Jɛremaya 13:14 - EBƆRƐ BE KAWƆL

¹⁴ Kumo be kaman nɛ n ta bumo ŋ ŋmɛa abar fanɛ mpuya nɛ b bure. M maaŋ wu basakpar ŋko mbifɔlbi kikɛ kuwɔr. Bumo kikɛ beeŋ wu m mur. Ma, Enyɛnpe Ebɔrɛ e kaŋɛ na.”

Jɛremaya 13:14 Iomraidhean Croise

2 Kronikɛls 20:23

Ammɔnebi nɛ Mowabebi daŋ kilgi nna ŋ kɔ Edɔmebi na be benapo kena nna m mur bumo cheche. Kumo be kaman nɛ b kilgi a mɔ abar.

Job be kawɔl 27:22

Jemanɛ nɛ baaŋ wora ania fanɛ baaŋ shile m mɔlga bumo be amu na, afu na maaŋ wu bumo kuwɔr kikɛ.

Nshɛ 2:9

Feeŋ ta fo kebɛlso be kuwurkpabi n ji amo so kuwura. Fo alɛ beeŋ bure amo to fanɛ ebɔ be kapuya na

Aizaaya 27:11

Kumo to be ndibi be ayabi bee wɔl nna a buri a tɔr nɛ beche bee kil amo a puga edɛ. Ŋkpal basa na ka maŋ pin asheŋ to na so, Ebɔrɛ nɛ e to bumo na maaŋ wu bumo kuwɔr ŋko n shu bumo so.

Jɛremaya 15:5

Kumo be kaman nɛ Enyɛnpe Ebɔrɛ na naŋ kaŋɛ le: “Wanɛ e naŋ shu menyi Jerusalɛm to be basa so, nɛ mbe kagbene e jija mo ga ŋkpal menyi so? Wanɛ e naŋ yige kusɔ nɛ e bee wora nseŋ bishi menyi so fanɛ nuso nɛ asheŋ du?

Jɛremaya 15:6

Men kini ma n lɛ nseŋ pal kaman n sa ma. Amoso meeŋ mur menyi, ŋkpal manɛ so, m maaŋ naŋ tiŋ n wu menyi kuwɔr.

Jɛremaya 16:5

Nɛ esa baŋ wu, sa maŋ kaŋ yɔ keelibuna na n ya chɔrɔ kanaŋ na ŋko a wora kuwɔr be asheŋ. M maaŋ naŋ sha ŋko n nɛfa ŋko n wu Juda be basa kuwɔr kikɛ.

Jɛremaya 21:7

Ama fo nɛ fo benimuana nɛ basa nɛ baaŋ ji efute ashi kena na nɛ akoŋ na nɛ alɔ lubi na to na bre, Babilɔn be ewura Nebukadneeza nɛ men doŋana nɛ baa sha kemɔ menyi na beeŋ pɛ menyi fanɛ anya nɛ ewura Nebukadneeza e ya mɔ menyi. E maaŋ yige menyi be ekoŋwule gba ŋko n wu menyi kuwɔr ŋko n shu menyi so. Ma, Enyɛnpe Ebɔrɛ na e kaŋɛ na.”

Jɛremaya 25:16

B kaŋ nuu kumo to be asɔ n loge, baaŋ boo nsaa wora asheŋ fanɛ bumo be amu ka kilgi na, ŋkpal kena nɛ meeŋ nya agbo n shin nɛ k ku bumo to na so.”

Jɛremaya 47:3

Baaŋ nu egbaŋɛ be aya ka bee gbri kasawule so, nseŋ nu egbaŋɛturko be egbri gba kasawule so. Betuto nɛ benio maaŋ naŋ bɛta n ya ta bumo be mbia; ŋkpal manɛ so baaŋ paŋ kenyɛn nseŋ chɛl nɛ bumo be mbre maaŋ naa kɔ eleŋ.

Jɛremaya 48:12

Amoso saŋko bee ba nɛ n shuŋi basa ko nɛ b ba ju Mowabebi na n lar fanɛ b ka chulgi yabra na. Baaŋ ju Mowabebi na n lar fanɛ b ka chulgi yabra mpuya to n lɛ nseŋ bure amo cheche na.

Jɛremaya 6:21

Ŋkpal loŋ so, ma Enyɛnpe Ebɔrɛ na beeŋ shin nɛ basa ere e fiti n tɔr. Betuto nɛ benio nɛ bumo be bibi nɛ beteriana nɛ bechenashapoana kikɛ beeŋ wu ashi asheŋ nɛ e beeŋ ba bumo so na to.”

