anyi ashi basa nɛ baa kɔrfɛ anyi na be enɔ to. An daa tama fanɛ anyeeŋ baa na kefulto to nna, ama tentembiri e kulti anyi n wɔtɔ

Aizaaya 60:2

Tentembiri beeŋ buu durnya nɛ kumo be basa kikɛ so. Ama Enyɛnpe Ebɔrɛ na be kemaŋkura be kefulto beeŋ nyaŋɛ n yuu menyi ere so a ŋini fanɛ e wɔ menyi kutɔ.

Aizaaya 8:22

Baaŋ maŋ amu so ŋ keni esoso ŋko n to anishi ŋ keni kasawule, bumo alɛ maaŋ wu shɛŋ she etɔrɔ nɛ tentembiri. Tentembiri mina nɛ k bee da kufu ga na to nɛ baa yɔ.”

Jɛremaya 14:19

Ade be kaman nɛ basa na kule Ebɔrɛ ŋ kaŋɛ le: Enyɛnpe Ebɔrɛ, fo kini Juda n lɛ nna ere a? Fo kishi Jerusalɛm be basa nna ere a? Manɛ nna nɛ fo doro anyi ga loŋ, hale anyi maaŋ tiŋ n nya kechɛ? An daa tama kayurwushi nɛ eyur be alenfia nna, ama etɔrɔ nɛ e bee keta kufu e ba anyi so.

Jɛremaya 2:6

Ŋ ka daŋ mɔlga bumo ashi Ijipt be efuli so nseŋ juŋkpar bumo m bɔla kasawule fuloŋ nɛ k la eshishɛr nɛ e biti abar so nawule nseŋ naa la kasawule wɔlso nɛ k kɔ kufu nɛ esa kikɛ maŋ wɔ kumo so ŋko a sha kenite kumo so na be kaman, men nananyɛnana be shɛŋ daa maŋ wɔ ma to.

Jɛremaya 23:12

Amoso, meeŋ shin nɛ kebaawɔtɔ e ki kpakpa ga n sa bumo; nɛ k wora fanɛ b ka bee nite tentembiri to ashi ekpa fɛrgeso to nsaa fɛrge a tɔr na. Bumo be kasogberge be saŋɛ kaŋ fo, meeŋ shin nɛ b ji jɛrbi damta ga. Ma, Enyɛnpe Ebɔrɛ e kaŋɛ na.

Jɛremaya 4:23

Ade be kaman nɛ ŋ to kenishi ŋ keni ŋ kulti, nseŋ wu fanɛ edimɛdi nɛ asɔbɔya kikɛ maŋ naa wɔtɔ. Nɛ n naŋ to kenishi ŋ keni awɔlpa so, nɛ kefulto kikɛ maŋ wɔ kumo so.

Jɛremaya 50:6

Ma basa du fanɛ mbolpɔ nɛ bumo be bekpapoana shin nɛ b foe abee so nna. B daa nite cham cham kebee ko so nna n ya kaa lar kuko so nseŋ daŋ teŋ kakpa nɛ bumo pe wɔ so.

Jɛremaya 6:21

Ŋkpal loŋ so, ma Enyɛnpe Ebɔrɛ na beeŋ shin nɛ basa ere e fiti n tɔr. Betuto nɛ benio nɛ bumo be bibi nɛ beteriana nɛ bechenashapoana kikɛ beeŋ wu ashi asheŋ nɛ e beeŋ ba bumo so na to.”

Jɛremaya 8:15

Anyi daa tama kayurwushi nɛ eyur be alenfia nna, ama kayurnyaŋ gboŋgboŋi e ba anyi so.

Nfabel 4:17

Ade kikɛ be kaman, an daa keni a fin kechɛto ashi efuli pɔtɛ ko kutɔ, ama anyi be tama ki fuloŋ; ŋkpal manɛ so, efuli na maŋ tiŋ n chɛ to m mɔlga anyi.

Ezikɛl 21:15

Saŋɛ na so kufu beeŋ pɛ basa; nɛ galeŋga e chicha n fiti n tɔr. N wora ma tokobi shiriya nɛ k mɔ ashi bumo be mbunaana kikɛ ase. N tiŋ n yee kumo nna nɛ k bee kpa edɛ fanɛ bɔrɛ ka bee nyɛkpɛ na, nseŋ pɛ kumo to nɛ m mɔ.

