Jɛremaya 13:10 - EBƆRƐ BE KAWƆL

¹⁰ Le be basa lubi ere kini kewora ma kasonu. B wora bumo be amu nɛ ŋgbene kpakpa nna nseŋ kini kebaashuŋ ma n ya kaa shuŋ agbirana. Amoso baaŋ ki fanɛ dɔkɔri nɛ k wu nsaa maŋ naa kɔ tɔnɔ kikɛ na.

Jɛremaya 13:10 Iomraidhean Croise

Nshɛ 78:8

Bumo ere maaŋ baa du fanɛ bumo nanaana nɛ b daŋ lar Ebɔrɛ kaman nseŋ kini kewora mo kasonu, nɛ bumo be yirda ashi Ebɔrɛ to daa maa yil to kpakpa, nɛ b maŋ ji kashenteŋ n sa mo na.

Kaŋinichiŋgeliŋ 11:9

Kebifɔlbi, baa ji fo kumu kagbenefuliso, ŋkpal fo kebifɔlbi so. Baa wora fo kagbene be aparsheŋ kanaŋkama nɛ fee sha. Ama baa nyiŋi fanɛ Ebɔrɛ beeŋ yili kusɔ kama nɛ fo wora so n ji fo demu.

Aizaaya 3:24

Beche na beeŋ baa ka dufɛ nyaŋnyaŋ ŋkpal b ka maaŋ naa gbiti etulale eyurana so so. B maaŋ naa nya a mɛa to a kre so. Baaŋ baa yige bumo be epiŋi nna nɛ a baa sha bumo so kanaŋkama loŋ. Bumo alɛ beeŋ she kɔlikɔli nseŋ buu asɔ farbi, nɛ bumo be kebita e terge nɛ anishinyɔr e pɛ bumo.

Jɛremaya 11:10

Kananɛ bumo nananyɛnana daŋ kini kenu ma mmalga nseŋ shuŋ agbir pɔtɛana nseŋ bɔla amo so n wora kulubi na nɛ bumo alɛ gba bee wora na. Juda nɛ Jerusalɛm to be basa kikɛ kini kewora m bɛ kɔnɔkoŋwule be ŋkre nɛ ma nɛ bumo nanaana wora na so nna.

Jɛremaya 11:18

Ade kikɛ be kaman nɛ Enyɛnpe Ebɔrɛ na shin nɛ m pin nia lubi nɛ ndoŋana daa kre a laŋɛ ma kaplɛa so.

Jɛremaya 13:7

Ndoŋ nna nɛ n yɔ ndoŋ n ya wu fanɛ dɔkɔri na wu nsaa maŋ naa walɛ kedela.

Jɛremaya 16:12

Ama menyi ere wora asheŋ lubi nɛ a chɔ men nananyɛnana peya. Menyi kikɛ be ŋgbene du kpakpa nna nseŋ lubi. Menyi alɛ maa nu a sa ma.

Jɛremaya 16:4

Alɔ nɛ kena nɛ akoŋgboŋ beeŋ mɔ bumo, nɛ ekama maaŋ shu bumo be nli ŋko m puli bumo gba kuraa. Bumo be kebuniana beeŋ dese ŋ ki keji n sa mbuibi nɛ kupuŋ to be asɔbɔya.

Jɛremaya 20:4

Enyɛnpe Ebɔrɛ na gbagba yɛ: ‘Meeŋ shin nɛ fo ta kufu m pɛ fo kumu nɛ fo teriana, nɛ bumo doŋana e ta etokobi m mɔ bumo fo anishito. Meeŋ ta Juda be efuli so be basa kikɛ m bɔɔ Babilɔn be efuli so be ewura enɔ nɛ e ji eleŋ bumo so. E beeŋ mɔ beko nseŋ pɛ beko fanɛ anya n yɔ mbe efuli so.

Jɛremaya 22:21

Jemanɛ nɛ asheŋ daa nite nɛnɛ a sa menyi na, Enyɛnpe Ebɔrɛ daŋ kpele menyi kusoe, ama men kini kenu n sa mo. Ma nɛ menyi ka fara m pin abar dra dra na kikɛ, menyi maŋ naŋ wora kusɔ Enyɛnpe Ebɔrɛ kaŋɛ menyi kikɛ.