Nfabel 2:21

Mbifɔlbi nɛ basakpar kikɛ e wu a dese agbembi so na, bedoŋ malɛ ta etokobi m mɔ mbrantiɛ nɛ besuŋgurbi. Kachɛ nɛ fo nya agbo na nɛ fo shin nɛ bedoŋ mɔ bumo nsaa maŋ wu bumo kuwɔr kikɛ.

Ezikɛl 24:14

Ma, Enyɛnpetale Ebɔrɛ na e kaŋɛ na fanɛ saŋɛ fo nɛ n wora kusɔ nɛ ŋ kaŋɛ fanɛ meeŋ wora na. M maaŋ kplaŋ fo lubi so ŋko n wu fo kuwɔr ŋko n chɛrga ma nfɛra. Meeŋ gberge fo kusoe ŋkpal kusɔ nɛ fo wora so.”

Ezikɛl 7:3

Israɛl be basa, lalaloge be kachɛ na fo menyi nna na. Meeŋ shin nɛ ma agbo e ba menyi so. Kanaŋkama, lalaloge be kachɛ na beeŋ ba nɛ n ji menyi demu nseŋ gberge menyi kusoe ŋkpal menyi be aworbi lubi nɛ ŋ kishi na so.

Ezikɛl 7:4

M maaŋ wu menyi kuwɔr ŋko n yige menyi nɛ men ta men be amu n ya ji. Abaanaaworasheŋ meeŋ gberge menyi kusoe ŋkpal men be eda lubi nɛ aworbi lubi nɛ ŋ kishi so. Ndoŋ nɛ menyeeŋ pin fanɛ ma e la Enyɛnpe Ebɔrɛ na.”

Ezikɛl 7:9

M maaŋ wu menyi kuwɔr, ma alɛ maaŋ yige menyi nɛ men ta menyi be amu n ya ji. Meeŋ gberge menyi kusoe ŋkpal menyi be eda nɛ aworbi lubi so. Ndoŋ nɛ menyeeŋ pin fanɛ ma Enyɛnpe Ebɔrɛ na e naa gberge menyi kusoe na.”

Ezikɛl 8:18

Ŋkpal loŋ so, meeŋ gberge bumo kusoe agbo so. M maaŋ wu bumo kuwɔr ŋko n yige bumo nɛ b ta bumo be amu n ya ji. Hale nɛ b shu n tre ma gba m maaŋ nu nseŋ chɛ bumo to.”

Ezikɛl 9:10

Amoso m maaŋ wu bumo kuwɔr ŋko n shu bumo so kikɛ. Kananɛ b wora beko na nɛ ma alɛ gba beeŋ wora bumo.”

Ezikɛl 9:5

Kumo be kaman nɛ n naŋ nu Ebɔrɛ ka kaŋɛ benyɛn nɛ b ka yil na le: “Men bɛ mo so n ya kaa mɔ basa, men sa maŋ kaŋ wu ekama kuwɔr ŋko n shu ekama so.

Hoziya 2:4

M maaŋ wu mbe mbia kuwɔr ŋkpal b ka la ayurbi so.

Zakareya 11:6

Nɛ Enyɛnpe Ebɔrɛ na naŋ kaŋɛ le: “M maaŋ naŋ shu ekama so ashi durnya ere to. Ŋ gbagba beeŋ ta basa na m bɔɔ bumo braana nɛ bewurjipoana enɔ nɛ b mur durnya ere cheche nɛ m maaŋ mɔlga kumo ashi bumo be enɔ to.”

Matiu 10:21

Basa beeŋ ta bumo niopibiana gbagba n sa nɛ b mɔ nɛ betuto e wora bumo be bibi loŋ. Mbia beeŋ wu bumo nioana nɛ bumo tutoana kedoŋ n ta bumo n sa nɛ b mɔ.

Maak 13:12

Basa beeŋ ta bumo niopibiana gbagba n sa nɛ b mɔ nɛ betuto e wora bumo be bibi loŋ, mbia beeŋ wu bumo nioana nɛ bumo tutoana kedoŋ n ta bumo n sa nɛ b mɔ.

Ditɛronɔmi 29:20

Enyɛnpe Ebɔrɛ na maaŋ ta m paŋ esa nɛ e beeŋ wora loŋ na. E beeŋ nya agbo ga n wora amodoŋwura nseŋ shin nɛ eshoduu nɛ a wɔ Ebɔrɛ na be mbra be kawɔl ere to a ba mo so nɛ e mur mo cheche. Saŋɛ na so, k beeŋ baa la kasokpele n sa Israɛl be eyiriana na kikɛ.

1 Samuɛl 14:16

Sɔɔl be benapo nɛ b wɔ Gibia na k wɔ Bɛnjamin be kasawule so a dara bumo doŋana na, daŋ wu Filisti be benapo na ka bee shile a yɛla kenishi to kaplɛkama.