Ezikɛl 34:12

fanɛ kananɛ mbolpɔkpapoana bee keni bumo be mbolpɔ nɛ b daŋ pesaŋ to nɛ b naŋ ya bar bumo abar so na. Ma alɛ beeŋ bɛta bumo n shi mboŋ nɛ b pesaŋ to n yɔ kachɛ nɛ asheŋ daŋ maŋ nite nɛnɛ n sa bumo na kikɛ m ba.

Ezikɛl 36:15

Kumo be kaman, menyi maaŋ naŋ bugi asoe a nu mmalga jiga nɛ efuliana na bee malga a gbiti menyi. Meni alɛ maaŋ naŋ keni n wu basa ka bee wora menyi eyurto. Kasawule na maaŋ naŋ shin nɛ men paŋ menyi be mbia. Ma, Enyɛnpetale Ebɔrɛ na, e kaŋɛ na.”

Jowɛl 2:2

Loŋ be kachɛ na beeŋ biri to le tuum nseŋ bar kagbenejija damta. Kamɔnchɛ beeŋ ba kaa la kachɛ nɛ kusɔ kama beeŋ biri to nna nɛ bɔrɛwɔlpa e biri n sɔ kaplɛkama. Benapo lempo be katuŋgboŋ na beeŋ salga to n sɔ abee na so. Le be kesheŋ ere maŋ naŋ wora ŋ ku so kikɛ, kumo alɛ maaŋ naŋ wora kikɛ mbaanaayɔ.

Eemɔs 4:13

Ebɔrɛ e to abeegboŋana nseŋ to afu. Mo e naa lara kusɔ nɛ k wɔ mbe nfɛra to a ŋini edimɛdi nsaa shin nɛ kapa bee ki kanyɛ. Mo e naa nite abeegboŋ be esoso na. Mbe ketre e la Enyɛnpetale na!

Eemɔs 5:18

Asheŋ maaŋ nyalɛ n sa menyi nɛ menyee jo Enyɛnpe Ebɔrɛ be demujiachɛ na. Mannɛ be tɔnɔ nɛ loŋ be kachɛ na beeŋ kurge n sa menyi? Loŋ be kachɛ na beeŋ ba kaa la tentembiri nna n sa menyi, mannɛ kefulto.

Malakai 2:2

Men shin nɛ menyi be asheŋ woraso e baa sa ma bunyaŋ. Men baa maa nu kusɔ nɛ mee kaŋɛ menyi, meeŋ shin nɛ kɔnɔsho a pɛ menyi. Asɔ kama nɛ a la nɛfa n sa menyi na gba, meeŋ sho amo kɔnɔ. Kashenteŋto, n tiŋ n sho amo kɔnɔ gba, ŋkpal men ka maŋ ta ma mmalga kenishipereso so.”

Baru lela nɛ Jɔn kute na 12:35

Nɛ Yesu kaŋɛ bumo: “Kefulto na maaŋ naŋ chɛr menyi kutɔ. Amoso, men ka kraa kɔ kumo menyi to ere bre, men baa na kumo to, saŋɛ na so, tentembiri maaŋ luri menyi to. Esa kama nɛ e na tentembiri to maa pin kakpa nɛ e bee yɔ.

Joshuwa 7:19

Ndoŋ nna nɛ Joshuwa kaŋɛ mo le: “M pibinyɛn, sa Enyɛnpe Israɛl be Ebɔrɛ na kemaŋkura nseŋ ji kashenteŋ m bugi to ŋ kaŋɛ ma kusɔ nɛ fo wora kikɛ. Sa maŋ ta shɛŋ ŋ ŋana ma so.”

1 Pita 2:8

Baa fiti a tɔr nna ŋkpal b ka maŋ yirda kamalga na so, kusɔ nɛ Ebɔrɛ malɛ yili bumo nna na.

1 Samuɛl 6:5

Men ta asɔ nɛ men lɔŋɛ nɛ a duli eshiboe nɛ a bee jija men be adɔjibi na nɛ amo nɛ a duli achuubɔbɔ a tɔrɔ menyi na n ti ŋkre be deka na so n yɔ nɛ a baa ŋini fanɛ menyee sa Israɛl be Ebɔrɛ na bunyaŋ. Nɛ men wora loŋ bre, ashere e maaŋ naŋ shin nɛ etɔrɔ e ba menyi nɛ men be agbirana nɛ menyi be kasawule ere so.