Jɛremaya 23:17

Anebi fɛpoana ere bee kaŋɛ basa nɛ b kini kenu kusɔ nɛ ŋ kaŋɛ na nna fanɛ asheŋ beeŋ nyalɛ n sa bumo. Bumo alɛ nseŋ naa kaŋɛ kagbene kpakpasowuraana fanɛ b maaŋ ji jɛrbi kikɛ.”

Jɛremaya 3:17

Jemanɛ na kaŋ fo, Jerusalɛm be kadegboŋ na beeŋ baa la Enyɛnpe Ebɔrɛ na be Kuwurputiakpa, nɛ efuli pɔtɛana na so be basa kikɛ e baa kaa gama ndoŋ a shuŋ ma. B maaŋ naa wora asheŋ lubi nɛ e wɔ bumo be ŋgbene kpakpaso to na.”

Jɛremaya 35:15

Ŋ kraa shuŋi ma anya anebiana na menyi kutɔ, nɛ baa kaŋɛ menyi fanɛ men yige menyi be asheŋ lubi na nsaa wora kusɔ nɛ k niŋi. B kpele menyi kusoe fanɛ men sa maa bunyaŋ nsaa shuŋ agbir pɔtɛana, saŋɛ na so menyi kraa beeŋ chena kasawule nɛ n ta n sa men nananyɛnana na so. Ama men kini kenu n sa ma nsaa maŋ wora lakal a laŋɛ kumo be kaplɛa so.

Jɛremaya 44:16

“An kini kenu kusɔ nɛ fo kaŋɛ anyi ashi Enyɛnpe Ebɔrɛ na be ketre to nna.

Jɛremaya 44:5

Ama menyi maa nu ŋko n wɔtɔ lakal kusɔ nɛ baa kaŋɛ na to. Men kini keyige kebaalara esarga a sa agbirana na.

Jɛremaya 5:23

Ama menyi ŋgbene kpakpasowuraana ere kini ma nseŋ pal kaman n sa ma.

Jɛremaya 7:13

Menyi alɛ gba bee wora alubi nna na nɛ mee malga a sa menyi kapa nɛ kanyɛ, ama men maa nu a sa ma. M baŋ tre menyi gba menyi maa shuli ma so.

Jɛremaya 7:6

Men yige kebaapuni befɔ nɛ amunibi nɛ bekulpoche nɛ bekulponyɛn nseŋ naŋ yige kebaamɔ basa nɛ b maŋ wora shɛŋ ashi kasawule na so. Menyi alɛ e yige kagbirshuŋ, ŋkpal manɛ so, k beeŋ mur menyi.

Jɛremaya 8:5

Ma basa, manɛ e baa nɛ men lar ma kaman nsaa maŋ naa sha kebɛta m ba ma kutɔ? Men far n chɛ menyi be agbirana nna nsaa maŋ naa sha kebɛta m ba ma kutɔ.

Jɛremaya 9:13

Nɛ Enyɛnpe Ebɔrɛ na kaŋɛ le: “N daŋ mur kasawule na nna ŋkpal ma basa ka kini ma keŋini nɛ n ta n sa bumo na so nna. B daŋ maŋ wora ma kasonu ŋko n wora kusɔ nɛ kaŋɛ ŋ bumo fanɛ b wora na.

Jɛremaya 9:14

Ama b wora bumo be ŋgbene kpakpa nna nseŋ daŋ shuŋ agbirana nɛ baa tre Baal na fanɛ kananɛ bumo nanaana ŋini bumo na.

Jɛremaya 9:6

Ekama baa wɔtɔ nna a puni mo barkasa a ji nna. Ekama malɛ maa shuli so fanɛ ma e la Ebɔrɛ.

Nɔmbɛs 14:11

Ndoŋ nna nɛ Enyɛnpe Ebɔrɛ kaŋɛ Mosis le: “Emamachisheŋ damta nɛ n wora n sa basa ere kikɛ ere, b kraŋ kini keyirda ma nsaa keni ma jiga a?

Ashuŋ Shunso 7:51

Men kɔ amu kpakpaso ga. Menyi be ŋgbene du fanɛ nnyamase peya nna, men maŋ kɔ Ebɔrɛ be kubɔya na be asoe. Menyi nɛ men nanaana baa la kukoŋwule nna. Menyi alɛ gba maa nu a sa Kiyoyu Cheeŋ na.

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!